ಮುಂಬೈ: ಕಳೆದ ವರ್ಷ ಲಾಕ್ಡೌನ್ ಮುಗಿಯುತ್ತಿದ್ದಂತೆಯೇ, ಬಣ್ಣ ಹಚ್ಚಿದ ಮೊದಲ ಬಾಲಿವುಡ್ ನಟ ಎಂದರೆ ಅದು ಅಮಿತಾಭ್ ಬಚ್ಚನ್. ಆಗಷ್ಟೇ ಕರೊನಾದಿಂದ ಚೇತರಿಸಿಕೊಂಡಿದ್ದ ಬಿಗ್ಬಿ, ಧೈರ್ಯವಾಗಿ ಹೊರಬಂದು ಕೌನ್ ಬನೇಗಾ ಕ್ರೋರ್ಪತಿ ಕಾರ್ಯಕ್ರಮದ 12ನೇ ಸೀಸನ್ ನಡೆಸಿಕೊಟ್ಟಿದ್ದರು.
ಈಗ ಕೆಬಿಸಿಯ 13ನೇ ಸೀಸನ್ ನಡೆಸಿಕೊಡಲು ಆಗಲೇ ತಯಾರಿ ಆರಂಭಿಸಿದ್ದಾರೆ ಅಮಿತಾಭ್. ಲಾಕ್ಡೌನ್ ನಂತರ ‘ಮೇ ಡೇ’, ‘ಗುಡ್ ಬೈ’ ಮುಂತಾದ ಚಿತ್ರಗಳಲ್ಲಿ ಅಮಿತಾಭ್ ನಟಿಸುತ್ತಿದ್ದು, ಸದ್ಯಕ್ಕೆ ಲಾಕ್ಡೌನ್ ನಿಮಿತ್ತ ಆ ಎಲ್ಲ ಚಿತ್ರಗಳಿಗೆ ಬ್ರೇಕ್ ಬಿದ್ದಿದೆ.
ಈ ಮಧ್ಯೆ, ಕೆಬಿಸಿಯ 13ನೇ ಸೀಸನ್ ನಡೆಸಿಕೊಡಲು ಅಮಿತಾಭ್ ಒಪ್ಪಿಕೊಂಡಿದ್ದಾರೆ. ಈಗಾಗಲೇ ಒಂದು ವಿಡಿಯೋ ಸಹ ಬಿಡುಗಡೆಯಾಗಿದೆ. ಮೇ 10ರಿಂದ ರಿಜಿಸ್ಟ್ರೇಶನ್ ಪ್ರಾರಂಭವಾಗಲಿದೆ.