ಚೆನ್ನೈ: ನಟ-ನಿರ್ದೇಶಕ ಪ್ರಭುದೇವ ಸದ್ದಿಲ್ಲದೆ ತಮ್ಮ ಸಂಬಂಧಿಯೊಬ್ಬರನ್ನು ಮದುವೆಯಾಗುತ್ತಿದ್ದಾರೆ ಎಂಬ ಸುದ್ದಿಯೊಂದು ಕಳೆದ ವಾರವೇ ಕೇಳಿಬಂದಿತ್ತು. ಆದರೆ, ಈ ಸುದ್ದಿಗಳೆಲ್ಲಾ ಅಂತೆ-ಕಂತೆಗಳ ಲೆವೆಲ್ನಲ್ಲೇ ಇತ್ತು.
ಈಗ ಈ ವಿಷಯವಾಗಿ ಇನ್ನೊಂದು ಅಪ್ಡೇಟ್ ಬಂದಿದ್ದು, ಪ್ರಭುದೇವ ಅವರು ಈಗಾಗಲೇ ಸದ್ದಿಲ್ಲದೆ ಮದುವೆಯಾಗಿದ್ದು, ಅವರು ಮದುವೆಯಾಗಿರುವ ಹೆಣ್ಣು ಅವರ ಸಂಬಂಧಿಯಲ್ಲ, ಬದಲಿಗೆ ಅವರೊಬ್ಬ ವೈದ್ಯೆ ಎಂಬ ಸುದ್ದಿಯೊಂದು ಕೇಳಿಬರುತ್ತಿದೆ.
ಇದನ್ನೂ ಓದಿ: ಉಪೇಂದ್ರರ ಪ್ರಜಾಕೀಯದ ಬಗ್ಗೆ ವರ್ಮ ಅಭಿಪ್ರಾಯವೇನು?
ಪ್ರಭುದೇವ ಕಳೆದ ಕೆಲವು ವರ್ಷಗಳಿಂದ ಬೆನ್ನುನೋವಿನಿಂದ ಬಳಲುತ್ತಿದ್ದರು. ಈ ಸಂಬಂಧ ಅವರು ಫಿಸಿಯೋಥೆರಪಿಸ್ಟ್ ಒಬ್ಬರಿಂದ ಸೂಕ್ತ ಚಿಕಿತ್ಸೆ ಪಡೆಯುತ್ತಿದ್ದರಂತೆ. ಚಿಕಿತ್ಸೆ ಪಡೆಯುತ್ತಾ ಪಡೆಯುತ್ತಾ ಅವರಿಬ್ಬರ ಮಧ್ಯೆ ಲವ್ ಆಗಿ, ಆ ಪ್ರೀತಿ ಮದುವೆಯಲ್ಲಿ ಅಂತ್ಯವಾಗಿದೆ ಎಂಬ ಮಾತು ಕೇಳಿಬರುತ್ತಿದೆ.
ಪ್ರಭುದೇವ ಈ ವಿಷಯವನ್ನು ಎಷ್ಟು ರಹಸ್ಯವಾಗಿಟ್ಟಿದ್ದಾರೆಂದರೆ, ಸಂಬಂಧಿಕರು ಮತ್ತು ಕೆಲವು ಆಪ್ತಸ್ನೇಹಿತರು ಬಿಟ್ಟರೆ ಮಿಕ್ಕಂತೆ ಚಿತ್ರರಂಗದಲ್ಲಿ ಯಾರಿಗೂ ಈ ವಿಷಯದ ಬಗ್ಗೆ ಗೊತ್ತಿಲ್ಲವಂತೆ.
ಅಂದಹಾಗೆ, ಪ್ರಭುದೇವ ಅವರಿಗೆ ಇದು ಎರಡನೆಯ ಮದುವೆ. ಹಲವು ವರ್ಷಗಳ ಹಿಂದೆ ರಾಮಲತಾ ಎನ್ನುವವರ ಜತೆಗೆ ಅವರು ಮದುವೆಯಾಗಿದ್ದು, ಅವರಿಗೆ ಮೂವರು ಮಕ್ಕಳೂ ಇದ್ದರು. ಒಂದು ಹಂತದಲ್ಲಿ ತಮ್ಮ ಪತ್ನಿಗೆ ಡೈವೋರ್ಸ್ ನೀಡಿದ ಪ್ರಭುದೇವ, ನಟಿ ನಯನತಾರಾ ಅವರನ್ನು ಪ್ರೀತಿಸುತ್ತಿದ್ದರು. ಆಮೇಲೆ ಕಾರಣಾಂತರಗಳಿಂದ ನಯನತಾರಾ ಸಹ ಬಿಟ್ಟು ಹೋದಮೇಲೆ, ಪ್ರಭುದೇವ ನಟನೆ-ನಿರ್ದೇಶನದ ಬಗ್ಗೆ ಹೆಚ್ಚು ಗಮನಹರಿಸಿದ್ದರು.
ಈಗ ಅವರು ಸದ್ದಿಲ್ಲದೆ ಇನ್ನೊಂದು ಮದುವೆಯಾಗಿದ್ದಷ್ಟೇ ಅಲ್ಲ, ಚೆನ್ನೈನಲ್ಲಿ ಪತ್ನಿಯೊಂದು ಸುಖಸಂಸಾರ ನಡೆಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.