ನವದೆಹಲಿ: ಬಾಲಿವುಡ್ನ ರಣಬೀರ್ ಕಪೂರ್ ನಟನೆಯ 'ಅನಿಮಲ್' ಚಿತ್ರದ ಪ್ರೇರಣೆ ಪಡೆದ ಹಸೆಮಣೆ ಏರುತ್ತಿರುವ ನವ ಜೋಡಿಯೊಂದು ಬೃಹತ್ ಮಷೀನ್ಗನ್ ಮೇಲೆ ಕಲ್ಯಾಣ ಮಂಟಪಕ್ಕೆ ಬರುತ್ತಿರುವ ವಿಡಿಯೊಂದು( Video) ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಇತ್ತೀಚಿನ ದಿನಗಳಲ್ಲಿ ಭಾರತದಲ್ಲಿ ಮದುವೆಯ ಸಂಸ್ಕೃತಿಯು ಪ್ರತಿದಿನವೂ ಹೆಚ್ಚು ನವ್ಯವಾಗಿ ಹೊರಹೊಮ್ಮುತ್ತಿವೆ. ಅದರಲ್ಲೂ ದಂಪತಿಗಳು ತಮ್ಮ ವಿಶೇಷ ದಿನವನ್ನು ಮರೆಯಲಾಗದಂತೆ ನೋಡಿಕೊಳ್ಳಲು ನವೀನ ಆಲೋಚನೆಗಳೊಂದಿಗೆ ಹೊರ ಬರುತ್ತಿದ್ದಾರೆ. ಅದರಂತೆ ಅನಿಮಲ್ ಸಿನಿಮಾ ಪ್ರೇರಣೆ ಪಡೆದ ನವ ಜೋಡಿ ಮಷಿನ್ಗನ್(ವಾಹನ) ಮೇಲೆ ಎಂಟ್ರಿ ಕೊಟ್ಟಿದ್ದಾರೆ.
ವಿಡಿಯೋದಲ್ಲಿ ಏನಿದೆ?
ಮಿನಿ ಕಾರುಗಳು ಶೆಫ್ನಲ್ಲಿ ಮಾಡಲಾಗಿರುವ ಈ ಮಷಿನ್ಗನ್ ಅಂದಾಜು 500 ಕೆ.ಜಿ ತೂಕವಿದೆ. ಇದರ ಮೇಲೆ ನವಜೋಡಿ ಕಲ್ಯಾಣ ಮಂಟಪಕ್ಕೆ ಬಂದು ಇಳಿದಿದ್ದಾರೆ. ಅಲ್ಲದೆ, ಜೋಡಿ ಬರುವ ಸಂದಂರ್ಭದಲ್ಲಿ ಗನ್ನ ಎರಡು ಬದಿಯಲ್ಲಿ ಬೃಹತ್ ಹೊಗೆಯನ್ನು ಬಿಡುತ್ತಿದೆ. ಇದೀಗ ಈ ವಿಡಿಯೋ ವೈರಲ್ ಆಗಿದ್ದು, ಮೂರು ಕೋಟಿಗೂ ಅಧಿಕ ವಿಕ್ಷಣೆಗಳನ್ನು ಪಡೆದಿದೆ.
ಈ ಕ್ಲೀಪ್ ಇದೀಗ ಭಾರಿ ಸದ್ದು ಮಾಡುತ್ತಿದ್ದು ನೆಟ್ಟಿಜನ್ಸ್ ತರೆಹವಾರಿ ಕಾಮೆಂಟ್ಗಳನ್ನು ಮಾಡುತ್ತಿದ್ದಾರೆ,(ಏಜೆನ್ಸೀಸ್).