ಆ ವ್ಯಕ್ತಿ ನೋಡಿ ಮೂರ್ಛೆ ಹೋಗುತ್ತಿದ್ದೆ ಅಷ್ಟರಲ್ಲಿ..; ಬಿಗ್​​ಬಿ ಅಮಿತಾಭ್​​ ಹೇಳಿದಿಷ್ಟು..

ಮುಂಬೈ: ಭಾರತದಲ್ಲಿ ಮಾತ್ರವಲ್ಲ ಪ್ರಪಂಚದಾದ್ಯಂತ ಅಭಿಮಾನಿಗಳನ್ನು ಹೊಂದಿರುವ, ತಮ್ಮ ಕೆಲಸದಲ್ಲಿ ಸದಾ ಬಿಸಿಯಾಗಿದರುವ ಬಾಲಿವುಡ್​​ನ ಆ್ಯಂಗ್ರಿ ಯಂಗ್​ಮ್ಯಾನ್ ಅಮಿತಾಭ್​ ಬಚ್ಚನ್​ ತಾವು ಅನುಭವಿಸಿದ ಶಾದಕಿಂಗ್​ ಘಟನೆಯೊಂದನ್ನು ಇತ್ತೀಚೆಗೆ ಬಹಿರಂಗಗೊಳಿಸಿದ್ದಾರೆ.

ಇದನ್ನು ಓದಿ: SIIMA 2024ರಲ್ಲಿ ಅತ್ಯುತ್ತಮ ನಟಿ ಪ್ರಶಸ್ತಿ ಪಡೆದ ಐಶ್ವರ್ಯಾ ರೈ​​; ಸಂತೋಷದ ಕ್ಷಣಗಳನ್ನು ಸೆರೆಹಿಡಿದ ಮಗಳು ಆರಾಧ್ಯ..

ಅಮಿತಾಭ್​​ ಬಚ್ಚನ್​​ ಖಾಸಗಿ ವಾಹಿನಿಯಲ್ಲಿ ಕಾರ್ಯಕ್ರಮವೊಂದನ್ನು ನಿರೂಪಣೆ ಮಾಡುತ್ತಿದ್ದಾರೆ. ಅದರಲ್ಲಿ ಒಬ್ಬ ವ್ಯಕ್ತಿಯಿಂದ ನಾನು ಮೂರ್ಛೆ ಹೋಗುತ್ತಿದೆ. ಆದರೆ ಅಷ್ಟರಲ್ಲಿ ನನ್ನನ್ನು ನಾನು ನಿಯಂತ್ರಿಸಿಕೊಂಡೆ ಎಂದು ಬಿಗ್​ಬಿ ಹೇಳಿದ್ದಾರೆ. ಆ ಘಟನೆಯನ್ನು ನೆನಪಿಸಕೊಂಡ ಅವರು ಆ ವ್ಯಕ್ತಿಯ ಬಗ್ಗೆ ಸಾಕಷ್ಟು ಹೊಗಳಿದ್ದಾರೆ.

ನಾನು ನ್ಯೂಯಾರ್ಕ್‌ನ ಹೋಟೆಲ್‌ನಲ್ಲಿ ತಂಗಿದ್ದೆ. ಒಂದು ದಿನ ಯಾರೋ ಬಂದು ನನ್ನ ರೂಮ್​​​ ಬಾಗಿಲು ಬಡಿದರು. ನಾನು ಬಾಗಿಲು ತೆರೆದಾಗ ಬೇರೆ ಯಾರೂ ಅಲ್ಲ, ಅಲ್ಲಿ ಮೈಕೆಲ್​ ಜಾಕ್ಸನ್​ ನಿಂತಿದ್ದರು. ಅವರನ್ನು ನೋಡಿ ನನಗೆ ಪ್ರಜ್ಞೆ ತಪ್ಪಿ ಮೂರ್ಛೆ ಹೋಗುತ್ತಿತ್ತು. ಆದರೆ ಹೇಗೋ ನನ್ನನ್ನು ನಾನು ನಿಯಂತ್ರಿಸಿಕೊಂಡು ಅವರನ್ನು ಸ್ವಾಗತಿಸಿದೆ. ಬಳಿಕ ಅವರು ಇದು ನನ್ನ ರೂಮ್​​​ ಅಲ್ಲವೆ ಎಂದ ಕೇಳಿದರು. ನಾನು ಇಲ್ಲ ಎಂದು ಹೇಳಿದೆ. ಅವರು ಮಿಸ್ಸಾಗಿ ನನ್ನ ರೂಮ್​ಗೆ ಬಂದಿದ್ದಾರೆ ಎಂದು ಆಗ ತಿಳಿಯಿತು ಎಂದು ಹೇಳಿದರು.

ಬಳಿಕ ಮೈಕಲ್​ ಜಾಕ್ಸನ್​ ಅವರ ರೂಮಿಗೆ ಹೋದ ಬಳಿಕ ಯಾರನ್ನೋ ಕಳುಹಿಸಿ ಫೋನ್​ ಮಾಡಿ ಅವರ ರೂಮಿಗೆ ನನ್ನನ್ನು ಆಹ್ವಾನಿಸಿದರು. ನನಗೆ ಮೊದಲ ಬಾರಿಗೆ ಅವರೊಂದಿಗೆ ಕುಳಿತು ಮಾತನಾಡಲು ಅವಕಾಶ ಸಿಕ್ಕಿತು ಎಂದು ಅಮಿತಾಭ್​ ಹೇಳಿದರು. ಅಷ್ಟು ಜನಪ್ರಿಯತೆ ಇದ್ದರೂ ಅವರು ತುಂಬಾ ಕರುಣಾಮಯಿ. ಅವರೊಂದಿಗೆ ನನ್ನ ಮೊದಲ ಭೇಟಿ ಹೀಗಾಯಿತು ಎಂದು ತಿಳಿಸಿದರು.

ಮೈಕೆಲ್ ಜಾಕ್ಸನ್ ಒಬ್ಬ ಗಾಯಕ. ಅವರನ್ನು ಪಾಪ್ ಕಿಂಗ್​ ಎಂದು ಕರೆಯಲಾಗುತ್ತಿತ್ತು. ವೃತ್ತಿಜೀವನದಲ್ಲಿ ಅವರು ಸಂಗೀತ ಮತ್ತು ಡ್ಯಾನ್ಸ್​​ಗೆ ಅಪಾರ ಕೊಡುಗೆಗಳನ್ನು ನೀಡಿದರು. ಅವರು 2009ರಲ್ಲಿ ನಿಧನರಾದರು. ಅಮಿತಾಭ್​ ಬಚ್ಚನ್​​ ಕಲ್ಕಿ 2898 ಎಡಿ ಸಿನಿಮಾದಲ್ಲಿ ಕೊನೆಯದಾಗಿ ಕಾಣಿಸಿಕೊಂಡರು. ಚಿತ್ರದಲ್ಲಿನ ಅವರ ಅದ್ಭುತ ನಟನೆಗೆ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅವರ ಮುಂದಿನ ಬಹುನಿರೀಕ್ಷಿತ ಸಿನಿಮಾ ವೆಟ್ಟೈಯಾನ್​ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು ತಮಿಳಿನಲ್ಲಿ ಅವರ ಚೊಚ್ಚಲ ಚಿತ್ರವಾಗಿದೆ. (ಏಜೆನ್ಸೀಸ್​)

https://www.vijayavani.net/rakhi-sawant-ex-husband-adil-durrani-gave-a-shameful-statement-on-marital-rape