ನೆಪೋಟಿಸಂ (ಸ್ವಜನಪಕ್ಷಪಾತ) ಪೋಷಿಸುತ್ತಾರೆ ಎನ್ನುವ ಕಾರಣಕ್ಕೆ ಸಾಕಷ್ಟು ಟ್ರೋಲ್ಗೆ ಒಳಗಾಗಿದ್ದ ಸುಶಾಂತ್ ಸಿಂಗ್ ರಜಪೂತ್, ಒಂದು ಹಂತದಲ್ಲಿ ಸೋಷಿಯಲ್ ಮೀಡಿಯಾದಿಂದ ದೂರವೇ ಉಳಿದಿದ್ದರು. ಇದೀಗ ಪುನಃ ವಾಪಸ್ಸಾಗಿರುವ ಅವರು ಮತ್ತೊಮ್ಮೆ ಸಾಕಷ್ಟು ಟ್ರೋಲ್ ಆಗುತ್ತಿದ್ದಾರೆ.
ಇತ್ತೀಚೆಗೆ ಸೋಷಿಯಲ್ ಮೀಡಿಯಾಗೆ ರೀಎಂಟ್ರಿ ಕೊಟ್ಟಿರುವ ಕರಣ್ ಜೋಹರ್, ಮಕ್ಕಳಿಗಾಗಿ ಒಂದು ಪಿಕ್ಚರ್ ಬುಕ್ ಬರೆಯುತ್ತಿರುವುದಾಗಿ ಘೋಷಿಸಿದ್ದರು. ಈ ಕೆಲಸದಲ್ಲಿ ಸಾಕಷ್ಟು ಐಡಿಯಾಗಳನ್ನು ಕೊಟ್ಟು ಪ್ರೋತ್ಸಾಹಿಸಿರುವ ಟ್ವಿಂಕಲ್ ಖನ್ನಾ ಮತ್ತಿತರರನ್ನು ಅವರು ಸ್ಮರಿಸಿದ್ದರು. ಸದ್ಯದಲ್ಲೇ ಪುಸ್ತಕ ಬಿಡುಗಡೆಯಾಗಲಿದೆ ಎಂದು ಘೋಷಿಸಿದರು. ಅಷ್ಟೇ ಅಲ್ಲ, ತಮ್ಮ ಮಕಳ ಒಂದು ವಿಡಿಯೋ ಶೇರ್ ಮಾಡಿದದ್ದರು.
ಕರಣ್ ಅವರ ಈ ಪೋಸ್ಟ್ ಈಗ ಸಾಕಷ್ಟು ಟ್ರೋಲ್ ಆಗುತ್ತಿದೆ. ಹೊರಗಿನಿಂದ ಬಂದ ಮಕ್ಕಳನ್ನು ತುಳಿಯುವುದರ ಜತೆಗೆ ತಮ್ಮ ಮಕ್ಕಳನ್ನು ಕರಣ್ ಪ್ರಮೋಟ್ ಮಾಡಿಕೊಳ್ಳುತ್ತಿದ್ದಾರೆ ಎಂದು ಹೇಳಿದ್ದಾರೆ. ಇನ್ನೂ ಕೆಲವರು, ಕರಣ್ ತಮ್ಮ ಮಕ್ಕಳನ್ನು ಮುಂದಿಟ್ಟುಕೊಂಡು ಸಿಂಪಥಿ ಗಿಟ್ಟಿಸುತ್ತಿದ್ದಾರೆ ಎಂದು ದೂರಿದ್ದಾರೆ.
ಜನರೇ ಇಷ್ಟೊಂದು ಝಾಡಿಸುತ್ತಿರುವಾಗ ಕಂಗನಾ ಸುಮ್ಮನಿರುತ್ತಾರೆಯೇ? ತಲತಲಾಂತರದಿಂದ ಕರಣ್ ಅವರನ್ನೂ ಒಂದಲ್ಲಾ ಒಂದು ಕಾರಣಕ್ಕೆ ಧೂಷಿಸುತ್ತಲೇ ಬಂದಿರುವ ಕಂಗನಾ, ಈ ಪೋಸ್ಟ್ ಬಳಸಿಕೊಂಡು ಕರಣ್ ಅವರನ್ನು ಖಂಡಿಸಿದ್ದಾರೆ. ಅಷ್ಟೇ ಅಲ್ಲ, ಅವರೊಬ್ಬ ಕೊಲೆಗಾರ ಎಂದು ಆರೋಪಿಸಿದ್ದಾರೆ.
ಈ ಕುರಿತು ಟ್ವೀಟ್ ಮಾಡಿರುವ ಅವರು, 'ಕರಣ್ ಜೋಹರ್, ಆದಿತ್ಯ ಚೋಪ್ರಾ, ಮಹೇಶ್ ಭಟ್, ರಾಜೀವ್ ಮಸಂದ್ ಮತ್ತು ಇನ್ನಿತರ ರಣಹದ್ದುಗಳ ಗುಂಪೊಂದು ಸುಶಾಂತ್ ಅವರನ್ನು ಕೊಲೆ ಮಾಡಿತು. ಇಷ್ಟೆಲ್ಲಾ ಮಾಡಿ, ಕರಣ್ ತಮ್ಮ ಮಕ್ಕಳನ್ನು ಪ್ರಮೋಟ್ ಮಾಡಿಕೊಳ್ಳುತ್ತಿದ್ದಾರೆ. ಅವರಿಗೆ ನಾಚಿಕೆ ಆಗಬೇಕು' ಎಂದು ಕಂಗನಾ ಹೇಳಿದ್ದಾರೆ.