ಪ್ರಭಾಸ್ ಅಭಿನಯದ ‘ರಾಧೇ ಶ್ಯಾಮ್ ಬಿಡುಗಡೆಯ ಹಂತಕ್ಕೆ ಬಂದಿದೆ. ‘ಆದಿಪುರುಷ್’ ಚಿತ್ರೀಕರಣ ಮುಕ್ತಾಯವಾಗಿದೆ. ‘ಸಲಾರ್’ ಚಿತ್ರೀಕರಣ ಪ್ರಗತಿಯಲ್ಲಿದೆ. ಆ ನಂತರ ಮುಂದೇನು ಎಂಬ ಪ್ರಶ್ನೆಯೇ ಇಲ್ಲ. ಈಗಾಗಲೇ ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದಲ್ಲಿ ಪ್ರಭಾಸ್, ‘ಸ್ಪಿರಿಟ್’ ಎಂಬ ಚಿತ್ರವನ್ನು ಒಪ್ಪಿಕೊಂಡಿದ್ದು, ‘ಸಲಾರ್’ ಮುಗಿಯುತ್ತಿದ್ದಂತೆಯೇ ಆ ಚಿತ್ರದ ಚಿತ್ರೀಕರಣ ಶುರುವಾಗಲಿದೆ.
ಈ ಚಿತ್ರದಲ್ಲಿ ಪ್ರಭಾಸ್ ನಾಯಕಿಯಾಗಿ ದಕ್ಷಿಣ ಕೊರಿಯಾದ ನಟಿ ಸಾಂಗ್ ಹೇ-ಕ್ಯೋ ನಟಿಸುತ್ತಿದ್ದಾರಂತೆ. ಹಾಗಂತ ಚಿತ್ರತಂಡದವರೇನೂ ಹೇಳಿಕೊಂಡಿಲ್ಲ ಬಿಡಿ. ಆದರೆ, ಸುದ್ದಿಯಂತೂ ಆಗಿದೆ. ಈ ಸಾಂಗ್ ಹೇ-ಕ್ಯೋ, ‘ಫುಲ್ ಹೌಸ್’, ‘ಮೈ ಹಾರ್ಟ್’ ಮತ್ತು ‘ಆಲ್ ಇನ್ ಆಲ್’ ಸರಣಿಗಳಿಂದ ಬಹಳ ಜನಪ್ರಿಯರಾಗಿದ್ದಾರೆ. ಆಕೆಯನ್ನು ಭಾರತ ದಲ್ಲೂ ಆಧಾರಿಸುವ ಅಭಿಮಾನಿಗಳಿದ್ದಾರೆ.
ಇನ್ನು, ಕಥೆ ಮತ್ತು ಪಾತ್ರಕ್ಕೆ ಒಬ್ಬ ವಿದೇಶಿ ನಟಿಯ ಅವಶ್ಯಕತೆ ಇದ್ದ ಕಾರಣ, ಚಿತ್ರತಂಡದವರು ಸಾಂಗ್ಗೆ ಗಾಳ ಹಾಕಿದ್ದಾರೆ ಎಂಬ ಸುದ್ದಿಯೊಂದು ಕೇಳಿಬರುತ್ತಿದೆ.