ಬೆಂಗಳೂರು: ಸೆ.15ರಂದು ಓಣಂ (Onam) ಹಬ್ಬವನ್ನು ರಾಜ್ಯದ ಹಲವೆಡೆ ಅದ್ಧೂರಿಯಾಗಿ ಸಂಭ್ರಮಿಸಲಾಯಿತು. ಮನೆ, ಅಪಾರ್ಟ್ಮೆಂಟ್ ಮತ್ತು ಆಫೀಸ್ ಕಛೇರಿಗಳಲ್ಲಿ ಹಬ್ಬವನ್ನು ಸಡಗರದಿಂದ ಆಚರಣೆ ಮಾಡಲಾಯಿತು. ಅನೇಕರು ಹಬ್ಬದ ಪ್ರಯುಕ್ತ ತಮ್ಮ ಮನೆಗಳ ಮುಂದೆ ರಂಗೋಲಿ ಬಿಡಿಸುವ ಮೂಲಕ ಖುಷಿಯನ್ನು ಹಂಚಿದ್ದರು. ಆದ್ರೆ, ಬೆಂಗಳೂರಿನ (Bengaluru) ಅಪಾರ್ಟ್ಮೆಂಟ್ವೊಂದರಲ್ಲಿ ಮಹಿಳೆಯೊಬ್ಬರು ಮಕ್ಕಳೆಲ್ಲಾ ಒಟ್ಟುಗೂಡಿ ಚಿತ್ರಿಸಿದ್ದ ರಂಗೋಲಿಯನ್ನು ಕಾಲಿನಿಂದ ಅಳಿಸಿ ಹಾಕಿದ ಘಟನೆ ಸ್ಥಳೀಯರ ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿರುವುದು ಇದೀಗ ತಡವಾಗಿ ಬೆಳಕಿಗೆ ಬಂದಿದೆ.
ಇದನ್ನೂ ಓದಿ: ಲಂಚದ ಜತೆಗೆ ಮಂಚಕ್ಕೂ ಬರಬೇಕು; ಆಫರ್ ಇಟ್ಟಿದ್ದ ಮಹಿಳಾ ಗವರ್ನರ್ಗೆ ಆಗಿದ್ದೇನು ಗೊತ್ತಾ?| Beautiful Governor
ಹಬ್ಬದ ಸಂಪ್ರದಾಯ, ಸಂಸ್ಕೃತಿ ಮರೆತ ಈ ಮಹಿಳೆ ಅನ್ಯರ ಭಾವನೆಗೆ ಧಕ್ಕೆ ತರುವಂತೆ ನಡೆದುಕೊಂಡಿರುವುದು ಇದೀಗ ಅನೇಕರ ಆಕ್ರೋಶಕ್ಕೆ ಕಾರಣವಾಗಿದೆ. ಒಂದೇ ಫ್ಲ್ಯಾಟ್ನಲ್ಲಿ ಇದ್ದ ಇತರರೊಂದಿಗೆ ವಾಗ್ವಾದಕ್ಕಿಳಿದ ಮಹಿಳೆ ಸಿಟ್ಟಿಗೆದ್ದು ಹೂವಿನ ಆಕಾರದಲ್ಲಿರುವ ರಂಗೋಲಿ (Onam Pookalam) ಮೇಲೆ ಕಾಲಿಟ್ಟು ತಮ್ಮ ಅಸಮಾಧಾನ ಹೊರಹಾಕಿದ್ದಾರೆ. ಚಪ್ಪಲಿ ಧರಿಸಿಯೇ ರಂಗೋಲಿ ತುಳಿದಿರುವ ಈಕೆ ಸ್ಥಳೀಯರೊಂದಿಗೆ ತೀವ್ರ ಜಟಾಪಟಿ ನಡೆಸಿದ್ದಾರೆ.
ಈ ವಿಡಿಯೋ ವೈರಲ್ ಆಗ್ತಿದ್ದಂತೆ ಅನೇಕರು ಮಹಿಳೆ ವಿರುದ್ಧ ಕಿಡಿಕಾರಿದ್ದು, ಆಕೆಯ ನಡೆ ಖಂಡಿಸಿ ಕಮೆಂಟ್ನಲ್ಲಿ ಹಿಗ್ಗಾಮುಗ್ಗಾ ಜಾಡಿಸಿದ್ದಾರೆ. ಒಬ್ಬರ ಖಾಸಗಿ ಫ್ಲ್ಯಾಟ್ ಮುಂದೆ ನೀವ್ಯಾರು ರಂಗೋಲಿ ಬಿಡಲು ಎಂದು ಮಹಿಳೆ ನೆರೆಹೊರೆಯವರೊಂದಿಗೆ ವಾಗ್ವಾದ ನಡೆಸಿರುವುದು ವಿಡಿಯೋ ಮುಖೇನ ತಿಳಿದುಬಂದಿದೆ,(ಏಜೆನ್ಸೀಸ್).