ಹಳಿಗಳ ಮೇಲೆ ಸೈಕಲ್ ಸವಾರಿ​; ಆನಂದ್​ ಮಹೀಂದ್ರಾ ಮೆಚ್ಚಿದ್ದಾರೆ ಈ ಸಂಶೋಧನೆ...!

ನವದೆಹಲಿ: ಅವಶ್ಯಕತೆಯೇ ಎಲ್ಲ ಆವಿಷ್ಕಾರಗಳ ತಾಯಿ ಎಂಬ ಮಾತಿದೆ. ಅಂತೆಯೇ, ರೈಲು ಹಳಿಗಳನ್ನು ನಿರ್ವಹಿಸುವ, ದುರಸ್ತಿಗೊಳಿಸುವ ಟ್ರ್ಯಾಕ್​ಮೆನ್​ಗಳ ಕಷ್ಟಕ್ಕೆ ನೆರವಾಗುವ ಉದ್ದೇಶವೇ ಈ ಸಂಶೋಧನೆಗೆ ಕಾರಣವಾಗಿದೆ.

ಇದೊಂದು ಅತ್ಯಂತ ಸರಳ, ಮಿತವ್ಯಯದ ಈ ಆವಿಷ್ಕಾರ ಈಗ ಎಲ್ಲರ ಮೆಚ್ಚುಗೆಗೆ ಪಾತ್ರವಾಘಿದೆ. ಮಹೀಂದ್ರಾ ಗ್ರೂಪ್​ ಮುಖ್ಯಸ್ಥ ಆನಂದ ಮಹೀಂದ್ರಾ ರೈಲ್ವೆ ಸಿವಿಲ್​ ಇಂಜಿನಿಯರ್​ನ ಈ ಸಾಧನೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ; ಆರಂಭವಾಗಿದೆ ಕರೊನಾದ ಅಂತ್ಯಕಾಲ; ದೆಹಲಿ ಮುಂಚೂಣಿಯಲ್ಲಿ; ಏನಿದು ಆರ್​-ವ್ಯಾಲ್ಯೂ ಲೆಕ್ಕಾಚಾರ…?

ರೈಲ್ವೇ ಟ್ರ್ಯಾಕ್​ಮೆನ್​ಗಳು ಮೈಲುಗಟ್ಟಲೇ ನಡೆದು, ಹಳಿಗಳ ದುರಸ್ತಿ ಮಾಡಬೇಕು. ಅವುಗಳ ನಿರ್ವಹಣೆಯನ್ನು ನೋಡಿಕೊಳ್ಳಬೇಕು ಹಾಗೂ ಅಪಾಯ ಎದುರಾದಲ್ಲಿ ಮುನ್ಸೂಚನೆ ನೀಡಬೇಕು. ಇವರಿಗೆ ನೆರವಾಗಲೆಂದೇ ರೈಲ್ವೆ ಸಿವಿಲ್​ ಇಂಜಿನಿಯರ್​ ಪಂಕಜ್​ ಸೋಯಿನ್​ ರೈಲ್​ ಬೈಸಿಕಲ್​ ತಯಾರಿಸಿದ್ದಾರೆ.

ಸಾಮಾನ್ಯ ಬೈಸಿಕಲ್​ಅನ್ನೇ ಮಾರ್ಪಡಿಸಿ ಹಳಿಗಳ ಮೇಲೆ ಚಲಿಸುವಂತೆ ಮಾಡಿದ್ದಾರೆ. ಇದು 20 ಕೆಜಿ ಭಾರವಿದ್ದು, ಇಬ್ಬರನ್ನು ಹೊತ್ತೊಯ್ಯಬಲ್ಲುದು. ಗಂಟೆಗೆ 15 ಕಿ.ಮಿ. ವೇಗದಲ್ಲಿ ಹಳಿಗಳ ಮೇಲೆ ಸಾಗಬಲ್ಲುದು. ರೈಲು ಎದುರಾದರೆ ಸುಲಭವಾಗಿ ಹಳಿಯಿಂದ ಎತ್ತಿ ಪಕ್ಕಕ್ಕೆ ನಿಲ್ಲಿಸಬಹುದು.

ಇದನ್ನೂ ಓದಿ; 15ನೇ ವರ್ಷಕ್ಕೆ ಮದುವೆ, ಎರಡೂವರೆ ವರ್ಷದ ಮಗುವಿನ ತಾಯಿಯೀಗ ಪಿಯು ಪರೀಕ್ಷೆಯಲ್ಲಿ ಅಗ್ರ ಸಾಧಕಿ

ಇದಕ್ಕಾಗಿ ರೈಲ್​ ಕಾರ್ಟಗಳ ಹಳೆಯ ಗಾಲಿಯನ್ನೆ ಬಳಸಲಾಗಿದೆ. ಒಟ್ಟು ಐದು ಸಾವಿರ ರೂ. ವೆಚ್ಚವಾಗಿರುವುದಾಗಿ ಪಂಕಜ್​ ಹೇಳುತ್ತಾರೆ. ಜತೆಗೆ ಇದನ್ನು ಬಿಚ್ಚಿ ಎಲ್ಲೆಂದರಲ್ಲಿಗೆ ಸಾಗಿಸಬಹುದು.

ಇದು ಹೇಗೆ ಕಾರ್ಯ ನಿರ್ವಹಿಸುತ್ತೆ ಎಂಬುದನ್ನು ಈ ವಿಡಿಯೋದಲ್ಲಿ ನೋಡಿ...

https://www.vijayavani.net/rich-countries-lock-up-covid-vaccines-supplies/