ವಿಜಯವಾಣಿ ಸುದ್ದಿಜಾಲ ಬೆಂಗಳೂರು:
ನರೇಂದ್ರ ಬಾಬು ಕಥೆ ಬರೆದು ನಿರ್ದೇಶಿಸಿರುವ ಹಾರರ್ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ "ಅಕ್ಷರ'. ಇತ್ತೀಚೆಗಷ್ಟೆ ಚಿತ್ರದ ಟೀಸರ್ ಬಿಡುಗಡೆ ಮಾಡಲಾಯಿತು. ಚಿತ್ರಕ್ಕೆ ಭುವನ್ ಚಂದ್ರ ನಾಯಕನಾಗಿದ್ದು, ಅಲ್ಮಾಸ್ ಮೋತಿವಾಲ ಅವರಿಗೆ ನಾಯಕಿಯಾಗಿದ್ದಾರೆ.
ಬೆಂಗಳೂರಿನ ಆಸ್ಪತ್ರೆಯೊಂದರಲ್ಲಿ ವೈದ್ಯೆಯಾಗಿ ಕೆಲಸ ಮಾಡುವ ನಾಯಕಿ ಅಕ್ಷರ, ಹುಟ್ಟೂರು ಶನಿವಾರ ಸಂತೆಯಲ್ಲಿ ವೈದ್ಯಕಿಯ ಶಿಬಿರ ನಡೆಸಲು ಮುಂದಾಗುತ್ತಾಳೆ. ಆದರೆ, ಶಿಬಿರ ನಡೆಸಲು ಹೋದ ಅಕ್ಷರ ನಾಪತ್ತೆಯಾಗುತ್ತಾಳೆ. ಆಕೆಯ ಹುಡುಕಾಟದ ಸುತ್ತ ಚಿತ್ರದ ಕಥೆ ಹೆಣೆಯಲಾಗಿದೆ. ಹಾರರ್ ಸಸ್ಪೆನ್ಸ್ ಥ್ರಿಲ್ಲರ್ ಅಂಶಗಳಿಂದ ಕೂಡಿರುವ ಟೀಸರ್ ಕೊಂಚ ಮಟ್ಟಿಗೆ ಕುತೂಹಲ ಕೆರಳಿಸಿದೆ.
ಭುವನ್, ಅಲ್ಮಾಸ್ ಜತೆ ರಮೇಶ್ ಪಂಡಿತ್, ಭಜರಂಗಿ ಪ್ರಸನ್ನ, ರಾಜ್ ಉದಯ್, ನಿರ್ಮಾಪಕ ಕಿಶೋರ್ ಕುಮಾರ್ .ಜಿ, ರತ್ ದೊಡ್ಡೇರಾ ಪ್ರಮುಖ ತಾರಾಗಣದಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ಜೀವಾ ಆ್ಯಂಟೋನಿ ಛಾಯಾಗ್ರಹಣ, ಲೋಕೇಶ್ ಪುಟ್ಟೇಗೌಡ ಸಂಕಲನ, ಆನಂದ್ ರಾಜ್ ವಿಕ್ರಮ್ ಸಂಗೀತ, ಸ್ಯಾಮ್ ಸೈಮನ್ ಜಾರ್ಜ್ ಹಿನ್ನೆಲೆ ಸಂಗೀತ, ಕುಂಗ್ು ಚಂದ್ರು ಸಾಹಸವಿರಲಿದೆ.