Pushpa 2 : ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಅಭಿನಯದ ಪುಷ್ಪ 2 ಚಿತ್ರ ಕಳೆದ ವರ್ಷದ ಡಿ.05 ರಂದು ದೇಶಾದ್ಯಂತ ಅದ್ಧೂರಿಯಾಗಿ ಬಿಡುಗಡೆಯಾಗಿ, ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿತು. ಮೊದಲ ದಿನವೇ 294 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದ ಈ ಚಿತ್ರ ಒಟ್ಟು 1500 ಕೋಟಿಗೂ ಅಧಿಕ ಹಣ ಗಳಿಸಿ, ಭಾರತೀಯ ಸಿನಿಮಾ ಇತಿಹಾಸದಲ್ಲಿ ದಾಖಲೆಗಳನ್ನು ಸೃಷ್ಟಿಸಿದೆ.
ಪುಷ್ಪ 2 ಸಿನಿಮಾದಲ್ಲಿ ವಿಶೇಷ ಪಾತ್ರವೊಂದಿದೆ. ಇಡೀ ಕತೆಗೆ ರೋಚಕ ತಿರುವು ನೀಡೋದೆ ಆ ಪಾತ್ರ. ಯಾವುದು ಆ ಪಾತ್ರ ಅಂದರೆ ಕಾವೇರಿ ಹೆಸರಿನ ಹಳ್ಳಿ ಹುಡುಗಿ ಪಾತ್ರ. ಅಲ್ಲು ಅರ್ಜುನ್ ಅವರ ಅಣ್ಣನ ಮಗಳಾಗಿ ಕಾವೇರಿ ಪಾತ್ರಕ್ಕೆ ಪಾವನಿ ಕರಣಂ ಬಣ್ಣ ಹಚ್ಚಿದ್ದಾರೆ. ಕಿಡ್ನಾಪ್ ಆಗುವ ತನ್ನ ಅಣ್ಣನ ಮಗಳನ್ನು ಉಳಿಸಲು, ಪುಷ್ಪ ರಾಜ್ ಸಚಿವರ ಮಗನನ್ನೂ ಸಹ ಬಿಡದೆ ಕೊಲ್ಲುತ್ತಾನೆ. ಇಡೀ ಕತೆಗೆ ಇದೇ ತಿರುವು.
ಪಾವನಿಯ ನಟನೆ ರಶ್ಮಿಕಾ ಮಂದಣ್ಣ ಅವರಷ್ಟೇ ಗಮನ ಸೆಳೆಯಿತು ಮತ್ತು ಹಲವರ ಮೆಚ್ಚುಗೆಗೆ ಪಾತ್ರವಾಯಿತು. ಸಿನಿಮಾದಲ್ಲಿ ಥೇಟ್ ಹಳ್ಳಿ ಹುಡುಗಿಯಂತೆ ಕಾಣುವ ಪಾವನಿ ನಿಜ ಜೀವನದಲ್ಲಿ ಸಿಕ್ಕಾಪಟ್ಟೆ ಹಾಟ್. ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಆಗಾಗಾ ಹಾಟ್ ಫೋಟೋಗಳನ್ನು ಹರಿಬಿಡುತ್ತಿರುತ್ತಾರೆ.
ಅಂದಹಾಗೆ ಅಲ್ಲು ಅರ್ಜುನ್ ಅವರ ಪುಷ್ಪ 2 ಚಿತ್ರದಲ್ಲಿ ಕಾಣಿಸಿಕೊಳ್ಳುವುದಕ್ಕೂ ಮುಂಚೆ ಪಾವನಿ ಕರಣಂ, ತೆಲುಗು ಇಂಡಸ್ಟ್ರಿಯಲ್ಲಿ ಪ್ರಸಿದ್ಧ ನಟಿಯಾಗಿದ್ದರು. ಆದರೆ, ಪುಷ್ಪ 2 ಸಿನಿಮಾ ರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ತಂದುಕೊಟ್ಟಿತು. ಪಾವನಿ ಅವರು 2023ರಲ್ಲಿ ದಕ್ಷಿಣ ಚಿತ್ರರಂಗ ಪ್ರವೇಶಿಸಿದರು. ಪಾವನಿ ಅವರ ಚೊಚ್ಚಲ ಚಿತ್ರ 'ಪರೇಶಾನ್'. ಇದಲ್ಲದೆ, 2024ರಲ್ಲಿ ನಟಿಯ ಎರಡನೇ ಚಿತ್ರ 'ಪೆಲ್ಲಂ ಪಿಲ್ಲಗ' ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು.
ಅಲ್ಲು ಅರ್ಜುನ್ ಅವರ ಪುಷ್ಪ 2 ಚಿತ್ರದಿಂದ ಪಡೆದ ಯಶಸ್ಸನ್ನು ಪಾವನಿ ಅವರು ಈ ಹಿಂದಿನ ಎರಡೂ ಚಿತ್ರಗಳಿಂದ ಪಡೆಯಲು ಸಾಧ್ಯವಾಗಲಿಲ್ಲ. ಈ ಚಿತ್ರದಲ್ಲಿನ ಅವರ ಪಾತ್ರಕ್ಕೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದೆ. ಇಷ್ಟೇ ಅಲ್ಲ, ಅವರು ಸಾಮಾಜಿಕ ಮಾಧ್ಯಮದಲ್ಲಿಯೂ ಸಾಕಷ್ಟು ಜನಪ್ರಿಯತೆಯನ್ನು ಗಳಿಸಿದ್ದಾರೆ. ಪಾವನಿ ಪ್ರಸ್ತುತ ಇನ್ಸ್ಟಾಗ್ರಾಮ್ನಲ್ಲಿ 2 ಲಕ್ಷಕ್ಕೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ.
ಪಾವನಿ ಕರಣಂ ಸಿನಿಮಾ ರಂಗಕ್ಕೆ ಬರುವ ಮೊದಲು ಕೆಲವು ಕಿರುಚಿತ್ರಗಳಲ್ಲಿ ನಟಿಸಿದ್ದಾರೆ. ಇದಲ್ಲದೆ, ಅವರು 'ಮಾಡರ್ನ್ ಲವ್ ಹೈದರಾಬಾದ್' ಎಂಬ ಟಿವಿ ಸರಣಿಯಲ್ಲೂ ಕೆಲಸ ಮಾಡಿದ್ದಾರೆ. ಪ್ರಸ್ತುತ, ಪಾವನಿ ಪುಷ್ಪ 2 ರ ಅದ್ಭುತ ಯಶಸ್ಸನ್ನು ಆನಂದಿಸುತ್ತಿದ್ದಾರೆ. (ಏಜೆನ್ಸೀಸ್)