ಉತ್ತರಪ್ರದೇಶ: ಕರೊನಾ ಭೀತಿಯಲ್ಲಿರುವ ಜನ ಫಂಗಸ್ ಹೆಸರು ಕೇಳಿದ್ರೆ ಸಾಕು ಮತ್ತಷ್ಟು ಬೆಚ್ಚಿಬೀಳ್ತಾರೆ. ಬ್ಲ್ಯಾಕ್ ಫಂಗಸ್, ವೈಟ್ ಫಂಗಸ್ ಕಾಣಿಸಿಕೊಂಡು ತಲ್ಲಣ ಮೂಡಿಸಿದೆ. ಫಂಗಸ್ಗೆ ಬಲಿಯಾಗುತ್ತಿರುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಇದೀಗ ಮತ್ತೊಂದು ವಿಧದ ಫಂಗಸ್ ಕಾಣಿಸಿಕೊಂಡಿದ್ದು, ಜನರಲ್ಲಿ ಆತಂಕ ಸೃಷ್ಟಿಸಿದೆ.
ಹೌದು, ಬ್ಲ್ಯಾಕ್ ಫಂಗಸ್, ವೈಟ್ ಫಂಗಸ್ನ ಅಟ್ಟಹಾಸ ಹೆಚ್ಚುತ್ತಿರುವಾಗಲೇ ಯೆಲ್ಲೋ ಫಂಗಸ್ ಕಾಣಿಸಿಕೊಂಡಿದೆ. ಇದು ಇತರ ಫಂಗಸ್ಕ್ಕಿಂತ ಹೆಚ್ಚು ಅಪಾಯಕಾರಿ ಎಂದು ವೈದ್ಯರು ಎಚ್ಚರಿಸಿದ್ದಾರೆ.
ಯೆಲ್ಲೋ ಫಂಗಸ್ನ ಮೊದಲ ಪ್ರಕರಣ ಉತ್ತರ ಪ್ರದೇಶದ ಗಾಜಿಯಾಬಾದ್ನಲ್ಲಿ ಪತ್ತೆಯಾಗಿದೆ. ದೇಹದಲ್ಲಿ ಆಂತರಿಕವಾಗಿ ಶುರುವಾಗುವ ಯೆಲ್ಲೋ ಫಂಗಸ್, ದೇಹದ ಮೇಲೆ ಗಾಯಗಳಾಗಿ ಕೀವು ತರಿಸಬಹುದು. ಗಂಭೀರ ಸ್ವರೂಪಕ್ಕೆ ತಿರುಗಿದರೆ ಅಂಗಾಗ ವೈಫಲ್ಯವೂ ಆಗಬಹುದು. ಲಕ್ಷಣ ಕಂಡು ಬರುತ್ತಿದ್ದಂತೆ ನಿರ್ಲಕ್ಷಿಸದೆ ಆರಂಭದಲ್ಲೇ ಚಿಕಿತ್ಸೆ ಪಡೆಯಬೇಕು ಎಂದು ತಜ್ಞರು ಹೇಳಿದ್ದಾರೆ ಎಂದು ವರದಿಯಾಗಿದೆ.
ಲಕ್ಷಣ: ಅಲಸ್ಯ, ತೂಕ ಕಡಿಮೆ ಆಗುವುದು, ಹಸಿವಾಗದಿರುವುದು ಹಳದಿ ಶಿಲೀಂಧ್ರ ರೋಗದ ಸಾಮಾನ್ಯ ಲಕ್ಷಣ ಎಂದು ಹೇಳಗಿದೆ. ಕಣ್ಣು ಮಂಜಾಗುವುದು, ಕಾಣಿಸದಿರುವುದು, ಕೀವಾಗುವುದು, ಕೀವು ಸೋರಿಕೆ ಯೆಲ್ಲೋ ಫಂಗಸ್ನ ತೀವ್ರ ಸ್ವರೂಪದ ಲಕ್ಷಣ. ಆರಂಭದಲ್ಲೇ ಚಿಕಿತ್ಸೆ ಪಡೆಯದಿದ್ದರೆ ಅಂಗಾಂಗ ವೈಫಲ್ಯ ಆಗಲಿದೆ ಎನ್ನಲಾಗಿದೆ.
ಕಳಪೆ ನೈರ್ಮಲ್ಯ, ಕಲುಷಿತ ಆಹಾರ, ಸ್ಟೀರಾಯ್ಡ್ಗಳ ಅತಿಯಾದ ಬಳಕೆ, ಕಲುಷಿತ ಆಕ್ಸಿಜನ್ ಸೇವನೆ... ಹೀಗೆ ನಾನಾ ಕಾರಣಕ್ಕೆ ಫಂಗಸ್ ಕಾಣಿಸಿಕೊಳ್ಳಲಿದೆ. ಕರೊನಾದಿಂದ ಗುಣಮುಖರಾದ ಬಳಿಕ ಕಾಣಿಸಿಕೊಳ್ಳುವ ಇತರ ರೋಗ ತಡೆಗೆ ಔಷಧ ತೆಗೆದುಕೊಳ್ಳವವರಿಗೆ ಇದು ಹೆಚ್ಚು ಅಪಾಯಕಾರಿ.