ಮುಂಬೈ: ಇನ್ಸ್ಟಾಗ್ರಾಂ ಲೈವ್ನಲ್ಲಿ ಸಂವಾದದ ವೇಳೆ ಅಭಿಮಾನಿಯೊರ್ವ ಕೇಳಿದ ಪ್ರಶ್ನೆಗೆ ನಟಿ ಜಾಹ್ನವಿ ಕಪೂರ್ ಕೊಟ್ಟ ಉತ್ತರ ಇದೀಗ ಭಾರಿ ಸುದ್ದಿಯಾಗಿದೆ.
"ನಾವಿಬ್ಬರು ಕಿಸ್" ಮಾಡಬಹುದಾ ಎಂದು ಅಭಿಮಾನಿಯೊಬ್ಬ ಕೇಳಿದ ಪ್ರಶ್ನೆಗೆ "ನೋ" ಎಂದು ಪ್ರತಿಕ್ರಿಯಿಸಿದ ಪೋಸ್ಟ್ ಅನ್ನು ಜಾಹ್ನವಿ ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಇಷ್ಟೇ ಅಲ್ಲದೆ, ನೆಟ್ಟಿಗರು ಕೇಳಿದ ಅನೇಕ ಪ್ರಶ್ನೆಗಳಿಗೂ ಜಾಹ್ನವಿ ಉತ್ತರಿಸಿದ್ದಾರೆ. ನೆಟ್ಟಿಗನೊಬ್ಬ ಜಾಹ್ನವಿಯ ಆಹಾರ ದಿನಚರಿ ಬಗ್ಗೆ ಪ್ರಶ್ನಿಸಿದಾಗ ತಮ್ಮ ಕೈನಲ್ಲಿದ್ದ ಐಸ್ಕ್ರೀಮ್ ಅನ್ನು ಪ್ರದರ್ಶಿಸಿದರು. ಉತ್ತಮ ಪ್ರವಾಸದ ನೆನಪಿನ ಬಗ್ಗೆ ಕೇಳಿದ ಪ್ರಶ್ನೆಗೆ ಕೆಲವು ವರ್ಷಗಳ ಹಿಂದೆ ದಕ್ಷಿನ ಫ್ರಾನ್ಸ್ಗೆ ಭೇಟಿ ನೀಡಿದ್ದನ್ನು ಜಾಹ್ನವಿ ನೆನಪಿಸಿಕೊಂಡರು.
ಉತ್ತನ ಸಹನಟನಾಗಿ ಗಂಜಾನ ಸೆಕ್ಸೆನಾ ಚಿತ್ರದ ಪಂಕಜ್ ತ್ರಿಪಾಠಿ ಹೆಸರನ್ನು ಹೇಳಿದರು. ಆತಂಕವನ್ನು ಹೇಗೆ ನಿವಾರಿಸಿಕೊಳ್ಳಬೇಕೆಂಬ ಪ್ರಶ್ನೆಗೆ ದಿಂಬನ್ನು ತಬ್ಬಿಕೊಳ್ಳಿ ಮತ್ತು ಹಾಡನ್ನು ಹಾಡಿರಿ ಎಂದು ಸಲಹೆ ನೀಡಿದರು. ಹೀಗೆ ಅನೇಕ ಅಭಿಮಾನಿಗಳೊಂದಿಗೆ ಜಾಹ್ನವಿ ಸಂವಾದ ನಡೆಸಿದರು.
ಇದನ್ನೂ ಓದಿರಿ: 2021ರ ಪ್ರಬಲ ಮಿಲಿಟರಿ ದೇಶ ಯಾವುದು? ಒಂದು ವೇಳೆ ಯುದ್ಧ ನಡೆದ್ರೆ ಈ ರಾಷ್ಟ್ರಕ್ಕೆ ಗೆಲುವು ಖಚಿತವಂತೆ!
ಇನ್ನು ಸಿನಿಮಾ ವಿಚಾರಕ್ಕೆ ಬರುವುದಾದರೆ, ಗುಡ್ ಲಕ್ ಜೆರ್ರಿ ಚಿತ್ರದಲ್ಲಿ ಜಾಹ್ನಾವಿ ನಟಿಸಿದ್ದಾರೆ. ಈ ಚಿತ್ರವನ್ನು ಆನಂದ್ ಎಲ್ ರಾಯ್ ಎಂಬುವರು ನಿರ್ಮಿಸಿದ್ದಾರೆ. ಪಂಕಜ್ ಮಟ್ಟ ಅವರು ಬರೆದಿರುವ ಕತೆಗೆ ಸಿದ್ಧಾರ್ಥ ಸೆಂಗುಪ್ತ ನಿರ್ದೇಶನ ಮಾಡಿದ್ದಾರೆ. (ಏಜೆನ್ಸೀಸ್)