ಸೇಂಟ್ ಜೋಸೆಫ್ ಇಂಡಿಯನ್ ಹೈಸ್ಕೂಲ್ ಮೈದಾನದಿಂದ ಬೆಳಗ್ಗೆ 6 ಗಂಟೆಗೆ ಆರಂಭವಾದ ಬೆಂಗಳೂರು ಓಟಕ್ಕೆ ಕನ್ನಡ ಕಿರುತೆರೆ ಮತ್ತು ಚಲನಚಿತ್ರ ನಟಿ ಶ್ವೇತಾ ಆರ್.ಪ್ರಸಾದ್ ಚಾಲನೆ ನೀಡಿದರು. ಇನ್ನು ಕಾರ್ಯಕ್ರಮದಲ್ಲಿ 3,000ಕ್ಕೂ ಹೆಚ್ಚು ಮಂದಿ ಭಾಗವಹಿಸಿದರು. ಬೆಂಗಳೂರಿನಲ್ಲಿ ಪ್ರಾರಂಭವಾದ ಈ ಅಭಿಯಾನ ಭಾರತದಾದ್ಯಂತ ನಡೆಯುವ ಜಾಗೃತಿ ಮೂಡಿಸುವ ಕಾರ್ಯಕ್ರಮವಾಗಿ ಬೆಳೆದಿದೆ. ಈ ವರ್ಷ "ಫಾರ್ ರೇರ್, ಎವ್ರಿವೇರ್" ಥೀಮ್ ನಲ್ಲಿ ನಡೆದ ಕಾರ್ಯಕ್ರಮವು ಭಾರತದಾದ್ಯಂತ 21 ನಗರಗಳಲ್ಲಿ ಬೆಂಗಳೂರು, ನವದೆಹಲಿ, ಮುಂಬೈ, ಹೈದರಾಬಾದ್, ಚೆನ್ನೈ, ಕೋಲ್ಕತಾ, ಅಹಮದಾಬಾದ್, ಚಂಡೀಗಢ, ಜೈಪುರ, ತಿರುವನಂತಪುರಂ, ಕೊಚ್ಚಿ, ಪುಣೆ, ಮೈಸೂರು ಮಂಗಳೂರು, ಅಲ್ವಾರ್, ವೃಂದಾವನ, ಪಾಲಿ, ಜಮ್ಮು, ಅಸನ್ಸೋಲ್, ಭಟಿಂಡಾ ಮತ್ತು ತ್ರಿಶೂರ್ ನಲ್ಲಿ ಒಂದೇ ದಿನ ಮತ್ತು ಒಂದೇ ಸಮಯದಲ್ಲಿ ನಡೆಯಿತು.
