ಹಿರಿಯ ನಟನ ಜೊತೆಗೆ 'ನಮಿತಾ ಡೇಟಿಂಗ್'? ನಟಿಯ 2ನೇ ಪತಿ ಕೊಟ್ಟ ಸ್ಪಷ್ಟನೇ ಏನು?

ಇತ್ತೀಚೆಗೆ, ನಟಿ ನಮಿತಾ ಅವರು ಅಷ್ಟಾಗಿ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುತ್ತಿಲ್ಲ. ಆದರೆ, ನಮಿತಾ ಹೆಸರು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ಸೌಂಡು ಮಾಡುತ್ತಿದೆ. ಅದು ಯಾವುದೋ ಸಿನಿಮಾ ಅಥವಾ ಪಾತ್ರಗಳಿಗೆ ಅಲ್ಲ. ಬದಲಿಗೆ ಒಂದು ವೈಯಕ್ತಿಕ ಜೀವನದ ವಿಚಾರಕ್ಕೆ ಸುದ್ದಿಯಲ್ಲಿದ್ದಾರೆ. ನಟಿ ನಮಿತಾ ಈಗ ಹಿರಿಯ ನಟನೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನುವ ಹಲವು ಸುದ್ದಿಗಳು ಸೋಶಿಯಲ್ ಮೀಡಿಯಾಗಳಲ್ಲಿ ಹರಿದಾಡುತ್ತಿವೆ. ಇದೇ, ವಿಚಾರವಾಗಿ ನಮಿತಾ ಅವರ ಎರಡನೇ ಪತಿ ಗರಂ ಆಗಿದ್ದಾರೆ ಎನ್ನುವ ಸುದ್ದಿಗಳು ಕೇಳಿಬಂದಿವೆ.

ಇನ್ನು, ಈ ಸುದ್ದಿ ಇಂದಿನದ್ದು ಅಲ್ಲ. 2017ರಿಂದಲೇ ಹೀಗೊಂದು ಸುದ್ದಿ ಹರಿದಾಡುತ್ತಿದೆ. ಆದರೆ, ಸದ್ಯ ಈ ಸುದ್ದಿ ವೈರಲ್ ಆಗ ತೊಡಗಿದೆ. ''ನಟಿ ನಮಿತಾ ಅವರು ಹಿರಿಯ ಪೋಷಕ ನಟ ಶರತ್ ಬಾಬು ಜೊತೆಗೆ ಡೇಟಿಂಗ್ ಮಾಡುತ್ತಿದ್ದಾರೆ. ಮದುವೆ ಬಳಿಕವೂ ನಮಿತಾ ಹಿರಿಯ ನಟನೊಂದಿಗೆ ಸಂಬಂಧ ಹೊಂದಿದ್ದಾರೆ'', ಎನ್ನಲಾಗಿದೆ. ಇಂತದ್ದೊಂದು ಸುದ್ದಿ ಕೇವಲ ಡೇಟಿಂಗ್ ವಿಚಾರಕ್ಕೆ ಮುಕ್ತಾಯ ಆಗಿಲ್ಲ. ಬದಲಿಗೆ, ಶರತ್ ಬಾಬು ಅವರನ್ನು ನಮಿತಾ ಅವರು ಮದುವೆಯಾಗುತ್ತಾರೆಂದು ಸಹ ಹೇಳಲಾಗುತ್ತಿತು.

ಆದರೆ, ಈಗ ಇಂತಹ ಸುದ್ದಿಗಳಿಗೆ ನಮಿತಾ ಮತ್ತು ಅವರ 2ನೇ ಪತಿ ವೀರೇಂದ್ರ ಚೌಧರಿ ತೆರೆ ಎಳೆದಿದ್ದಾರೆ. ನಟಿ ನಮಿತಾ ಪತಿ ವೀರೇಂದ್ರ ಚೌದರಿ ಈ ವಿಚಾರವಾಗಿ ಮಾಧ್ಯಮಗಳ ಜತೆ ಮಾತನಾಡಿದ್ದು, "ಮದುವೆ ಬಳಿಕ ನಮಿತಾ ನನ್ನ ಜೊತೆಗೆ ಇದ್ದಾರೆ. ಅವರು ಈ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಂಡಿಲ್ಲ. ಈ ಗಾಳಿ ಸುದ್ದಿಗಳು ಎಲ್ಲಿಂದ ಆರಂಭವಾದವು ಎನ್ನುವ ಬಗ್ಗೆಯೂ ನಮಗೆ ಗೊತ್ತಿಲ್ಲ. ನಮಗೆ ಶರತ್ ಬಾಬು ಯಾರು ಅಂತ ಗೊತ್ತಿಲ್ಲ. ಅವರು ಒಬ್ಬ ಹಿರಿಯ ನಟನಾಗಿದ್ದು, ಇದರಿಂದ ಅವರಿಗೂ ತೊಂದರೆ ಆಗಿರುತ್ತದೆ. ಇದು ಪಕ್ಕಾ ತಪ್ಪು ಮಾಹಿತಿ" ಎಂದು ಹೇಳಿದ್ದಾರೆ.

ಜತೆಗೆ, ಈ ಬಗ್ಗೆ ನಟಿ ನಮಿತಾ ಕೂಡ, "ನನಗೆ ಶರತ್ ಬಾಬು ಯಾರು ಅಂತಲೇ ಗೊತ್ತಿಲ್ಲ. ಈ ಸುದ್ದಿ ಮಾಧ್ಯಮಗಳಲ್ಲಿ ಹೇಗೆ ಬಿತ್ತರವಾಯಿತು ಎನ್ನುವ ಬಗ್ಗೆಯೂ ಗೊತ್ತಿಲ್ಲ. ಇದೊಂದು ಸಂಪೂರ್ಣ ಸುಳ್ಳುಸುದ್ದಿ. ನನಗಿಂತ ವಯಸ್ಸಿನಲ್ಲಿ ದುಪ್ಪಟ್ಟು ದೊಡ್ಡವರಾದ ವ್ಯಕ್ತಿಯನ್ನು ನಾನು ಹೇಗೆ ಮದುವೆ ಆಗುತ್ತೀನಿ?", ಎಂದು ಹೇಳಿದ್ದಾರೆ. ಹೀಗಾಗಿ ನಮಿತಾ, ಪತಿ ವಿರೇಂದ್ರ ಚೌಧರಿ ಇದು ಸುಳ್ಳು ಸುದ್ದಿ ಎಂದಿದ್ದಾರೆ. ಈ ಬಗ್ಗೆ ನಮಿತಾ ಈ ಹಿಂದೆಯೇ ಮಾತನಾಡಿದ್ದಾರೆ. ಆದರೂ ಕೂಡ ಈ ಸುದ್ದಿ ಮತ್ತೆ ಮತ್ತೆ ಮುನ್ನೆಲೆಗೆ ಬರುತ್ತಿದೆ. 

https://www.vijayavani.net/badava-rascal-to-release-in-telugu-and-tamil-which-in-turn-shows-the-success-rate-of-daali-dhananjay/

https://www.vijayavani.net/naagin-beauty-mouni-roy-finally-ties-knot-at-goa-with-dubai-based-businessman-suraj-nambiar-at-goa-and-photos-of-wedding-go-viral-on-internet/