ವರ್ಜಿನ್​ ಆಗೋಕೆ ತೂಕ ಹೆಚ್ಚಿಸಿಕೊಂಡ ಬಾಲಿವುಡ್​​ ನಟಿ!

ಬಾಲಿವುಡ್​ನಲ್ಲಿ ಕಳೆದ ಕೆಲ ದಿನಗಳಿಂದ ವರ್ಜಿನಿಟಿ ಬಗ್ಗೆ ದೊಡ್ಡ ಚರ್ಚೆ ಆಗುತ್ತಿದೆ. ಅದಕ್ಕೆ ಕಾರಣವಾಗಿದ್ದು ನಟಿ ಊರ್ವಶಿ ರೌಟೇಲಾ. ಹೌದು, ಇತ್ತೀಚೆಗಷ್ಟೇ ಊರ್ವಶಿ ನಟನೆಯ ‘ವರ್ಜಿನಿಟಿ ಭಾನುಪ್ರಿಯಾ’ ಸಿನಿಮಾ ಓಟಿಟಿ ವೇದಿಕೆಯಲ್ಲಿ ತೆರೆಕಂಡಿತ್ತು. ಆ ಸಿನಿಮಾದ ಕಥಾ ವಸ್ತುವೇ ಕನ್ಯತ್ವ! ಹಾಗಾಗಿ ಆ ಚಿತ್ರದ ಬಗ್ಗೆ ಟಾಕ್ಸ್ ಶುರುವಾಗಿದ್ದು, ಸ್ವತಃ ಊರ್ವಶಿ ಸಿನಿಮಾದ ಬಗ್ಗೆ ಮಾಹಿತಿ ಹಂಚಿಕೊಳ್ಳುತ್ತಿದ್ದಾರೆ. ಅದರಂತೆ ಇದೀಗ ಚಿತ್ರದಲ್ಲಿ ನಿಭಾಯಿಸಿದ ಪಾತ್ರದ ಬಗ್ಗೆ ಒಂದಷ್ಟು ರೋಚಕ ವಿಚಾರಗಳನ್ನು ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಅಸಭ್ಯ ಸಂದೇಶಗಳಿಂದ ಬೇಸತ್ತು ಕಿಡಿಗೇಡಿಗಳಿಗೆ ತಕ್ಕ ಪಾಠ ಕಲಿಸಲು ಮುಂದಾದ ನಟಿ ಮಾನಸಿ ಜೋಶಿ

ಈ ಚಿತ್ರಕ್ಕಾಗಿ ಬರೋಬ್ಬರಿ ಏಳು ಕೆಜಿ ತೂಕ ಹೆಚ್ಚಿಸಿಕೊಂಡಿದ್ದಾರೆ ನಟಿ ಊರ್ವಶಿ. ‘ಪ್ರತಿ ಸಿನಿಮಾ ಒಪ್ಪಿಕೊಂಡಾಗ ಅದರಲ್ಲಿನ ಪಾತ್ರಕ್ಕೆ ತಕ್ಕಂತೆ ದೇಹವನ್ನು ಬದಲಾಯಿಸಿಕೊಳ್ಳುವುದು ಕಲಾವಿದರ ಕರ್ತವ್ಯ. ನಾನೂ ಸಹ ವರ್ಜಿನ್​ ಭಾನುಪ್ರಿಯಾ ಚಿತ್ರದ ಸಲುವಾಗಿ ಏಳು ಕೆಜಿ ತೂಕ ಹೆಚ್ಚಿಸಿಕೊಂಡಿದ್ದೆ. ಕಾಲೇಜ್​ಗೆ ಹೋಗುವ ಹುಡುಗಿಯಾಗಿ ನಾನು ಕಾಣಿಸಿಕೊಳ್ಳಬೇಕಿತ್ತು. ಆ ಕಾರಣದಿಂದ ದೇಹ ತೂಕ ಹೆಚ್ಚಿಸಿಕೊಳ್ಳಲೇಬೇಕಿತ್ತು. ಅದರಂತೆ ಒಂದೂವರೆ ತಿಂಗಳಲ್ಲಿ ಬದಲಾವಣೆ ಮಾಡಿಕೊಂಡಿದ್ದೆ ಎಂದು ಹೇಳಿದ್ದಾರೆ ಊರ್ವಶಿ.

ಇನ್ನು ಇತ್ತೀಚೆಗೆ ಸಿನಿಮಾ ಬಗ್ಗೆಯೂ ಅವರು ಮಾತನಾಡಿದ್ದರು. ‘ಭಾರತ ಸಂಪ್ರದಾಯಬದ್ಧ ರಾಷ್ಟ್ರ. ಇಲ್ಲಿ ಕಾಮಕ್ಕೆ ವಿಶೇಷವಾದ ಪ್ರಾಧಾನ್ಯತೆ ಇದೆ. ದೇಶದ ಅನೇಕ ದೇವಾಲಯಗಳಲ್ಲಿ ಕಾಮಪ್ರಚೋದಕ ಶಿಲ್ಪಕಲೆಗಳಿವೆ. ಮತ್ತೊಂದೆಡೆ ಸ್ತ್ರೀ ಕನ್ಯತ್ವದ ಬಗ್ಗೆ ಒಂದಷ್ಟು ಕಟ್ಟುಪಾಡುಗಳಿಗೆ ಅಂಟಿಕೊಂಡಿದ್ದೇವೆ. ಅದಕ್ಕೆ ಧಾರ್ಮಿಕ ಮತ್ತು ಸಂಪ್ರದಾಯ ವಿಧಾನಗಳನ್ನು ಜೋಡಿಸಿದ್ದೇವೆ. ಯುವತಿಯ ಕ್ಯಾರೆಕ್ಟರ್​ ತಿಳಿದುಕೊಳ್ಳಬೇಕೆಂದರೆ ಮೊದಲು ಕನ್ಯತ್ವವನ್ನೇ ಮಾನದಂಡ ಮಾಡಲಾಗಿದೆ. ಅಷ್ಟೇ ಅಲ್ಲ ಮದುವೆಗೂ ಮುಂಚೆ ಕನ್ಯತ್ವ ಪರೀಕ್ಷೆ ಮಾಡುವ ಕೆಟ್ಟ ಸಂಪ್ರದಾಯವೂ ಈಗಲೂ ಚಾಲ್ತಿಯಲ್ಲಿದೆ. ನಿಜಕ್ಕೂ ಇದು ಕೆಟ್ಟದ್ದು’ ಎಂದಿದ್ದರು ಊರ್ವಶಿ.

ಇದನ್ನೂ ಓದಿ: ಪತಿಯ ಆಸರೆ ಕಳೆದುಕೊಂಡು ಬೀದಿಗೆ ಬಿದ್ದಿದ್ದ ಮಹಿಳೆಗೆ ಸೂರು ಒದಗಿಸಿದ ಸೋನು ಸೂದ್​

ಇದರ ಜತೆಗೆ ಕನ್ಯತ್ವದ ಬಗ್ಗೆ ಈಗಿನ ಜನ ಏನೆಲ್ಲ ವಿಚಾರ ಮಾಡುತ್ತಿದ್ದಾರೆ ಎಂಬ ಬಗ್ಗೆಯೂ ಊರ್ವಶಿ ಮಾತನಾಡಿದ್ದರು. ‘ವರ್ಜಿನಿಟಿ ಬಗ್ಗೆ ಡಬಲ್​ ಸ್ಟ್ಯಾಂಡರ್ಡ್ ಭಾವ ಇದೆ. ಕನ್ಯತ್ವ ಕಳೆದುಕೊಂಡರೆ ಯುವತಿಯರನ್ನು ಕಳಂಕಿತರೆಂಬ ದೃಷ್ಟಿಯಲ್ಲಿ ನೋಡಲಾಗುತ್ತಿದೆ. ಖುಷಿಯ ವಿಚಾರ ಏನೆಂದರೆ ಈಗ ಕಾಲಮಾನ ಬದಲಾಗುತ್ತಿದೆ. ಯುವಕರ ಮನಸ್ಥಿತಿಯೂ ಬದಲಾಗಿದೆ. ತಾನು ಹೆಂಡತಿಯಾಗುವವಳು ಕನ್ಯೆಯಾಗಿಯೇ ಇರಬೇಕೆಂದು ಯಾರೂ ಡಿಮಾಂಡ್​ ಮಾಡುತ್ತಿಲ್ಲ. ಅದೇ ರೀತಿ ಕನ್ಯತ್ವ ಕಳೆದುಕೊಂಡ ಹುಡುಗಿಯನ್ನು ಸಮಾಜ ಮತ್ತು ಕುಟುಂಬ ನೋಡುವ ದೃಷ್ಟಿಕೋನವೂ ಬದಲಾಗಬೇಕು. ಎಲ್ಲಕ್ಕಿಂತ ಹೆಚ್ಚಾಗಿ ಕನ್ಯತ್ವ ಕಳೆದುಕೊಳ್ಳುವುದು, ಕಾಪಾಡಿಕೊಳ್ಳುವುದು ಆಯ್ಕೆಯೇ ಹೊರತು ಒತ್ತಡ ಅಲ್ಲ!' ಎಂಬ ಅಭಿಪ್ರಾಯವನ್ನು ಹೇಳಿಕೊಂಡಿದ್ದರು.(ಏಜೆನ್ಸೀಸ್​)

https://www.vijayavani.net/i-am-alright-and-safe-says-actor-jayashree-ramayya/