ಅಲ್ಲು ಅರ್ಜುನ್​ ಭೇಟಿ ಸಲುವಾಗಿ ಅಭಿಮಾನಿಯ ಪಾದಯಾತ್ರೆ!; ಆತ ನಡೆದ ಹಾದಿ ಎಷ್ಟಿರಬಹುದು?

ಹೈದರಾಬಾದ್​: ಸಿನಿಮಾ ಸ್ಟಾರ್​ಗಳನ್ನು ಭೇಟಿಯಾಗಲು ಅಭಿಮಾನಿಗಳು ಮಾಡುವ ಹರಸಾಹಸ ಒಂದೊಂದಲ್ಲ. ನೆಚ್ಚಿನ ನಟನನ್ನು ನೋಡಬೇಕು, ಆತನ ಜತೆ ಫೋಟೋ ತೆಗೆಸಿಕೊಳ್ಳಬೇಕು ಎಂದು ಎಲ್ಲಿಂದಲೋ ಆಗಮಿಸುತ್ತಾರೆ. ಇದೀಗ ಪಕ್ಕದ ಟಾಲಿವುಡ್​ನಲ್ಲಿ ಆಗಿದ್ದೂ ಅದೇ.

ಇದನ್ನೂ ಓದಿ: ‘ಪೊಗರು’ ಚಿತ್ರದ ಇಂಟ್ರೊಡಕ್ಷನ್​ ಹಾಡಿನ ಬಜೆಟ್​ ಎಷ್ಟು ಗೊತ್ತೆ?

ಅಂದರೆ, ಟಾಲಿವುಡ್​ ಸೂಪರ್​ಸ್ಟಾರ್​ ಅಲ್ಲು ಅರ್ಜುನ್​ ಅವರನ್ನು ನೋಡಲು ಅಭಿಮಾನಿಯೊಬ್ಬ ನೂರಾರು ಕಿಲೋಮೀಟರ್ ನಡೆದು ಬಂದಿದ್ದಾನೆ. ಸೆ. 17ರಂದು ಆಂಧ್ರದ ಮಚೆರ್ಲಾದಿಂದ ಶುರುವಾದ ಪಿ ನಾಗೇಶ್ವರ್​ ರಾವ್​ ಎಂಬುವವರ ಪಾದಯಾತ್ರೆ, ಇದೀಗ ಬಂಜಾರಾ ಹಿಲ್​ಗೆ ತಲುಪಿದೆ. ಇನ್ನು ಕೆಲ ಗಂಟೆಗಳಲ್ಲಿ ನಟ ಅಲ್ಲು ಅರ್ಜುನ್​ ಅವರನ್ನು ಭೇಟಿಯಾಗಲಿದ್ದು, ಬಹುದಿನಗಳ ಕನಸನ್ನು ನನಸು ಮಾಡಿಕೊಳ್ಳಲಿದ್ದಾನೆ.

ಜೈ ಅಲ್ಲು ಅರ್ಜುನ್ ಅಣ್ಣ.. ಮಚೆರ್ಲಾ ಟು ಹೈದರಾಬಾದ್​ ಪಾದಯಾತ್ರೆ.. ಎಂಬ ಬೋರ್ಡ್ ಹಿಡಿದು ನಾಗೇಶ್ವರ್​ ರಾವ್​ ಪಾದಯಾತ್ರೆ ಮಾಡುತ್ತಿದ್ದಾರೆ. ಆತನ ಪಾದಯಾತ್ರೆಯ ವಿಡಿಯೋವನ್ನು ಇನ್ನೊಬ್ಬ ಅಲ್ಲು ಅರ್ಜುನ್​ ಅಭಿಮಾನಿ ಸೋಷಿಯಲ್​ ಮೀಡಿಯಾ ಶೇರ್​ ಮಾಡಿಕೊಂಡು, ನಟನಿಗೆ ಮಾಹಿತಿ ರವಾನಿಸಿದ್ದಾನೆ. ಅಂದಹಾಗೆ ಮಚೆರ್ಲಾದಿಂದ ಹೈದರಾಬಾದ್​ಗೆ 250 ಕಿಲೋ ಮೀಟರ್ ಅಂತರವಿದೆ. ಈ 250ಕಿಮೀ ಹಾದಿಯನ್ನು ನಾಗೇಶ್ವರ್​ ಒಂದು ವಾರದಲ್ಲಿ ಪೂರೈಸಿದ್ದಾನೆ. (ಏಜೆನ್ಸೀಸ್​)

https://www.vijayavani.net/nikhil-kumar-unveils-inside-of-jaguar-film/