ಬಾಲಿವುಡ್ ನಟಿ ಕತ್ರಿನಾ ಕೈಫ್ ಇಲ್ಲಿಯವರೆಗೂ ನಾಯಕಿ ಪ್ರಧಾನ ಸಿನಿಮಾದಲ್ಲಿ ಕಾಣಿಸಿಕೊಂಡಿಲ್ಲ. ಸ್ಟಾರ್ ನಾಯಕರೊಂದಿಗೆ ನಾಯಕಿಯಾಗಿ ಕಾಣಿಸಿಕೊಂಡಿದ್ದೇ ಹೆಚ್ಚು. ಆದರೆ ಇದೀಗ ಇದೇ ಕತ್ರಿನಾ ನಾಯಕಿ ಪ್ರಧಾನ ಸಿನಿಮಾ ಮಾಡಲು ಸಿದ್ಧರಾಗುತ್ತಿದ್ದಾರೆ. ಅವರ ಆ ಚಿತ್ರವನ್ನು ಖ್ಯಾತ ನಿರ್ದೇಶಕ ಅಲಿ ಅಬ್ಬಾಸ್ ಜಾಫರ್ ನಿರ್ದೇಶನ ಮಾಡಲಿದ್ದಾರೆ.
ಇದನ್ನೂ ಓದಿ: ಟಿಆರ್ಪಿಯಲ್ಲಿ ಕಮಾಲ್ ಮಾಡಲಿಲ್ಲ ತೆಲುಗು ಕೆಜಿಎಫ್; ಕಾರಣ ಏನಿರಬಹುದು?
ಈಗಾಗಲೇ ಅಲಿ ಅಬ್ಬಾಸ್ ಜಾಫರ್ ಜತೆಗೆ ಟೈಗರ್ ಜಿಂದಾ ಹೈ ಮತ್ತು ಭಾರತ್ ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದ ಕತ್ರಿನಾ ಕೈಫ್ ಇದೀಗ ಮೂರನೇ ಬಾರಿ ಅವರೊಟ್ಟಿಗೆ ಕೈ ಜೋಡಿಸುತ್ತಿದ್ದಾರೆ. ಅಂದಹಾಗೆ ಈ ಸಿನಿಮಾ ಸೂಪರ್ಹೀರೋ ಪರಿಕಲ್ಪನೆಯಲ್ಲಿ ತಯಾರಾಗಲಿದ್ದು, ಎರಡು ಪಾರ್ಟ್ಗಳಲ್ಲಿ ಸಿದ್ಧವಾಗಲಿದೆ. ಬರೋಬ್ಬರಿ 200 ಕೋಟಿ ರೂ. ಬಜೆಟ್ನಲ್ಲಿ ಚಿತ್ರ ನಿರ್ಮಾಣವಾಗಲಿದೆಯಂತೆ.
ಇದನ್ನೂ ಓದಿ: VIDEO| ನಿತ್ಯಾ ಮೆನನ್ ಅಭಿನಯದ ವೆಬ್ ಸೀರಿಸ್ ದೃಶ್ಯ ಲೀಕ್: ಲೆಸ್ಬಿಯನ್ ಲಿಪ್ಲಾಕ್ ವಿಡಿಯೋ ವೈರಲ್!
ಈಗಾಗಲೇ ಚಿತ್ರದ ಪ್ರೀ ಪ್ರೊಡಕ್ಷನ್ ಕೆಲಸಗಳು ಮುಗಿದಿದ್ದು, ನಿರ್ದೇಶಕ ಅಲಿ ಆ್ಯಕ್ಷನ್ ಸೀಕ್ವೆನ್ಸ್ ಗಳಿಗಾಗಿ ವಿದೇಶಿ ಸಾಹಸ ನಿರ್ದೇಶಕರ ಹುಡುಕಾಟದಲ್ಲಿದ್ದಾರೆ. ಎಲ್ಲ ಅಂದುಕೊಂಡಂತೆ ಆದರೆ, ಆಗಸ್ಟ್ ತಿಂಗಳಾಂತ್ಯಕ್ಕೆ ಚಿತ್ರದ ಚಿತ್ರೀಕರಣಕ್ಕೆ ಚಾಲನೆ ದೊರಕಲಿದೆ. ಅಚ್ಚರಿ ವಿಚಾರ ಏನೆಂದರೆ ಈ ಸಿನಿಮಾ ಚಿತ್ರಮಂದಿರದಲ್ಲಿ ತೆರೆಕಾಣುವುದಿಲ್ಲ. ಬದಲಿಗೆ ನೇರವಾಗಿ ನೆಟ್ಫ್ಲಿಕ್ಸ್ ಓಟಿಟಿ ವೇದಿಕೆ ಮೂಲಕ ಬಿತ್ತರವಾಗಲಿದೆ. (ಏಜೆನ್ಸೀಸ್)