ಮುಂಬೈ: ಬಾಲಿವುಡ್ನ ಮಿಸ್ಟರ್ ಫರ್ಫೆಕ್ಷನಿಸ್ಟ್ ಆಮೀರ್ ಖಾನ್ ಸದ್ಯ ಲಾಲ್ ಸಿಂಗ್ ಛಡ್ಡಾ ಚಿತ್ರದ ಶೂಟಿಂಗ್ನಲ್ಲಿ ಬಿಜಿಯಾಗಿದ್ದಾರೆ. ಹೀಗಿರುವಾಗಲೇ ಇದೀಗ ಆಮೀರ್ ಪುತ್ರನ ಸಿನಿಮಾ ವಿಚಾರವೊಂದು ಸದ್ದು ಮಾಡುತ್ತಿದೆ. ಅಂದರೆ, ಜುನೈದ್ ಖಾನ್ ಬಾಲಿವುಡ್ಗೆ ಆಗಮಿಸುವ ತಯಾರಿ ನಡೆಸಿದ್ದಾರೆ.
ಇದನ್ನೂ ಓದಿ: ‘ಅಣ್ಣಾತ್ತೆ’ ಚಿತ್ರೀಕರಣಕ್ಕೆ ವಾಪಸ್ಸಾದ ರಜನಿಕಾಂತ್ …
ಈಗಾಗಲೇ ವಿದೇಶದಲ್ಲಿ ನಟನೆಯ ಪಾಠ ಕಲಿತು ಬಂದಿರುವ ಜುನೈದ್, ಅವರ ಚಿತ್ರಕ್ಕೆ ಮಹಾರಾಜ ಎಂಬ ಶೀರ್ಷಿಕೆಯನ್ನು ಅಂತಿಮ ಮಾಡಲಾಗಿದೆಯಂತೆ. ರಾಣಿ ಮುಖರ್ಜಿ ಅವರ ಹಿಚ್ಕಿ ಸಿನಿಮಾ ನಿರ್ದೇಶನ ಮಾಡಿದ್ದ ಸಿದ್ಧಾರ್ಥ್ ಮಲ್ಹೋತ್ರಾ, ಈ ಸಿನಿಮಾವನ್ನು ನಿರ್ದೇಶನ ಮಾಡಲಿದ್ದು, ಯಶ್ ರಾಜ್ ಫಿಲಂಸ್ ಬ್ಯಾನರ್ ಅಡಿಯಲ್ಲಿ ಸಿನಿಮಾ ನಿರ್ಮಾಣವಾಗಲಿದೆ.
ಬಂಟಿ ಔರ್ ಬಬ್ಲಿ 2 ಸಿನಿಮಾದ ಮೂಲಕ ಬಾಲಿವುಡ್ಗೆ ಪದಾರ್ಪಣೆ ಮಾಡಿದ್ದ ನಟಿ ಶಾರ್ವರಿ ವಾಗ್ ಈ ಸಿನಿಮಾದಲ್ಲಿ ಜುನೈದ್ ಖಾನ್ಗೆ ನಾಯಕಿಯಾಗಿ ನಟಿಸಲಿದ್ದಾರೆ. ಅದೇ ರೀತಿ ಇದೇ ಮಹಾರಾಜ ಬಳಗಕ್ಕೀಗ ನಟ ಜೈದೀಪ್ ಅಹಲ್ವಾತ್ ಸಹ ಎಂಟ್ರಿಕೊಟ್ಟಿದ್ದಾರೆ.
ಇದನ್ನೂ ಓದಿ: ರಕ್ಷಣಾ ಸಚಿವರನ್ನು ಭೇಟಿ ಮಾಡಿದ ಕಂಗನಾ … ಯಾಕಿರಬಹುದು?
ಈ ಮೊದಲು ದಕ್ಷಿಣ ಭಾರತದ ಹಿಟ್ ಸಿನಿಮಾವೊಂದರ ರಿಮೇಕ್ ಇದಾಗಿರಲಿದೆ ಎಂಬ ಸುದ್ದಿ ಈ ಹಿಂದೆ ಹರಿದಾಡಿತ್ತು. ಇದೀಗ, 1892ರಲ್ಲಿ ನಡೆದ ಮಹಾರಾಜ ಲೈಬಲ್ ಕೇಸ್ಗೆ ಸಂಬಂಧಪಟ್ಟದ್ದಾಗಿರಲಿದೆಯಂತೆ. ಮೌಜಿ ಪಾತ್ರದಲ್ಲಿ ಜುನೈದ್ ಕಾಣಿಸಿಕೊಳ್ಳಲಿದ್ದು, 2021ರ ಫೆಬ್ರವರಿಯಲ್ಲಿ ಸಿನಿಮಾ ಸೆಟ್ಟೇರಲಿದೆ. (ಏಜೆನ್ಸೀಸ್)