ಕರೊನಾ ಹಿನ್ನೆಲೆಯಲ್ಲಿ ಲಾಕ್ಡೌನ್ ಘೋಷಣೆ ಸಡಿಲಗೊಂಡಿದೆ. ಬಡವರ ಬೆನ್ನಿಗೆ ನಿಂತ ಎಷ್ಟೋ ಮಂದಿ, ಆಹಾರ ವಿತರಣೆ ಮಾಡಿದ್ದಾರೆ. ದಿನಸಿ ಪದಾರ್ಥ ಹಂಚಿಕೆ ಮಾಡಿದ್ದಾರೆ. ಸ್ಯಾಂಡಲ್ವುಡ್ನಲ್ಲಿ ಆರ್ಜೆ ಮಯೂರ್, ರಾಗಿಣಿ, ರೂಪಿಕಾ, ಪ್ರಣೀತಾ, ಅದ್ವಿತಿ, ಅಶ್ವಿತಿ ಹೀಗೆ ಹಲವಾರು ಮಂದಿ ಕೈಲಾದ ಸಹಾಯ ಮಾಡಿದ್ದಾರೆ. ಕ್ವಿಂಟಾಲ್ಗಟ್ಟಲೇ ಅಡುಗೆ ಸಿದ್ಧಪಡಿಸಿ, ಮನೆ ಮನೆಗೆ ತೆರಳಿ ವಿತರಣೆ ಮಾಡಿಬಂದಿದ್ದಾರೆ. ಬಾಲಿವುಡ್ನಲ್ಲಿಯೂ ಅಂಥ ಹಲವು ಕಾರ್ಯಗಳಾಗಿವೆ. ಇದೀಗ ಅದೇ ಕೆಲಸ ಮತ್ತೆ ಶುರುಮಾಡಿದ್ದಾರೆ ಬಾಲಿವುಡ್ ನಟಿ ಭೂಮಿ ಪಡ್ನೇಕರ್. ಅದರಲ್ಲಿ ಒಂದು ವಿಶೇಷವಿದೆ.
ಹೌದು, ಭೂಮಿ ಪಡ್ನೇಕರ್, ಏಕ್ ಸಾಥ್ ಹೆಸರಿನ ಸೇವಾ ಸಂಸ್ಥೆಯ ಜತೆ ಕೈ ಜೋಡಿಸಿದ್ದು, ಆ ಫೌಂಡೇಷನ್ ವತಿಯಿಂದ 550ಕ್ಕೂ ಕುಟುಂಬಗಳಿಗೆ ಊಟದ ವ್ಯವಸ್ಥೆ ಮಾಡುತ್ತಿದ್ದಾರೆ. ಅಂದಹಾಗೆ, ಅಭಿಷೇಕ್ ಕಫೂರ್ ಪತ್ನಿ ಪ್ರಜ್ಞ ಈ ಫೌಂಡೇಷನ್ ನಡೆಸುತ್ತಿದ್ದು, ಈಗಾಗಲೇ ಕರೊನಾ ಲಾಕ್ಡೌನ್ ಹಿನ್ನೆಲೆಯಲ್ಲಿ ಮುಂಬೈನ ಹಲವು ಸ್ಲಂ ಪ್ರದೇಶಗಳಿಗೆ ತೆರಳಿ ಅಲ್ಲಿನ ನಿರಾಶ್ರಿತರಿಗೆ ಅವಶ್ಯಕ ವಸ್ತುಗಳನ್ನು ನೀಡಿ ಬಂದಿದ್ದಾರೆ.
ಇದನ್ನೂ ಓದಿ: ಯಶ್ ನೀಡಿದ ಮೂರು ಬೆರಳಿನ ಸಿಗ್ನಲ್ ಏನಿರಬಹುದು?
ಇದೀಗ ಭೂಮಿ ಪಡ್ನೇಕರ್, ಇತ್ತಿಚೆಗಷ್ಟೇ ಅಗಲಿದ ಸುಶಾಂತ್ ಸಿಂಗ್ ನೆನಪಲ್ಲಿ 550ಕ್ಕೂ ಅಧಿಕ ಕುಟುಂಬಗಳಿಗೆ ಊಟದ ವ್ಯವಸ್ಥೆ ಮಾಡಿ ತಲುಪಿಸುವ ಕಾರ್ಯಕ್ಕೆ ಮುಂದಾಗಿದ್ದಾರೆ. ಇನ್ನು ಇತ್ತೀಚೆಗಷ್ಟೇ ಸುಶಾಂತ್ ಸಿಂಗ್ ಚಿರಸ್ಥಾಯಿಯಾಗಿ ಉಳಿಯಬೇಕೆಂಬ ನಿಟ್ಟಿನಲ್ಲಿ ಪಾಟ್ನಾದ ಮನೆಯನ್ನು ಸ್ಮಾರಕ ಮಾಡುವ ಯೊಝನೆ ನಡೆಯುತ್ತಿದೆ. ಅದೇ ರೀತಿ ಸುಶಾಂತ್ ಸಾವಿನ ತನಿಖೆ ಮತ್ತು ವಿಚಾರಣೆ ಪ್ರಕ್ರಿಯೆಯೂ ಬಿಡುಸಾಗಿದೆ. (ಏಜೆನ್ಸೀಸ್)