ಹೈದರಾಬಾದ್: ನಟಿಯರ ಜತೆ ಕೆಲ ನೆಟ್ಟಿಗರ ಅತಿರೇಕದ ವರ್ತನೆ ಬಗ್ಗೆ ಆಗಾಗ ವರದಿಯಾಗುತ್ತಲೇ ಇರುತ್ತವೆ. ಬಹುಶಃ ಸಾಮಾಜಿಕ ಜಾಲತಾಣಗಳ ಮೇಲೆ ಕಠಿಣ ನಿಯಮ ಜಾರಿಯಾಗುವವರೆಗೂ ಇದು ತಪ್ಪಿದ್ದಲ್ಲ ಅನಿಸುತ್ತದೆ. ಈ ತಿಂಗಳ ಆರಂಭದಲ್ಲಿ ನೆಟ್ಟಿಗನೊಬ್ಬ ಖ್ಯಾತ ನಟಿ ಪೂಜಾ ಹೆಗ್ಡೆ ಅವರ ಬೆತ್ತಲೆ ಫೋಟೋ ಕೇಳಿದ್ದ. ಇದೀಗ ಮತ್ತೊಬ್ಬ ನಟಿಯು ಸಹ ಅದೇ ಕಹಿ ಅನುಭವ ಎದುರಿಸಿದ್ದಾರೆ.
ಹೌದು. ನಟಿ ಶ್ರೀಮುಖಿ ಟಾಲಿವುಡ್ನಲ್ಲೇ ಪ್ರಮುಖ ಆ್ಯಂಕರ್ಗಳಲ್ಲಿ ಒಬ್ಬರು. ಬೆಳ್ಳಿ ತೆರೆಯಲ್ಲಿ ಮಿಂಚುತ್ತಿರುವ ಈ ನಟಿ ಆಗಾಗ ನಿರೂಪಣೆ ಮೂಲಕವೂ ಅಭಿಮಾನಿಗಳನ್ನು ರಂಜಿಸುತ್ತಿರುತ್ತಾರೆ. ಜಾಲತಾಣದಲ್ಲಿ ಸದಾ ಸಕ್ರಿಯರಾಗಿರುವ ಶ್ರೀಮುಖಿ, ತಮ್ಮ ಅಭಿಮಾನಿಗಳಿಗೆ ಕಾಲಕಾಲಕ್ಕೆ ಮಾಹಿತಿಗಳನ್ನು ನೀಡುತ್ತಿರುತ್ತಾರೆ.
ಇತ್ತೀಚೆಗೆ ಇನ್ಸ್ಟಾಗ್ರಾಂನಲ್ಲಿ ಲೈವ್ ಚಾಟ್ ನಡೆಸುವಾಗ ನೆಟ್ಟಿಗನೊಬ್ಬ ಶ್ರೀಮುಖಿ ಬಳಿ ತುಂಟತನದ ಪ್ರಶ್ನೆಯೊಂದನ್ನು ಕೇಳಿದ್ದ. ಅದಕ್ಕೆ ಶ್ರೀಮುಖಿ ಕೊಟ್ಟ ಉತ್ತರಕ್ಕೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ. ಬೆತ್ತಲೆ ಫೋಟೋ ಕಳುಹಿಸುವಂತೆ ಕೇಳಿದ ನೆಟ್ಟಿಗನಿಗೆ ರಾಮ್ ಗೋಪಾಲ್ ವರ್ಮಾ ನಿರ್ದೇಶನದ ನೇಕೆಡ್ ಚಿತ್ರದ ಪೋಸ್ಟರ್ ಕಳುಹಿಸಿ ತಕ್ಕ ಉತ್ತರ ನೀಡಿದ್ದಾರೆ.
ಇನ್ನು ಶ್ರೀಮುಖಿ ಅವರು ಕೇವಲ ನಟಿ ಮಾತ್ರವಲ್ಲದೆ ಉದ್ಯಮಿಯು ಹೌದು. ಇತ್ತೀಚೆಗಷ್ಟೇ ಉದ್ಯಮ ಲೋಕಕ್ಕೆ ಕಾಲಿಟ್ಟ ಅವರು ಲೂಯಿ ಹೆಸರಿನ ಸೌಂದರ್ಯ ಉತ್ಪನ್ನವನ್ನು ಬಿಡುಗಡೆ ಮಾಡಿದ್ದಾರೆ. (ಏಜೆನ್ಸೀಸ್) ಇದನ್ನೂ ಓದಿರಿ: VIDEO| ಮಗುವನ್ನು ಮಂಚದ ಕೆಳಗೆ ಎಳೆದುಕೊಂಡ ದೆವ್ವ: ಕ್ಯಾಮೆರಾದಲ್ಲಿ ಭಯಾನಕ ದೃಶ್ಯ ಸೆರೆ! ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ