ಕೇರಳದಲ್ಲಿ 'ಆದಿಪುರುಷ್' ಕಲೆಕ್ಷನ್ ಎಷ್ಟು?; ಇಲ್ಲಿದೆ ಇತ್ತೀಚಿನ ವರದಿ!

ಕೇರಳ: ಆದಿಪುರುಷ್(Adipurush)​ ಚಿತ್ರ ಹಲವು ವಿವಾದಗಳ ನಡುವೆ ಸಿಲುಕಿದರೂ ಕೂಡ ಪ್ರಾರಂಭದಲ್ಲಿ ಬಾಕ್ಸ್ ಆಫೀಸ್​​ನಲ್ಲಿ(Box Office) ಉತ್ತಮ​ ಗಳಿಕೆಯನ್ನು ಕಂಡಿತು. ಆದ್ರೆ, ಕೇರಳದಲ್ಲಿ(Kerala) ಮಾತ್ರ ಈ ಚಿತ್ರ ಅಂದಾಜಿಸಿದ ಗಳಿಕೆಯನ್ನು ತಲುಪಿಲ್ಲ ಎಂಬುದು ಇತ್ತೀಚಿನ ವರದಿ ಮೂಲಕ ತಿಳಿದುಬಂದಿದೆ.

ಇದನ್ನೂ ಓದಿ: ರಾಜ್ಯದಲ್ಲಿ ದುರ್ಬಲಗೊಂಡ ಮಳೆ; ವರುಣನಿಗಾಗಿ ಪ್ರಾರ್ಥಿಸಿ ರಾತ್ರಿ ನಡೆಯಿತು ಮಕ್ಕಳ ಮದುವೆ

ಚಿತ್ರ ಬಿಡುಗಡೆಗೊಂಡ ಮೊದಲ ಮೂರು ದಿನಗಳಲ್ಲಿ ಜಾಗತಿಕ ಬಾಕ್ಸ್ ಆಫೀಸ್‌ನಲ್ಲಿ 300 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಮಾಡಿದ್ದರಿಂದಾಗಿ ಆದಿಪುರುಷ್ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ವೇಗವನ್ನು ಕಾಣಲಿದೆ ಎಂದು ನಿರೀಕ್ಷಿಸಲಾಗಿತ್ತು. ಆದ್ರೆ, ಈ ಚಿತ್ರವು ಅಂದುಕೊಂಡಂತೆ ಕಲೆಕ್ಷನ್ ಮಾಡಿಲ್ಲ ಎಂದು ಹೇಳಲಾಗಿದೆ.

ಕಳೆದ 5 ದಿನಗಳಲ್ಲಿ ಆದಿಪುರುಷ್ ಚಿತ್ರ ಕೇರಳದ ಬಾಕ್ಸ್ ಆಫೀಸ್‌ನಲ್ಲಿ ಕೇವಲ 1.7 ಕೋಟಿ ರೂ. ಗಳಿಕೆಯನ್ನು ಮಾತ್ರ ಕಂಡಿದೆ. ಈ ಮೂಲಕ ನಿರೀಕ್ಷಿಸಿದಂತೆ ಚಿತ್ರ ಕಲೆಕ್ಷನ್ ಮಾಡದೆ ಇರುವುದು ಚಿತ್ರತಂಡಕ್ಕೆ ದೊಡ್ಡ ಹೊಡೆತವಾಗಿ ಪರಿಣಮಿಸಿದೆ.

ಇದನ್ನೂ ಓದಿ: ವೆಸ್ಟ್​ ಇಂಡೀಸ್​ ಪ್ರವಾಸಕ್ಕೆ ಭಾರತದ ಟೆಸ್ಟ್​, ಏಕದಿನ ತಂಡ ಪ್ರಕಟ; ಪೂಜಾರಗೆ ಕೊಕ್​, ರಹಾನೆ ಉಪನಾಯಕ!

ಆದಿಪುರುಷ್ ಚಿತ್ರ ಮಹಾಕಾವ್ಯ ರಾಮಾಯಣವನ್ನು(Ramayana) ಆಧರಿಸಿ ಚಿತ್ರಿಸಲಾಗಿದೆ. ಸಿನಿಮಾದಲ್ಲಿ ನಟ ಪ್ರಭಾಸ್(Prabhas), ಕೃತಿ ಸನೋನ್, ಸೈಫ್ ಅಲಿ ಖಾನ್ ಸೇರಿದಂತೆ ಮುಂತಾದ ನಟರು ಪ್ರಮುಖ ಪಾತ್ರಗಳ ಅಭಿನಯಿಸಿದ್ದಾರೆ. ಈ ಚಿತ್ರವನ್ನು ಓಂ ರಾವುತ್ ಅವರ ನಿರ್ದೇಶನದಲ್ಲಿ ಮೂಡಿಬಂದಿದೆ,(ಏಜೆನ್ಸೀಸ್).