ಬೆಂಗಳೂರು: ಯಾರು ಯಾವಾಗ ಹೇಗೆ ಅಗಲುತ್ತಾರೋ ಎಂದು ಹೇಳುವುದು ಕಷ್ಟ. ಆದರೆ ಇದ್ದಷ್ಟೂ ಕಾಲ ನಗಿಸಿ, ಖುಷಿ ಕೊಟ್ಟು ಹೋಗಬೇಕು ಎಂಬ ಮಾತಿದೆ. ಅದರಲ್ಲೂ ದೇಶಾದ್ಯಂತ ಹೃದಯಾಘಾತ ಪ್ರಕರಣ ಹೆಚ್ಚಾಗುತ್ತಿದ್ದು, ಜನರು ಇದ್ದಕ್ಕಿದ್ದಂತೆ ಕುಸಿದು ಬಿದ್ದು ಸಾವಿಗೀಡಾಗುತ್ತಿರುವುದು ಈ ಮಾತಿಗೆ ಇನ್ನಷ್ಟು ಪುಷ್ಟಿ ನೀಡುತ್ತದೆ.
ಇಂದು ಹೃದಯಾಘಾತದಿಂದ ನಿಧನರಾದ ಚಿತ್ರಸಾಹಿತಿ-ನಿರ್ದೇಶಕ ಸಿ.ವಿ.ಶಿವಶಂಕರ್ ಅವರು ಹತ್ತು ದಿನಗಳ ಹಿಂದೆ ರೀಲ್ಸ್ವೊಂದರ ಮೂಲಕ ಬಹಳಷ್ಟು ಮಂದಿಯನ್ನು ರಂಜಿಸಿದ್ದರು. ಅವರು ತಮ್ಮ ಪುತ್ರ, ಸಾಫ್ಟ್ವೇರ್ ಉದ್ಯೋಗಿ ಲಕ್ಷ್ಮಣ್ ಅವರೊಂದಿಗೆ ಮಾಡಿದ್ದ ಒಂದು ವಿಡಿಯೋ ತುಣುಕು ವೈರಲ್ ಆಗಿತ್ತು. ನಟ, ಚಿತ್ರಸಾಹಿತಿಯೂ ಆಗಿರುವ ಪುತ್ರ ಲಕ್ಷ್ಮಣ್ ತಮ್ಮ ತಂದೆಯ ಜತೆಗಿನ ಆ ರೀಲ್ಸ್ ಜೂ. 17ರಂದು ಫೇಸ್ಬುಕ್ನಲ್ಲಿ ಪೋಸ್ಟ್ ಮಾಡಿಕೊಂಡಿದ್ದರು.