ಲಾಕ್ಡೌನ್ ಹಿನ್ನೆಲೆಯಲ್ಲಿ ಚಿತ್ರಮಂದಿರದಲ್ಲಿ ಸಿನಿಮಾ ಬಿಡುಗಡೆ ಬಗ್ಗೆ ಸದ್ಯಕ್ಕೆ ಯಾವುದೇ ಪಾಸಿಟಿವ್ ಪ್ರತಿಕ್ರಿಯೆ ಸಿಗುತ್ತಿಲ್ಲ. ಕರೊನಾ ಹಾವಳಿ ತಗ್ಗಿ, ಸಿನಿಮಾ ಬಿಡುಗಡೆಗೆ ಸರ್ಕಾರ ಹಸಿರು ನಿಶಾನೆ ತೋರಿದ ಬಳಿಕವಷ್ಟೇ ರಿಲೀಸ್ ಭಾಗ್ಯ. ಅಲ್ಲಿಯವರೆಗೂ ಶೂಟಿಂಗ್ ಹೊರತುಪಡಿಸಿ ಸಿನಿಮಾ ಸಂಬಂಧಿಸಿದ ಕೆಲಸಗಳನ್ನು ಮುಗಿಸಿಕೊಳ್ಳುವುದೊಂದೆ ಕೆಲಸ. ಹೀಗಿರುವಾಗಲೇ ಬಾಲಿವುಡ್ನಲ್ಲೀಗ ಓಟಿಟಿ (ಓವರ್ ದಿ ಟಾಪ್) ಪ್ಲಾಟ್ಫಾರ್ಮ್ ಚುರುಕು ಪಡೆದುಕೊಂಡಿದೆ. ಸಾಲು ಸಾಲು ಸಿನಿಮಾಗಳನ್ನು ಬಿಡುಗಡೆ ಮಾಡಲು ಸಿದ್ಧತೆ ಅಲ್ಲಿನ ನಿರ್ಮಾಪಕರು ಮಾಡಿಕೊಳ್ಳಲಾಗುತ್ತಿದ್ದಾರೆ.
ಇದನ್ನೂ ಓದಿ: ಅನ್ನಪೂರ್ಣ ಕೈ ಹಿಡಿದ ನಿರ್ದೇಶಕ ಎ.ಪಿ ಅರ್ಜುನ್
ಹೌದು, ಬಾಲಿವುಡ್ನಲ್ಲಿ ಓಟಿಟಿ ವೇದಿಕೆಗೆ ಒಳ್ಳೇ ಬೇಡಿಕೆ ಇದೆ. ಸಣ್ಣ ಬಜೆಟ್ನಲ್ಲಿ ಸಿದ್ಧವಾದ ಸಿನಿಮಾಗಳನ್ನು ನೇರವಾಗಿ ಓಟಿಟಿಯಲ್ಲಿ ಬಿಡುಗಡೆ ಮಾಡಿದರೆ, ನಿರ್ಮಾಪಕರು ಸೇಫ್! ಇದರೊಂದಿಗೆ ಲಾಕ್ಡೌನ್ ಬೆನ್ನಲ್ಲೇ ಓಟಿಟಿ ಬಳಕೆದಾರರ ಸಂಖ್ಯೆಯಲ್ಲೂ ಹೆಚ್ಚಳ ಕಂಡು ಬಂದಿದ್ದು, ಅದನ್ನೂ ನಿರ್ಮಾಪಕರು ಎನ್ಕ್ಯಾಶ್ ಮಾಡಿಕೊಂಡು, ಬಿಡುಗಡೆಯ ಸಿದ್ಧತೆಯಲ್ಲಿದ್ದಾರೆ. ಇದೀಗ ಆ ಪೈಕಿ ಅಮಿತಾಬ್ ಬಚ್ಚನ್ ಮತ್ತು ಆಯುಷ್ಮಾನ್ ಖುರಾನಾ ನಾಯಕತ್ವದ ‘ಗುಲಾಬೊ ಸಿತಾಬೋ’ ಸಿನಿಮಾ ನೇರವಾಗಿ ಓಟಿಟಿಗೆ ಬರಲು ಸಿದ್ಧವಾಗಿದೆ. ಸೂಜಿತ್ ಸಿರ್ಕಾರ್ ನಿರ್ದೇಶನದಲ್ಲಿ ಸಿದ್ಧವಾಗಿರುವ ಈ ಚಿತ್ರ ಅಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗಲಿದೆ. ಶೀಘ್ರದಲ್ಲಿ ರಿಲೀಸ್ ದಿನಾಂಕವನ್ನೂ ಹಂಚಿಕೊಳ್ಳಲಿದೆ ಚಿತ್ರತಂಡ.
ಇದನ್ನೂ ಓದಿ: ವಿಜಯ್ ದೇವರಕೊಂಡ ಬರ್ತ್ಡೇ: ಕಾಮ್ರೆಡ್ ಕ್ರಷ್ಗೆ ರಶ್ಮಿಕಾ ಮಂದಣ್ಣ ವಿಶ್ ಹೇಗಿದೆ ನೋಡಿ!!
ಇನ್ನು ನವಾಜುದ್ದೀನ್ ಸಿದ್ಧಿಕಿ ಮುಖ್ಯಭೂಮಿಕೆ ನಿಭಾಯಿಸಿರುವ ಅಮಿತಾಬ್ ಅತಿಥಿ ಪಾತ್ರ ನಿಭಾಯಿಸಿರುವ ‘ಘೂಮಕೇತು’ ಸಿನಿಮಾ ಸಹ ಜೀ 5ನಲ್ಲಿ ಬಿಡುಗಡೆ ಆಗಲಿದೆ. ಮೇ 22ರಂದು ಸಿನಿಮಾ ಬಿಡುಗಡೆ ಆಗುವ ಬಗ್ಗೆ ಈಗಾಗಲೇ ಜೀ5 ಅಧಿಕೃತ ಘೋಷಣೆ ಮಾಡಿಕೊಂಡಿದ್ದು, ಫ್ಯಾಂಟಮ್ ಮತ್ತು ಸೋನಿ ಪಿಕ್ಚರ್ಸ್ ಚಿತ್ರಕ್ಕೆ ಬಂಡವಾಳ ಹೂಡಿವೆ. ಇದರ ಜತೆಗೆ ಅಕ್ಷಯ್ ಕುಮಾರ್ ನಟನೆಯ ಲಕ್ಷ್ಮೀ ಬಾಂಬ್ ಸಿನಿಮಾ ಸಹ ಓಟಿಟಿಯಲ್ಲಿ ರಿಲೀಸ್ ಆಗಲಿದೆ ಎನ್ನಲಾಗುತ್ತಿದೆ. (ಏಜೆನ್ಸೀಸ್)
ಮದರ್ಸ್ ಡೇ ಪ್ರಯುಕ್ತ ಅಮ್ಮನ ಫೋಟೋ ಹಂಚಿಕೊಂಡ ಸಿನಿಮಾ, ಕಿರುತೆರೆ ತಾರೆಯರು..