ಜೈಪುರ: ಪುನೀತ್ ಅಭಿನಯದ ‘ಬಿಂದಾಸ್’ ಸೇರಿದಂತೆ ನಾಲ್ಕು ಭಾಷೆಗಳಲ್ಲಿ 40ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ಬಾಲಿವುಡ್ ನಟಿ ಹನ್ಸಿಕಾ ಮೊಟ್ವಾನಿ ಕಳೆದ ವರ್ಷ ಉದ್ಯಮಿ ಹಾಗೂ ಸ್ನೇಹಿತೆಯ ಮಾಜಿ ಪತಿ ಸೊಹೈಲ್ ಖಟುರಿಯಾ ಜತೆ ರಾಜಸ್ತಾನದಲ್ಲಿ ಮದುವೆ ಮಾಡಿಕೊಂಡ ಸಂಗತಿ ಎಲ್ಲರಿಗೂ ತಿಳಿದೇ ಇದೆ. ಅವಕಾಶಗಳು ಕಡಿಮೆಯಾದ ಹಿನ್ನೆಲೆಯಲ್ಲಿ ಮದುವೆ ಯಾಗಿ ಸದ್ಯ ವೈವಾಹಿಕ ಜೀವನದ ಕಡೆ ಗಮನವಹಿಸಿರುವ ಹನ್ಸಿಕಾ ಇದೀಗ ಟಾಲಿವುಡ್ನಲ್ಲಿ ನಡೆದ ಕಹಿ ಘಟನೆಯೊಂದನ್ನು ಮಾಧ್ಯಮದ ಮುಂಚೆ ಬಿಚ್ಚಿಟ್ಟಿದ್ದಾರೆ.
ಹನ್ಸಿಕಾ ಇತ್ತೀಚೆಗೆ ಮಾಧ್ಯಮ ಸಂದರ್ಶನವೊಂದರಲ್ಲಿ ಭಾಗವಹಿಸಿದ್ದರು. ಈ ವೇಳೆ ತೆಲುಗು ಇಂಡಸ್ಟ್ರಿಯಲ್ಲಿ ನಡೆದ ಕಾಸ್ಟಿಂಗ್ ಕೌಚ್ ಅನುಭವವನ್ನು ಬಹಿರಂಗಪಡಿಸಿದ್ದಾರೆ. ಸಿನಿಮಾ ಇಂಡಸ್ಟ್ರಿಯಲ್ಲಿ ಎಲ್ಲರಂತೆ ನನಗೂ ಕೆಟ್ಟ ಅನುಭವವಾಗಿದೆ. ನಾಯಕ ನಟ ನನಗೆ ತುಂಬಾ ಕಾಟ ಕೊಟ್ಟನು. ಒಳ್ಳೆಯ ಮಾತಿನಿಂದ ಹೇಳಿದರೂ ಕೇಳಲಿಲ್ಲ. ಪ್ರತಿದಿನ ರಾತ್ರಿ ಡೇಟಿಂಗ್ಗೆ ಬರುವಂತೆ ಒತ್ತಾಯ ಮಾಡುತ್ತಿದ್ದನು ಎಂದು ಹೇಳಿಕೊಂಡಿದ್ದಾರೆ.
ಟಾಲಿವುಡ್ನ ಟಾಪ್ ಹೀರೋ ವಿರುದ್ಧವೇ ಹನ್ಸಿಕಾ ಆರೋಪ ಮಾಡಿದ್ದಾರೆ. ಆದರೆ, ಆ ತೆಲುಗು ನಟ ಯಾರೆಂಬುದನ್ನು ಅವರು ಬಹಿರಂಗ ಪಡಿಸಿಲ್ಲ. ಆದರೆ, ಸಾಮಾಜಿಕ ಜಾಲತಾಣ ಮತ್ತು ಮಾಧ್ಯಮದಲ್ಲಿ ಇದು ಭಾರೀ ಚರ್ಚೆಯಾಗುತ್ತಿದೆ. ಯಾರ ಆ ನಟ ಎಂಬ ಊಹೆಗಳು ಶುರುವಾಗಿವೆ. ಹನ್ಸಿಕಾ ಅವರು ಒಂದು ಸಮಯದಲ್ಲಿ ಸ್ಟಾರ್ ನಟಿಯಾಗಿದ್ದರಿಂದ ಅವರ ಮಾತಿಗೆ ಹೆಚ್ಚು ಪ್ರಾಶಸ್ತ್ಯ ನೀಡಲಾಗುತ್ತಿದೆ.
ಅಂದಹಾಗೆ ಹನ್ಸಿಕಾ ಅವರು ಕಳೆದ ಡಿಸೆಂಬರ್ 4ರಂದು ಉದ್ಯಮಿ ಸೋಹೈಲ್ ಕಠೂರಿಯಾ ಅವರನ್ನು ಮದುವೆಯಾದರು. ಜೈಪುರದಲ್ಲಿರುವ ಮುಂಡೋಟಾ ಅರಮನೆಯಲ್ಲಿ ಎರಡು ಕುಟುಂಬದವರು ಮತ್ತು ಕೆಲವೇ ಆಪ್ತರ ಸಮ್ಮುಖದಲ್ಲಿ ಮದುವೆ ನಡೆಯಿತು. ಹನ್ಸಿಕಾ ಅವರು ತಮ್ಮ ಬೆಸ್ಟ್ಫ್ರೆಂಡ್ ರಿಂಕಿಯ ಮಾಜಿಯ ಪತಿಯನ್ನೇ ವರಿಸಿದ್ದಾರೆ. ರಿಂಕಿ ಮತ್ತು ಸೋಹೈಲ್ ಮದುವೆ 2016ರಲ್ಲಿ ಗೋವಾದಲ್ಲಿ ನಡೆದಿತ್ತು. ಈ ವೇಳೆ ಹನ್ಸಿಕಾ ಸಹ ಭಾಗವಹಿಸಿದ್ದರು. ಇದಕ್ಕೆ ಸಂಬಂಧಿಸಿದ ವಿಡಿಯೋ ವೈರಲ್ ಆಗಿ, ಹನ್ಸಿಕಾರನ್ನು ಟ್ರೋಲ್ ಸಹ ಮಾಡಿದ್ದರು. ರಿಂಕಿಯಿಂದ ದೂರವಾದ ಬಳಿಕ ಸೋಹೈಲ್ ಮತ್ತು ಹನ್ಸಿಕಾ ಹತ್ತಿರವಾಗಿ ಇದೀಗ ಮದುವೆ ಆಗಿದ್ದಾರೆ. ಇನ್ನೂ ಹನ್ಸಿಕಾ ಮೋಟ್ವಾನಿ ಮತ್ತು ಸೋಹೈಲ್ ಕಠೂರಿಯಾ ಇಬ್ಬರು ಬಿಜಿನೆಸ್ ಪಾರ್ಟ್ನರ್ ಸಹ ಹೌದು. (ಏಜೆನ್ಸೀಸ್)