1970ರಲ್ಲಿ ಶೇಷ ವಿಶ್ವ ತಂಡ ವಿರುದ್ಧ ನಡೆದ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಪರ ಗ್ಲಾಮೊರ್ಗನ್ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್ಮನ್ ಆಗಿದ್ದ ಅಲೆನ್ ಜಾನ್ಸ್ ಕಣಕ್ಕಿಳಿದಿದ್ದರು. ವಿಶ್ವ ಶ್ರೇಷ್ಠ ಆಟಗಾರರು ಶೇಷ ವಿಶ್ವ ತಂಡದ ಪರ ಆಡಿದ್ದರು. ಆದರೆ, ಈ ಪಂದ್ಯಕ್ಕೆ ಐಸಿಸಿಯಿಂದ ಮಾನ್ಯತೆ ದಕ್ಕಿರಲಿಲ್ಲ. ಇದು ಇಂಗ್ಲೆಂಡ್ ಪರ ಅಲೆನ್ ಆಡಿದ ಏಕೈಕ ಪಂದ್ಯ ಕೂಡ ಆಗಿದ್ದರಿಂದ ರಾಷ್ಟ್ರೀಯ ತಂಡದ ಪದಾರ್ಪಣೆ ಮಾಡಿದಂತಾಗಲಿಲ್ಲ. ಆ ಬಳಿಕವೂ ಅಲೆನ್ಗೆ ರಾಷ್ಟ್ರೀಯ ತಂಡದ ಪರ ಆಡುವ ಅವಕಾಶವೂ ಲಭಿಸಲಿಲ್ಲ. ಇದರಿಂದ ಅಲೆನ್ ಬೇಸರದಲ್ಲಿಯೇ ಮುಳುಗಿದರು. ಇದೀಗ 50 ವರ್ಷಗಳ ಬಳಿಕ ಇಸಿಬಿ ಟೆಸ್ಟ್ ಮಾನ್ಯತೆ ನೀಡಿ, ಆಟಗಾರರ ಸಂಖ್ಯೆ 696 ನೀಡಿ ಗೌರವಿಸಿದೆ. ಬಳಿಕ ದಾಖಲಾತಿಯಲ್ಲೂ ರಾಷ್ಟ್ರೀಯ ತಂಡ ಪ್ರತಿನಿಧಿಸಿದ ಆಟಗಾರ ಎಂದು ನಮೂದಿಸಲಾಗಿದೆ.
