ಬಯೋಪಿಕ್ಗಳಿಗೂ ಬಾಲಿವುಡ್ಗೂ ಒಂದು ರೀತಿ ಅವಿನಾಭಾವ ನಂಟು. ಬೇರೆ ಚಿತ್ರರಂಗಗಳಿಗೆ ಹೋಲಿಸಿದರೆ, ಅತೀ ಹೆಚ್ಚು ಬಯೋಪಿಕ್ಗಳು ನಿರ್ವಣವಾಗಿದ್ದು ಬಾಲಿವುಡ್ನಲ್ಲಿ. ಈಗಾಗಲೇ ಇನ್ನೂ ಹಲವು ನಿರ್ಮಾಣ ಹಂತದಲ್ಲಿವೆ. ಇದೀಗ ಆ ಪಟ್ಟಿಗೆ ಮತ್ತೊಂದು ಸೇರ್ಪಡೆ ಸರೋಜ್ ಖಾನ್ ಬಯೋಪಿಕ್!
ಹೌದು, ತೀವ್ರ ಹೃದಯಾಘಾತದಿಂದ ಇತ್ತೀಚೆಗಷ್ಟೇ ನಿಧನ ಹೊಂದಿದ ಬಾಲಿವುಡ್ನ ಹೆಸರಾಂತ ನೃತ್ಯ ನಿರ್ದೇಶಕಿ ಸರೋಜ್ ಖಾನ್ ಕುರಿತ ಸಿನಿಮಾವನ್ನು ತೆರೆಮೇಲೆ ತರಲು ಬಾಲಿವುಡ್ನ ಖ್ಯಾತ ನೃತ್ಯ ನಿರ್ದೇಶಕ ರೆಮೋ ಡಿಸೋಜಾ ನಿರ್ಧರಿಸಿದ್ದಾರೆ. ಈಗಾಗಲೇ ‘ಎಬಿಸಿಡಿ’, ‘ಎಬಿಸಿಡಿ 2’, ‘ರೇಸ್ 3’, ಮತ್ತು ‘ಸ್ಟ್ರೀಟ್ ಡಾನ್ಸರ್’ ಸಿನಿಮಾಗಳಿಗೆ ನಿರ್ದೇಶನ ಮಾಡಿದ ಅನುಭವ ಇರುವ ರೆಮೋ, ಸರೋಜ್ ಖಾನ್ ಅವರ ನೃತ್ಯ ಜೀವನವನ್ನು ಬೆಳ್ಳಿತೆರೆ ಮೇಲೆ ತರಲಿದ್ದಾರಂತೆ.
ಇದನ್ನೂ ಓದಿ: ಕಿಚ್ಚ ಸುದೀಪ್ ಶೇರ್ ಮಾಡಿದ್ದಾರೊಂದು ಅಪರೂಪದ ಫೋಟೋ!
ಅಂದಹಾಗೆ, ಸರೋಜ್ ಬದುಕಿದ್ದಾಗಲೇ ಅವರ ಬಗ್ಗೆ ಸಿನಿಮಾ ಮಾಡುವ ಇಂಗಿತ ವ್ಯಕ್ತಪಡಿಸಿದ್ದ ರೆಮೋ, ಈ ಮೊದಲೇ ಅವರ ಬಳಿ ಚರ್ಚೆ ಮಾಡಿದ್ದರಂತೆ. ಅವರಿಂದಲೂ ಸಮ್ಮತಿ ಸಿಕ್ಕಿತ್ತು ಎಂದೇ ಹೇಳಲಾಗುತ್ತಿದೆ. ಇದೀಗ ಅವರ ಕಾಲಾನಂತರ ಆ ಪ್ರಾಜೆಕ್ಟ್ ಶುರುವಾಗುತ್ತಿದ್ದು, ಶೀಘ್ರದಲ್ಲಿ ಅಪ್ಡೇಟ್ ಮಾಹಿತಿಯೊಂದಿಗೆ ಆಗಮಿಸಲಿದ್ದಾರಂತೆ ನಿರ್ದೇಶಕ ರೆಮೋ. ಅಂದಹಾಗೆ, ತಾರಾಗಣದಲ್ಲಿ ಯಾರೆಲ್ಲ ಇರಲಿದ್ದಾರೆ, ನಿರ್ವಪಕರು ಯಾರು ಎಂಬುದು ಮುಂದಿನ ದಿನಗಳಲ್ಲಿ ಘೋಷಣೆ ಮಾಡಲಿದ್ದಾರಂತೆ. -(ಏಜೆನ್ಸೀಸ್)