ಲಖನೌ: ಇಲ್ಲಿನ ಭಾರತ ರತ್ನ ಶ್ರೀ ಅಟಲ್ ಬಿಹಾರಿ ವಾಜಪೇಯಿ ಏಕನಾ ಕ್ರೀಡಾಂಗಣದಲ್ಲಿ ನಡೆದ ಏಕದಿನ ವಿಶ್ವಕಪ್ ಪಂದ್ಯದಲ್ಲಿ ನೆದರರ್ಲೆಂಡ್ ವಿರುದ್ಧ ಅಫ್ಘಾನಿಸ್ತಾನ 7 ವಿಕೆಟ್ಗಳ ಜಯಗಳಿಸಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ನೆದರ್ಲೆಂಡ್ ತಂಡವು ಮದ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ ಸಿಬ್ರಾಬ್ಡ್ ಎಂಗಲ್ಬ್ರೆಕ್ಟ್ (58 ರನ್, 86 ಎಸೆತ, 6 ಬೌಂಡರಿ), ಆರಂಭಿಕ ಮ್ಯಾಕ್ಸ್ ಓಡೋವ್ಡ್ (42 ರನ್, 40 ಎಸೆತ, 9 ಬೌಂಡರಿ) ನೆರವಿನಿಂದ 46.3 ಓವರ್ಗಳಲ್ಲಿ 179ರನ್ಗಳಿಗೆ ಆಲೌಟ್ ಆಯಿತು.
ಇದನ್ನೂ ಓದಿ: ಪೊಲೀಸರನ್ನು ಗುರಿಯಾಗಿಸಿ ಪಾಕ್ನಲ್ಲಿ ಬಾಂಬ್ ದಾಳಿ; ಐದು ಮಂದಿ ಸಾವು
ಅಫ್ಘಾನಿಸ್ತಾನ ಪರ ಮೊಹಮ್ಮದ್ ನಬಿ (9.3-1-28-3), ನೂರ್ ಅಹಮದ್ (9-0-31-2), ಮುಜೀಬ್ ಉರ್ ರೆಹಮಾನ್ (10-0-40-1), ರಶೀದ್ ಖಾನ್ (10-0-31-0), ಫಜಲ್ಹಕ್ ಫಾರೂಕಿ (5-0-36-0), ಅಜ್ಮತುಲ್ಲಾ ಓಮರ್ಝೈ (3-0-11-0) ಎದುರಾಳಿ ತಂಡವನ್ನು ಅಲ್ಪಮೊತ್ತಕ್ಕೆ ಕಟ್ಟಿ ಹಾಕುವಲ್ಲಿ ಯಶಸ್ವಿಯಾಗಿದ್ದಾರೆ.
ಗುರಿ ಬೆನ್ನತ್ತಿದ್ದ ಅಫ್ಘಾನಿಸ್ತಾನ ತಂಡವು ನಾಯಕ ಹಶ್ಮತುಲ್ಲಾ ರಹಮತ್ (56 ರನ್, 64 ಎಸೆತ, 6 ಬೌಂಡರಿ), ರಹಮತ್ ಷಾ (52 ರನ್, 54 ಎಸೆತ, 8 ಬೌಂಡರಿ) ಅರ್ಧಶತಕಗಳ ಫಲವಾಗಿ 3 ವಿಕೆಟ್ ನಷ್ಟಕ್ಕೆ 31.3 ಓವರ್ಗಳಲ್ಲಿ 181 ರನ್ ಪೇರಿಸಿ ಜಯದ ನಗೆ ಬೀರಿತ್ತು.