ಮುಂಬೈನಲ್ಲಿರುವ ಶಾರೂಖ್ ಖಾನ್ ಅವರ ಮನೆ 'ಮನ್ನತ್' (ವರ) ಬಗ್ಗೆ ಸಾಕಷ್ಟು ಚರ್ಚೆಯಾಗಿದೆ. ಮನ್ನತ್ ಮನೆಯ ಮೌಲ್ಯ ಎಷ್ಟು ಗೊತ್ತಾ? ಕೇಳಿದರೆ ನಿಜಕ್ಕೂ ಸುಸ್ತಾಗುತ್ತದೆ.
ಇದನ್ನೂ ಓದಿ: ತೆಲುಗು ‘ಖರಾಬು’ ಬಿಡುಗಡೆ ಆಯ್ತು …
ಈ ಆರು ಮಹಡಿಯ 26,328 ಚದುರಡಿ ಮನೆಯ ಬೆಲೆ 200 ಕೋಟಿ ರೂಪಾಯಿ ಎಂದು ಹೇಳಲಾಗುತ್ತದೆ. ಇಷ್ಟಕ್ಕೂ ಅಂಥದ್ದೇನಿದೆ ಆ ಮನೆಯಲ್ಲಿ ಎಂಬ ಪ್ರಶ್ನೆ ಬರುವುದು ಸಹಜ. ಮೊದಲಿಗೆ ಮನ್ನತ್ ಇರುವುದು ಮುಂಬೈನ ಬಾಂದ್ರಾದಲ್ಲಿ. ಇದೊಂದು ಅತ್ಯಂತ ಕಾಸ್ಟ್ಲಿ ಏರಿಯಾ ಆಗಿದ್ದು, ಈ ಏರಿಯಾದಲ್ಲಿ 26 ಸಾವಿರ ಚದುರಡಿ ಎಂದರೆ, ಅದರ ಮೊತ್ತವೇ ನೂರು ಕೋಟಿಯ ಮೇಲಾಗುತ್ತದೆ ಎಂದು ಹೇಳಲಾಗುತ್ತದೆ.
ಇನ್ನು, ಆ ಮನೆಯ ಮಾರ್ಬಲ್, ಕಾರ್ಪೆಟ್, ಲೈಟಿಂಗ್ಗೆ ಶಾರೂಖ್ ಮತ್ತು ಅವರ ಪತ್ನಿ ಗೌರಿ ಎಷ್ಟು ಖರ್ಚು ಮಾಡಿದ್ದಾರೆ ಎಂದು ಸಾಕಷ್ಟು ಚರ್ಚೆ ಆಗಿದೆ. ಇದೆಲ್ಲಾ ಸೇರಿ ಶಾರೂಖ್ ಖಾನ್ ಅವರ ಮುಂಬೈ ಮನೆಗೆ 200 ಕೋಟಿ ಮೌಲ್ಯ ಕಟ್ಟಲಾಗುತ್ತದೆ.
ಇದಲ್ಲದೆ, ದುಬೈನ ಪಾಮ್ ಜುಮೇರಾದಲ್ಲಿ ಶಾರೂಖ್ ಒಂದು ವಿಲ್ಲಾ ಖರೀದಿಸಿದ್ದು, ಅದಕ್ಕೆ ಜನ್ನತ್ (ಸ್ವರ್ಗ) ಎಂಬ ಹೆಸರಿಡಲಾಗಿದೆ. ಈ ಮನೆಯ ಮೌಲ್ಯ 24 ಕೋಟಿ ರೂಪಾಯಿಗಳು ಎಂದು ಹೇಳಲಾಗಿದೆ. ಮನ್ನತ್ ಮತ್ತು ಜನ್ನತ್ ಅಲ್ಲದೇ, ಲಂಡನ್ನನ ಪಾರ್ಕ್ ಲೇನ್ನಲ್ಲಿ ಶಾರೂಖ್ ಖಾನ್ ಒಡೆತನದ ಮನೆ ಇದ್ದು, ಆ ಮನೆಯ ಬೆಲೆ 172 ಕೋಟಿ ಎಂದು ಹೇಳಲಾಗಿದೆ.
ಅಲ್ಲಿಗೆ, ಶಾರೂಖ್ ಖಾನ್ ಮನೆಗಳ ಬೆಲೆಯೇ 400 ಕೋಟಿಗೂ ಹೆಚ್ಚು ಮೌಲ್ಯವಾದಂತಾಗುತ್ತದೆ. ಮನೆಗಳ ಮೌಲ್ಯವೇ ಅಷ್ಟಾದರೆ, ಶಾರೂಖ್ ಅವರ ಒಟ್ಟು ಆಸ್ತಿ ಎಷ್ಟು ಬೆಲೆ ಬಾಳಬಹುದು ಎಂಬ ಪ್ರಶ್ನೆ ಸಹಜವೇ. ಶಾರೂಖ್ 5 ಸಾವಿರ ಕೋಟಿಗೆ ಬಾಳುತ್ತಾರೆ ಎಂದು ಹೇಳಲಾಗುತ್ತದೆ.