1200 ಅಡಿ ಎತ್ತರದಲ್ಲಿ ಏಕಾಏಕಿ ತುಂಡಾದ ಕೇಬಲ್ ಕಾರ್​; 14 ಗಂಟೆ ಕಾರ್ಯಾಚರಣೆ ನಂತ್ರ ಸಿಕ್ಕಿಬಿದ್ದ 8 ಜನರ ರಕ್ಷಣೆ

- ಕೇಬಲ್ ಕಾರ್​​​ನಲ್ಲಿ ಶಾಲೆಗೆ ಹೋಗುತ್ತಿದ್ದ ವಿದ್ಯಾರ್ಥಿಗಳು

ಪಾಕಿಸ್ತಾನ: ವಿದ್ಯಾರ್ಥಿಗಳು ಶಾಲೆಗೆ ಹೋಗಲು ಕೇಬಲ್ ಕಾರ್ ಆಧಾರವಾಗಿದೆ. 1200 ಅಡಿ ಎತ್ತರದಲ್ಲಿ ಚಲಿಸುವ ಕೇಬಲ್ ಕಾರ್​ ಮಂಗಳವಾರ (2023 ಆಗಸ್ಟ್ 22) ಎಂಟು ಜನರು ಕೇಬಲ್ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದಾಗ, ಕಾರಿನ ಕೇಬಲ್ ಇದ್ದಕ್ಕಿದ್ದಂತೆ ಕಟ್​​ ಆಗಿದೆ. 1200 ಅಡಿ ಎತ್ತರದಲ್ಲಿ ಮುರಿದು ಬಿದ್ದ ಕಾರಿನಲ್ಲಿ ಎಂಟು ಮಂದಿ ಸಿಲುಕಿರುವ ಘಟನೆ ಪಾಕಿಸ್ತಾನದಲ್ಲಿ ನಡೆದಿದೆ.

ಪಾಕಿಸ್ತಾನದಲ್ಲಿ ಬೆಟ್ಟಗಳು ಮತ್ತು ಕಣಿವೆಗಳನ್ನು ಹೊಂದಿರುವ ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದಲ್ಲಿ ಮಂಗಳವಾರ ಪ್ರಯಾಣದ ಮಧ್ಯದಲ್ಲಿ ಕಣಿವೆಗಳನ್ನು ದಾಟಲು ಬಳಸಲಾದ ಕೇಬಲ್ ಕಾರಿನ ತಂತಿಗಳು ಹಠಾತ್ತನೆ ಮುರಿದು ಬಿದ್ದಿವೆ. ಇದರಿಂದ ಆರು ವಿದ್ಯಾರ್ಥಿಗಳು ಹಾಗೂ ಇಬ್ಬರು ಯುವಕರು ನೆಲದಿಂದ 1200 ಅಡಿ ಎತ್ತರದಲ್ಲಿ ಸಿಲುಕಿಕೊಂಡಿದ್ದಾರೆ. ಅವರನ್ನು ರಕ್ಷಿಸಲು ಪಾಕಿಸ್ತಾನ ಸೇನೆ ಸುಮಾರು 14 ಗಂಟೆಗಳ ಕಾಲ ಶ್ರಮಿಸಿ ಎಂಟು ಮಂದಿಯ ಪ್ರಾಣ ಉಳಿಸಿದ್ದಾಳೆ. ಆದರೆ ಬಲಿಪಶುಗಳಲ್ಲಿ ಒಬ್ಬರು ಐದು ಗಂಟೆಗಳ ಕಾಲ 1,200 ಅಡಿ ಎತ್ತರದಲ್ಲಿ ಸಿಕ್ಕಿಬಿದ್ದ ನಂತರ ಭಯದಿಂದ ಮೂರ್ಛೆ ಹೋಗಿದ್ದರು ಎನ್ನಲಾಗಿದೆ.

14 ಗಂಟೆಗಳ ಅಗ್ನಿಪರೀಕ್ಷೆಯ ನಂತರ, ವಾಯುವ್ಯ ಪಾಕಿಸ್ತಾನದ ಕಣಿವೆಯೊಂದರಲ್ಲಿ ನೂರಾರು ಅಡಿಗಳಷ್ಟು ತೂಗಾಡುತ್ತಿದ್ದ ಕೇಬಲ್ ಕಾರಿನಲ್ಲಿ ಸಿಲುಕಿಕೊಂಡಿದ್ದ ಆರು ಮಕ್ಕಳು ಮತ್ತು ಇಬ್ಬರು ವಯಸ್ಕರು ಸೇರಿದಂತೆ ಎಲ್ಲಾ ಎಂಟು ಜನರನ್ನು ರಕ್ಷಿಸಲಾಗಿದೆ ಎಂದು ದೇಶದ ಉಸ್ತುವಾರಿ ಪ್ರಧಾನಿ ಅನ್ವರ್ ಉಲ್ ಹಕ್ ಕಾಕರ್ ತಿಳಿಸಿದ್ದಾರೆ.

ಈ ಕೇಬಲ್ ಕಾರ್ ಅನ್ನು ಖಾಸಗಿಯವರು ನಡೆಸುತ್ತಿದ್ದಾರೆ. ಮಂಗಳವಾರ ಬೆಳಗ್ಗೆ 7.00 ಗಂಟೆಗೆ ಪ್ರಯಾಣ ಆರಂಭಿಸಿದ ಸ್ವಲ್ಪ ಸಮಯದಲ್ಲೇ ಕೇಬಲ್ ತುಂಡಾಯಿತು. ಬಟ್ಟಗ್ರಾಮ್ ಜಿಲ್ಲೆಯ ಅಲ್ಲೈ ತಹಸಿಲ್‌ನಲ್ಲಿ ವಿದ್ಯಾರ್ಥಿಗಳು ಶಾಲೆಗೆ ಹೋಗುತ್ತಿದ್ದಾಗ ಈ ಅವಘಡ ಸಂಭವಿಸಿದೆ. ಈ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ ಸೇನಾ ತಂಡಗಳು ಮತ್ತು ಅಧಿಕಾರಿಗಳನ್ನು ಪಾಕಿಸ್ತಾನ ಪ್ರಧಾನಿ ಅನ್ವರುಲ್ ಹಕ್ ಕಾಕರ್ ಅಭಿನಂದಿಸಿದ್ದಾರೆ.

https://www.vijayavani.net/what-is-the-gold-silver-rate-in-bangalore-today