ಅಮೆರಿಕಾ: ಸಾಕುಪ್ರಾಣಿಗಳೆಂದರೆ ಯಾರಿಗೆ ಇಷ್ಟವಿಲ್ಲ ಹೇಳಿ. ಬಹುತೇಕರು ಸಾಕುಪ್ರಾಣಿಗಳನ್ನು ಮನೆಯಲ್ಲಿ ಸಾಕಲು ಇಷ್ಟಪಡುತ್ತಾರೆ. ಆದರೆ ನಿಮಗೆ ತಿಳಿದಿದೆಯೇ, ಸಾಕುಪ್ರಾಣಿಗಳ ಜೊತೆ ಸಮಯ ಕಳೆಯುವುದು ಹಾಗೂ ಅವುಗಳನ್ನು ಮುದ್ದಾಡುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳನ್ನು ಪಡೆಯಬಹುದು. ಸಾಕುಪ್ರಾಣಿಗಳಿಗಾಗಿ ಸಂಗೀತ ರಚನೆ ಸಂಯೋಜನೆ ಮಾಡಿದ್ರೆ...
ಇದನ್ನೂ ಓದಿ:ಉನ್ನತ ಶಿಕ್ಷಣ ಸಚಿವರ ತವರು ಜಿಲ್ಲೆಯಲ್ಲಿ ಮತ್ತೊಂದು ಹೀನ ಕೃತ್ಯ; ಮಕ್ಕಳಿಂದ ಶೌಚಗೃಹ ಕ್ಲೀನಿಂಗ್ ವಿಡಿಯೋ ವೈರಲ್!
ಸಂಗೀತಕ್ಕೆ ಕಲ್ಲುಗಳನ್ನು ಕರಗಿಸುವ ಶಕ್ತಿ ಇದೆ ಜೊತೆಗೆ ಒತ್ತಡ ನಿವಾರಣೆ ಮಾಡುತ್ತದೆ. ಆದರೆ ಇಲ್ಲೊಬ್ಬ ಪ್ರಾಣಿಗಳ ಒತ್ತಡವನ್ನು ನಿವಾರಿಸಲು ಅಮೆರಿಕಾದ ಅಮ್ಮನ್ ಅಹ್ಮದ್ ಸಂಗೀತ ಸಂಯೋಜಿಸುತ್ತಿದ್ದಾರೆ. ಸಾಕು ಪ್ರಾಣಿಗಳಿಗೆ ಸಂಗೀತ ನೀಡುವ ಮೂಲಕ ಈ ಯೂಟ್ಯೂಬರ್ ಈಗ ಮಿಲಿಯನೇರ್ ಆಗಿದ್ದಾರೆ. 42 ಮಿಲಿಯನ್ಗಿಂತಲೂ ಹೆಚ್ಚು ಪ್ರಾಣಿಗಳು ಟ್ಯೂನ್ ಆಗಿವೆ ಎಂದು ಕಂಪನಿ ಹೇಳುತ್ತಿದೆ.
ಯೂಟ್ಯೂಬರ್ ಅಮ್ಮನ್ ಅಹ್ಮದ್ ಅವರು ಮಕ್ಕಳು, ನಾಯಿಗಳು ಮತ್ತು ಇಲಿಗಳಿಗೆ ಸಂಗೀತ ಸಂಯೋಜಿಸುವ ಮೂಲಕ ಸಾಮಾಜಿಕ ಮಾಧ್ಯಮದಲ್ಲಿ ಮೆಚ್ಚುಗೆ ಪಡೆದಿದ್ದಾರೆ. ಯುಎಸ್ ಮೂಲದ ಅಮ್ಮನ್ ಅಹ್ಮದ್ ಅವರು 'ರಿಲ್ಯಾಕ್ಸ್ ಮೈ ಡಾಗ್' (ರಿಲ್ಯಾಕ್ಸ್ ಮೈಡಾಗ್) ಮತ್ತು 'ರಿಲ್ಯಾಕ್ಸ್ ಮೈ ಕ್ಯಾಟ್' (ರಿಲ್ಯಾಕ್ಸ್ ಮೈಕ್ಯಾಟ್) ಯೂಟ್ಯೂಬ್ ಚಾನೆಲ್ಗಳನ್ನು ನಡೆಸುತ್ತಿದ್ದಾರೆ. ಅವರು ಲಕ್ಷಾಂತರ ಚಂದಾದಾರರನ್ನು ಹೊಂದಿದ್ದಾರೆ.
ಆರಂಭದಲ್ಲಿ ಅವರು ನಿದ್ರಾಹೀನತೆಯಿಂದ ಬಳಲುತ್ತಿರುವವರಿಗೆ ಸಂಗೀತ ಸಂಯೋಜಿಸಲು ಪ್ರಾರಂಭಿಸಿದರು ಆದರೆ ಸ್ನೇಹಿತನ ಸಲಹೆಯ ಮೇರೆಗೆ ಅವರು ಪ್ರಾಣಿಗಳಿಗೆ ಸಂಗೀತ ನಿರ್ದೇಶನವನ್ನು ಪ್ರಾರಂಭಿಸಿದರು. ಈ ಐಡಿಯಾ ಚೆನ್ನಾಗಿ ಕೆಲಸ ಮಾಡಿದೆ. ಪ್ರಾಣಿಗಳು ಅವನ ಸಂಗೀತವನ್ನು ಕೇಳುತ್ತಾ ವಿಶ್ರಾಂತಿ ಪಡೆಯುತ್ತವೆ.
ಅಮ್ಮನ್ ಅಹ್ಮದ್ ಪ್ರಸ್ತುತ ಬೆಕ್ಕುಗಳು ಮತ್ತು ನಾಯಿಗಳು ವಿಶ್ರಾಂತಿ ಪಡೆಯಲು ಡಜನ್ಗಟ್ಟಲೆ ಪ್ಲೇಪಟ್ಟಿಗಳನ್ನು ರಚಿಸುತ್ತಿದ್ದಾರೆ. ಹೀಗೆ ಮ್ಯೂಸಿಕ್ ಕಂಪೋಸ್ ಮಾಡುವಾಗ ಕೆಲವು ಟ್ರಾಕ್ ಗಳು ಕೆಲಸ ಮಾಡಿದವು. ಕೆಲವು ಕೆಲಸ ಮಾಡಲಿಲ್ಲ. ಸಂಗೀತ ನಿರ್ದೇಶನಕ್ಕೂ ನಾಯಿ ಮಾಲೀಕರು ನೀಡುವ ಪ್ರತಿಕ್ರಿಯೆ ತುಂಬಾ ಉಪಯುಕ್ತವಾಗಿದೆ ಎನ್ನುತ್ತಾರೆ ಅಮ್ಮನ್ ಅಹಮದ್.
ಐದು ವರ್ಷಗಳ ಹಿಂದೆ ಅವರು ಯುಕೆಯಲ್ಲಿ 'ಮ್ಯೂಸಿಕ್ ಫಾರ್ ಪೆಟ್ಸ್' ಎಂಬ ಕಂಪನಿಯನ್ನು ಪ್ರಾರಂಭಿಸಿದರು. ಪ್ರಾಣಿಗಳ ಪ್ಲೇಪಟ್ಟಿಗಳು ಜನಪ್ರಿಯತೆಯನ್ನು ಹೆಚ್ಚಿಸಿದವು ಮತ್ತು US ಮೂಲದ ಸಂಗೀತ ಕಂಪನಿಯು ಹಕ್ಕುಗಳನ್ನು ಖರೀದಿಸಿತು. ಕಂಪನಿಯು ಈಗ ಸೂಪರ್ ಅಭಿಮಾನಿಗಳನ್ನು ಹೊಂದಿದೆ. ಅವರು ತಮ್ಮ ಸಾಕುಪ್ರಾಣಿಗಳನ್ನು ಶಾಂತಗೊಳಿಸಲು ಸಂಗೀತವನ್ನು ಅವಲಂಬಿಸಿದ್ದಾರೆ ಎಂದು ಅಮ್ಮನ್ ಅಹ್ಮದ್ ಹೇಳುತ್ತಾರೆ.
ವಿಷ್ಯ ಏನಪ್ಪಾ ಅಂದ್ರೆ ಸಾಕು ಪ್ರಾಣಿಗಳಿಗೆ ಸಂಗೀತ ನೀಡುವ ಮೂಲಕ ಈ ಯೂಟ್ಯೂಬರ್ ಮಿಲಿಯನೇರ್ ಆಗಿದ್ದಾರೆ. ಅದು ವಿಷಯ. ಅವರ ಸೃಜನಶೀಲತೆ ಅವರನ್ನು ಮಿಲಿಯನೇರ್ ಮಾಡಿದೆ.