ಮುಂಬೈ: ಬಾಲಿವುಡ್ ನಟಿ ಶ್ರದ್ಧಾ ಕಪೂರ್ ಇದೀಗ ನಾಗಿಣಿಯ ಅವತಾರದಲ್ಲಿ ಎದುರಾಗಲು ಸಜ್ಜಾಗುತ್ತಿದ್ದಾರೆ. ಅಂದರೆ, ಈಗಾಗಲೇ ಬಾಲಿವುಡ್ನಲ್ಲಿ ಮೂಡಿಬಂದ ನಾಗಿಣಿ ಚಿತ್ರಗಳನ್ನೇ ಹೋಲುವ ರೀತಿಯ ಮತ್ತೊಂದು ಸಿನಿಮಾ ತಯಾರಿ ಹಂತದಲ್ಲಿದೆ. ಆ ಚಿತ್ರದಲ್ಲೀಗ ನಟಿ ಶ್ರದ್ಧಾ ಕಪೂರ್ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.
ಇದನ್ನೂ ಓದಿ: ದೊಡ್ಮನೆ ಹುಡುಗನ ದೊಡ್ಮನ್ಸು; ಗಂಗಾವತಿಯ ಸರ್ಕಾರಿ ಶಾಲೆಗೆ ನೆರವು
ನಿಖಿಲ್ ದ್ವಿವೇದಿ ಈ ನಾಗಿಣಿಯ ಹೊಸ ಅವತಾರವನ್ನು ತೆರೆಮೇಲೆ ತರಲು ಸಿದ್ಧತೆ ಮಾಡಿಕೊಳ್ಳುತ್ತಿದ್ದು, ಒಟ್ಟು ಮೂರು ಭಾಗಗಳಲ್ಲಿ ಸಿನಿಮಾ ನಿರ್ಮಾಣವಾಗಲಿದೆಯಂತೆ. ಈ ಹಿಂದೆ ಶ್ರೀದೇವಿ, ರೇಖಾ, ರೀನಾ ರಾಯ್ ನಾಗಿಣಿಯಾಗಿ ಮಿಂಚಿದ್ದರು. ಈಗ ಅದೇ ಪೋಷಾಕನ್ನು ಶ್ರದ್ಧಾ ತೊಡಲಿದ್ದಾರೆ.
ಇದನ್ನೂ ಓದಿ: ಮತ್ತೊಮ್ಮೆ ರಾಣಿಯಾಗಿ ಸುಮಲತಾ
ಮರಾಠಿಯ ಲಾಪ್ಚಪ್ಪಿ ಸಿನಿಮಾ ನಿರ್ದೇಶನ ಮಾಡಿದ್ದ ವಿಶಾಲ್ ಫುರಿಯಾ ನಾಗಿಣಿ ಚಿತ್ರದ ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದು, ಇನ್ನೇನು ಶೀಘ್ರದಲ್ಲಿ ಸಿನಿಮಾ ಸೆಟ್ಟೇರಲಿದೆ. ಚಿತ್ರದಲ್ಲಿನ ಬಹುಪಾಲು ಗ್ರಾಫಿಕ್ಸ್ ತಂತ್ರಗಾರಿಕೆ ಇರಲಿದ್ದು, ಪ್ರಸ್ತುತ ಕಾಲಘಟ್ಟಕ್ಕೆ ತಕ್ಕಂತೆ ಸಿನಿಮಾ ತೆರೆಮೇಲೆ ಬರಲಿದೆಯಂತೆ. (ಏಜೆನ್ಸೀಸ್)