ಬೆಂಗಳೂರು: ಸ್ಯಾಂಡಲ್ವುಡ್ ಡ್ರಗ್ಸ್ ಲಿಂಕ್ ಪ್ರಕರಣದ ಆರೋಪಿ ಆದಿತ್ಯ ಆಳ್ವನ ಲಕ್ಸುರಿ ರೆಸಾರ್ಟ್ ಬಗ್ಗೆ ನೀವು ಕೇಳಿದ್ರೆ ದಂಗಾಗ್ತೀರಿ. ಹೆಬ್ಬಾಳ ಸಮೀಪದಲ್ಲಿರುವ ಆಳ್ವಾರ “House of Life” ರೆಸಾರ್ಟ್ನ ವಿಸ್ತಾರವೇ ಬರೋಬ್ಬರಿ ನಾಲ್ಕು ಎಕರೆ!
“House of Life” ರೆಸಾರ್ಟ್ನಲ್ಲಿ ತಡರಾತ್ರಿ ಪಾರ್ಟಿಗಳ ಅಬ್ಬರ ಜೋರಾಗಿಯೇ ಇತ್ತು. ಪಾರ್ಟಿಗಳಲ್ಲಿ ವಿದೇಶಿಗರು ಹಾಗೂ ಯುವಜನರೇ ಹೆಚ್ಚಾಗಿ ಭಾಗಿಯಾಗ್ತಿದ್ರು. ಈ ವೇಳೆ ಡ್ರಗ್ಸ್ ಸರಬರಾಜು ಆಗುತ್ತಿತ್ತು ಎಂಬ ಶಂಕೆಯೂ ವ್ಯಕ್ತವಾಗಿದೆ. ಅಂದ ಹಾಗೇ ಈ ಹೌಸ್ನಲ್ಲಿ ನಡೆಯುತ್ತಿದ್ದದ್ದು ಅಂತಿಂಥ ಪಾರ್ಟಿಯಲ್ಲ. ಅಕ್ರಮದ ಕೂಪ! ಪ್ರತೀಕ್ ಶೆಟ್ಟಿ ಮೂಲಕ ಈ ಪಾರ್ಟಿಯಲ್ಲಿ ಡ್ರಗ್ಸ್ ಸಿಗುತ್ತಿತ್ತು!
ಇದನ್ನೂ ಓದಿರಿ ರಾಗಿಣಿ ಕೈಯಲ್ಲಿ ‘ರಾಮಾಯಣ’ನಾ?
ಈ ರೆಸಾರ್ಟ್ನಲ್ಲಿ ಫ್ಲೈ ಡೈನಿಂಗ್ ರೆಸ್ಟೋರೆಂಟ್ ನಡೆಸಲು 2018ರಲ್ಲಿ ಅನುಮತಿ ಪಡೆಯಲಾಗಿತ್ತು. ಆದರೆ ಮರುವರ್ಷ ಈ ಪರವಾನಗಿಯನ್ನು ನವೀಕರಣ ಮಾಡಿಸದೆ ಫ್ಲೈ ಡೈನಿಂಗ್ ರೆಸ್ಟೋರೆಂಟ್ಅನ್ನು ಅಕ್ರಮವಾಗಿ ನಡೆಸಲಾಗುತ್ತಿತ್ತು. 2019ರ ಫೆಬ್ರವರಿಯಲ್ಲಿ ಬಿಬಿಎಂಪಿ ಆಯುಕ್ತ ಮಂಜುನಾಥ್ ಪ್ರಸಾದ್ ಇದನ್ನು ಸ್ಥಗಿತಗೊಳಿಸಿದ್ದರು.
ಡ್ರಗ್ಸ್ ಕೇಸ್ನ ಕಾಟನ್ಪೇಟೆ ಪ್ರಕರಣದಲ್ಲಿ ಎ6 ಆರೋಪಿ ಆದಿತ್ಯ ಆಳ್ವಾ. ಮಾಜಿ ಸಚಿವ ಜೀವರಾಜ್ ಆಳ್ವಾ ಅವರ ಪುತ್ರ.