‘ಆ ಘಟನೆ ನಡೆದ ಮೂರು ತಿಂಗಳು ಸಾಕಷ್ಟು ನೋವು ಅನುಭವಿಸಿದ್ದೇನೆ. ಮುಖಕ್ಕೆ ತೀವ್ರ ಪೆಟ್ಟಾಗಿತ್ತು. ಕೈಗಳಿಗೆ ಫ್ರ್ಯಾಕ್ಚರ್ ಆಗಿತ್ತು. ಮಾನಸಿಕವಾಗಿ ಕುಗ್ಗಿಹೋಗಿದ್ದೆ. ಜೀವನದಲ್ಲಿ ಈ ತರಹದ ಅನುಭವಗಳು ಸಹಜವಾದರೂ, ಒಂದಷ್ಟು ಅನುಭವಗಳು ಜೀವನದುದ್ದಕ್ಕೂ ಮಾಸುವುದಿಲ್ಲ. ಆವತ್ತಿನ ನೋವು ಸಹ ಹಾಗೇ ಇದೆ. ಮುಂದೆಯೂ ಇರುತ್ತದೆ. ಅದರ ಜತೆಯಲ್ಲಿಯೇ ಸಿನಿಮಾ ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದೇನೆ’ ಎನ್ನುತ್ತಾರವರು. ‘ಹಲವು ತಿಂಗಳುಗಳ ಬಳಿಕ ಮತ್ತೆ ಸಿನಿಮಾ ಕೆಲಸಗಳು ಆರಂಭವಾಗಿವೆ. ಮತ್ತೆ ಕ್ಯಾಮರಾ ಎದುರಿಸುತ್ತಿದ್ದೇನೆ. ಇಷ್ಟು ದಿನ ನಟಿಯಾಗಿ ಅಥವಾ ನಿರ್ವಪಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದೆ. ಇದೀಗ ‘ದಸರಾ’ ಚಿತ್ರದಲ್ಲಿ ಈ ಎರಡೂ ಜವಾಬ್ದಾರಿಗಳನ್ನು ನಿಭಾಯಿಸುತ್ತಿದ್ದೇನೆ. ಕೆಲಸದಲ್ಲಿ ಬಿಜಿಯಾಗಿದ್ದಕ್ಕೆ ಹಳೆಯ ಘಟನೆಗಳನ್ನು ಮರೆಯುವಂತಾಗಿದೆ’ ಎನ್ನುವ ಶರ್ವಿುಳಾ, ಸತೀಶ್ ನೀನಾಸಂ ಜತೆಗೆ ನಟಿಸುತ್ತಿರುವ ‘ದಸರಾ’ ಚಿತ್ರದ ಬಗ್ಗೆಯೂ ಮಾಹಿತಿ ನೀಡಿದರು.
