ನ್ಯೂ ಸೌತ್ ವೇಲ್ಸ್: ಸಿಹಿ ಪ್ರಿಯಳಾಗಿದ್ದ ಮಹಿಳೆಯೊಬ್ಬಳು ಆಗ ತಾನೆ ಮಾಡಿಟ್ಟಿದ್ದ ತಾಜಾ 10,000 ಡೋನಟ್ಗಳನ್ನು ಕಳ್ಳತನ ಮಾಡಬೇಕೆಂಬ ಹೊಂಚು ಹಾಕಿದ್ದು, ಅದನ್ನು ಸಾಗಿಸುತ್ತಿದ್ದ ಕ್ರಿಸ್ಪಿ ಕ್ರೀಮ್ ವ್ಯಾನ್ ಸಮೇತ ಖದ್ದು ಪರಾರಿಯಾದ ಘಟನೆ ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್ನಲ್ಲಿ ವರದಿಯಾಗಿದೆ.
ಇದನ್ನೂ ಓದಿ: ಅಮೆರಿಕದ ಇಸ್ರೇಲ್ ರಾಯಭಾರಿ ಕಚೇರಿ ಎದುರು ಬೆಂಕಿ ಹಚ್ಚಿಕೊಂಡ ಪ್ಯಾಲೆಸ್ತೀನ್ ಬೆಂಬಲಿಗ ಮಹಿಳೆ; ಸ್ಥಿತಿ ಚಿಂತಾಜನಕ
ಚಾಲಾಕಿ ಕಳ್ಳಿಯನ್ನು 30ರ ಆಸುಪಾಸಿನ ಮಹಿಳೆ ಎಂದು ಊಹಿಸಲಾಗಿದ್ದು, ಡೋನಟ್ ಸಾಗಿಸಲು ಇರಿಸಲಾಗಿದ್ದ ವಾಹನದೊಳಗೆ ನುಗ್ಗಿ, ಸ್ವೀಟ್ ಸಮೇತ ವಾಹನ ಚಲಾಯಿಸಿಕೊಂಡು ಸ್ಥಳದಿಂದ ಕ್ಷಣಮಾತ್ರದಲ್ಲಿ ಪರಾರಿಯಾಗಿದ್ದಾಳೆ. ಘಟನೆ ವಿವರಿಸಿದ ಬೇಕರಿ ಮಾಲೀಕರು ಒಂದು ಡೋನಟ್ನ ಬೆಲೆ ಸುಮಾರು 333 ರೂ. ಇದ್ದು, 10,000ಕ್ಕೂ ಹೆಚ್ಚು ಡೊನಟ್ಸ್ ಇತ್ತು ಎಂದು ತಿಳಿಸಿದ್ದಾರೆ.
ಆರೋಪಿ ಮಹಿಳೆ ಸುಮಾರು ಮೂವತ್ಮೂರು ಲಕ್ಷ ರೂಪಾಯಿ ಮೌಲ್ಯದ ಡೋನಟ್ಗಳನ್ನು ಕಳ್ಳತನ ಮಾಡಿದ್ದಾರೆ ಎಂದು ವರದಿ ಉಲ್ಲೇಖಿಸಿದೆ.
ಮುಂಜಾನೆ ಸುಮಾರು 3 ಗಂಟೆಗೆ ಬೇಕರಿ ಬ್ರಾಂಡ್ನ ವ್ಯಾನ್ ಡ್ರೈವರ್ ಡೋನಟ್ ತುಂಬಿದ ವ್ಯಾನ್ ಅನ್ನು ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್ನ ನ್ಯೂಕ್ಯಾಸಲ್ ಪ್ರದೇಶದ ಸರ್ವೀಸ್ ಸ್ಟೇಷನ್ನಲ್ಲಿ ನಿಲ್ಲಿಸಿದ್ದನು. ಆ ವೇಳೆ ಹಿಂಬಾಲಿಸಿಕೊಂಡು ಬಂದಿದ್ದ ಮಹಿಳೆ, ಡೊನಟ್ ಇದ್ದ ವಾಹನ ಸಮೇತ ಸ್ಥಳದಿಂದ ಕಾಲ್ಕಿತ್ತಿದ್ದಾಳೆ.
ಇದನ್ನೂ ಓದಿ: ನಿವೃತ್ತರನ್ನು ನೇಮಕ ಮಾಡಿದ ಇಲಾಖೆ ಎದುರು ಪ್ರತಿಭಟನೆ
ಘಟನೆ ಪರಿಶೀಲಿಸಿದ ಪೊಲೀಸರು, ಮಹಿಳೆಯ ಯಾವುದೇ ಸುಳಿವುಗಳು ಕಂಡಲ್ಲಿ ಜನರು ತಮಗೆ ಮಾಹಿತಿ ತಿಳಿಸುವಂತೆ ಮನವಿ ಮಾಡಿದ್ದು, ವ್ಯಾನ್ ಮತ್ತು ಶಂಕಿತ ಡೋನಟ್ ಕಳ್ಳಿಯ ಹುಡುಕಾಟಕ್ಕಾಗಿ ಬಲೆ ಬೀಸಿದ್ದೇವೆ ಎಂದು ತಿಳಿಸಿದ್ದಾರೆ,(ಏಜೆನ್ಸೀಸ್).