ಶಿವಮೊಗ್ಗದ ನಿದಿಗೆ ನಿವಾಸಿ, ಎಂಪಿಎಂ ಕಾರ್ಖಾನೆ ನಿವೃತ್ತ ಅಧಿಕಾರಿ ಆರ್.ಜಗನ್ನಾಥ ಅವರಿಗೆ ಡಿ.8ರಂದು ಹಾವು ಕಡಿತದಿಂದ ಮೃತಪಟ್ಟಿದ್ದರು. ಜಗನ್ನಾಥ ಅವರಿಗೆ ಗಂಡು ಮಕ್ಕಳಿರಲಿಲ್ಲ. ಮೂವರು ಪುತ್ರಿಯರಿದ್ದರು. ನಗರದ ರೋಟರಿ ಚಿತಾಗಾರದಲ್ಲಿ ಗುರುವಾರ ತಂದೆಯ ಚಿತೆಗೆ ಮೂವರು ಹೆಣ್ಣು ಮಕ್ಕಳೂ ಅಗ್ನಿಸ್ಪರ್ಶ ಮಾಡುವ ಮೂಲಕ ಅಂತಿಮ ನಮನ ಸಲ್ಲಿಸಿದರು. ಮೂವರಲ್ಲಿ ಒಬ್ಬರು ಶಿಕ್ಷಕಿಯಾಗಿದ್ದಾರೆ.
ಅಪ್ಪನನ್ನು ಕಳೆದುಕೊಂಡ ನೋವಿನಲ್ಲೇ ಈ ಮೂವರು ಹೆಣ್ಣು ಮಕ್ಕಳು ತಂದೆಯ ಕಾರ್ಯ ನೆರವೇರಿಸಿದ್ದರ ಫೋಟೋ ನೋಡಿದ ಸಾರ್ವಜನಿಕರು ಹೆಣ್ಣಾಗಲೀ, ಗಂಡಾಗಲೀ ಮಕ್ಕಳು ಮಕ್ಕಳೇ. ಎಲ್ಲರೂ ಒಂದೇ. ಅಪ್ಪನ ನೆನಪು, ಅವರ ಪ್ರೀತಿ ನಿಮ್ಮೊಂದಿಗೆ ಸದಾ ಜೀವಂತ. ಎದೆಗುಂದದಿರಿ.. ಎಂದು ನೆಟ್ಟಿಗರು ಧೈರ್ಯ ತುಂಬುತ್ತಿದ್ದಾರೆ