ಜ.19ರಂದು ಬೆಳಗ್ಗೆ ಮಲ್ಲಾವರ ಶ್ರೀ ಪಂಚಲಿಂಗೇಶ್ವರ ಕ್ಷೇತ್ರದಿಂದ ಸಾಮೂಹಿಕ ಪ್ರಾರ್ಥನೆಯೊಂದಿಗೆ ದೀಪ ಬೆಳಗಿಸಿ ವಾದ್ಯಷೋಷಗಳೊಂದಿಗೆ ದೀಪವನ್ನು ಭಗವತೀ ಕ್ಷೇತ್ರಕ್ಕೆ ತರಲಾಯಿತು. ಕುಂಟಾರು ವಾಸುದೇವ ತಂತ್ರಿ ಹಾಗೂ ಕುಂಟಾರು ರವೀಶ ತಂತಿ, ಎಡನೀರು ಮಠಾಧೀಶ ಶ್ರೀ ಸಚ್ಚಿದಾನಂದ ಭಾರತೀ ಸ್ವಾಮೀಜಿಗೆ ಪೂರ್ಣಕುಂಭ ಸ್ವಾಗತ ನೀಡಲಾಯಿತು. ಸ್ವಾಮೀಜಿ ಸರಸ್ವತಿ ಮಂಟಪ ಉದ್ಘಾಟಿಸಿದ ಬಳಿಕ ಧ್ವಜಾರೋಹಣ, ಉತ್ಸವ ಆರಂಭಗೊಂಡಿತು. ದೈವಸ್ಥಾನಕ್ಕೆ ಸಂಬಂಧಿಸಿದ ತರವಾಡು ಮನೆಗಳಿಂದ ಹೊರೆಕಾಣಿಕೆ ಮೆರವಣಿಗೆ, ಚಿನ್ಮಯಾ ಮಿಶನ್ ಕಾಸರಗೋಡು ಅವರಿಂದ ಗೀತಾಪಾರಾಯಣ, ಮಧ್ಯಾಹ್ನ ನಂತರ ಪುನ್ನಕ್ಕಾಲ್ ಭಗವತಿ, ಉಚ್ಚೂಳಿ ಕಡವತ್ ಭಗವತಿ, ಆಯಿಟ್ಟಿ ಭಗವತಿ ಎಂಬಿ ಮೂರು ಭಗವತಿಗಳ ತೊಡಂಙಲ್, ವೈರಾಪುರತ್- ವಡಕ್ಕಾನ್ ಕೋಡಿ ದೈವದ ವೆಳ್ಳಾಟ, ಸಂಜೆ ಚಳ್ಳಂಗೋಡು ದೈವಸ್ಥಾನದಿಂದ ಭಂಡಾರದ ಆಗಮನ, ರಾತ್ರಿ ಕುಂಟಾರು ಚಾಮುಂಡಿ ದೈವದ ತೊಡಂಙಳ್, ಕಲ್ಲಂಗರ ಚಾಮುಂಡಿ ತೊಡಂಙಳ್, ಮೇಚೇರಿ ಚಾಮುಂಡಿ ತೊಡಂಙಳ್, ವಿಷ್ಣುಮೂರ್ತಿ ತೊಡಂಙಳ್, ಅಸುರಾಳನ್ ದೈವದ ವೆಳ್ಳಾಟ, ಭಗವತಿ ದೈವದ ಸ್ತೋತ್ರ, ರಾತ್ರಿ ಶ್ರೀ ವಿಷ್ಣುಮೂರ್ತಿ ದೈವದ ಕುಳಿಚ್ಚಾಟ, ಚಂದ್ರಮಾನ್ ದೇವರ ಮನೆಯಿಂದ ಹೊರೆಕಾಣಿಕೆ ಸಮರ್ಪಣೆ ನಡೆಯಿತು.
