ಮುಂಬೈ: ಸದಾ ಬೇರೆಯವರ ಮೇಲೆ ದೂರುವುದರಲ್ಲಿ ನಂಬರ್ ಒನ್ ಎನಿಸಿಕೊಂಡಿರುವ ನಟಿ ಕಂಗನಾ ರಣಾವತ್ ಮತ್ತೊಮ್ಮೆ ಬಾಲಿವುಡ್ನವರ ಮೇಲೆ ಹರಿಹಾಯ್ದಿದ್ದಾರೆ. ಬಾಲಿವುಡ್ ಮಾಫಿಯಾದವರು ತಮ್ಮನ್ನು ಹುಚ್ಚಿ ಅಂತ ಕರೆದರು, ಜೈಲಿಗೆ ಕಳಿಸಲು ಪ್ರಯತ್ನಿಸಿದರು ಎಂದು ಆರೋಪಿಸಿದ್ದಾರೆ.
ಈ ಕುರಿತು ಟ್ವೀಟ್ ಮಾಡಿರುವ ಕಂಗನಾ, 'ಬಾಲಿವುಡ್ ಮಾಫಿಯಾದವರು ನನ್ನ ವರ್ತನೆಯನ್ನು ದುರಹಂಕಾರ ಎಂದು ಬಿಂಬಿಸಿದರು. ಏಕೆಂದರೆ, ನಾನು ಬೇರೆ ಹುಡಗಿಯರ ಹಲ್ಲು ಕಿರಿಯುವುದಿಲ್ಲ. ಐಟಂ ಡ್ಯಾನ್ಸ್ಗಳಲ್ಲಿ ಕಾಣಿಸಿಕೊಳ್ಳುವುದಿಲ್ಲ. ಮದುವೆಗಳಲ್ಲಿ ಡ್ಯಾನ್ಸ್ ಮಾಡುವುದು, ರಾತ್ರಿ ಹೊತ್ತು ಹೀರೋಗಳ ರೂಮುಗಳ ಬಾಗಿಲು ತಟ್ಟುವುದು ಇದ್ಯಾವುದು ಮಾಡುವುದಿಲ್ಲ. ಯಾವಾಗ ಇದೆಲ್ಲದರಿಂದ ನಾನು ದೂರವಿದ್ದೆನೋ, ನನ್ನ ಹುಚ್ಚಿ ಎಂದು ಕರೆದರು. ಜೈಲಿಗೆ ಕಳಿಸುವುದಕ್ಕೆ ಪ್ರಯತ್ನಿಸಿದರು' ಎಂದು ಆರೋಪಿಸಿದ್ದಾರೆ.
ಕಂಗನಾ ಅವರ ಈ ಟ್ವೀಟ್ಗೆ ಅನುಕುಂಪ ಸಿಗುವುದಕ್ಕಿಂತ ಹೆಚ್ಚಾಗಿ, ಜನರಿಂದ ಆಕ್ರೋಶ ವ್ಯಕ್ತವಾಗುತ್ತಿದೆ. ತಮ್ಮ ಚಿತ್ರಗಳ ಬಿಡುಗಡೆಯ ಸಂದರ್ಭದಲ್ಲಿ ಈ ರೀತಿ ಸುಳ್ಳು ಸುದ್ದಿ ಮಾಡಿ, ಜನರಿಂದ ಸಂತಾಪ ಗಿಟ್ಟಿಸುವುದುಕಂಗನಾಗೆ ಅಭ್ಯಾಸವಾಗಿ ಹೋಗಿದೆ ಎಂದು ಹಲವರು ಟೀಕೆ ಮಾಡಿದ್ದಾರೆ.
'ಇದೊಂದು ಹಳೆಯ ತಂತ್ರ. ತಮ್ಮ ಸಿನಿಮಾ ಬಿಡುಗಡೆಯಾಗುವಾಗಲೆಲ್ಲ ಏನೇನೋ ಹೇಳಿ ಜನರಿಂದ ಸಿಂಪತಿ ಗಿಟ್ಟಿಸುವುದು ಹಳೆಯ ಟ್ರಿಕ್. ಜನ ಸಹ ಇದರಿಂದ ಬೋರ್ ಆಗಿದ್ದಾರೆ. ಈ ಬಾರಿ ಹೊಸ ತಂತ್ರ ಪ್ರಯತ್ನಿಸಿ ಆಂಟಿ' ಎಂದು ಹಲವರು ಕಂಗನಾ ಕಾಲೆಳೆದಿದ್ದಾರೆ.