ನವದೆಹಲಿ: ನಟಿ ಶಿನೋವಾ ಬಿಜೆಪಿ ನಾಯಕರೊಬ್ಬರು ನನ್ನ ತಂದೆ, ಬೇಕಿದ್ರೆ ಡಿಎನ್ಎ ಮೂಲಕ ಸಾಬೀತು ಪಡಿಸುವೆ ಎಂದು ಹೇಳಿದ್ದಾರೆ.
ಕೆಲ ದಿನಗಳ ಹಿಂದಷ್ಟೇ ನಟಿ ಶಿನೋವಾ ಹಾಗೂ ತಾಯಿ ಅಪರ್ಣಾ ಬಿಜೆಪಿ ನಾಯಕ ರವಿ ಕಿಶನ್ ತಮ್ಮನ್ನು ತಿರಸ್ಕರಿಸುತ್ತಿದ್ದಾರೆ ಎಂದು ದೂರಿದ್ದರು. ಇದೀಗ ಮತ್ತೊಮ್ಮೆ ನಟಿ ಶಿನೋವಾ ಭೋಜ್ಪುರಿ ನಟ, ರಾಜಕಾರಣಿ ರವಿ ಕಿಶನ್ ತನ್ನ ತಂದೆ ಎಂದು ಹೇಳುವ ಮೂಲಕ ಎಲ್ಲರನ್ನು ಅಚ್ಚರಿಗೆ ದೂಡುವಂತೆ ಮಾಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ವಿಚಾರವಾಗಿ ವಿಡಿಯೋ ಹಂಚಿಕೊಂಡಿರುವ ಶಿನೋವಾ, ರವಿ ಕಿಶನ್ ಜತೆಗೆ ಪೋಸ್ ನೀಡುತ್ತಿರುವ ಫೋಟೋವನ್ನು ಕೂಡ ಹಂಚಿಕೊಂಡಿದ್ದಾರೆ.
ಶಿನೋವಾ ತಾಯಿಯೇ ಅರ್ಪಣಾ ಠಾಕೂರ್. ಕಳೆದ ಕೆಲವು ದಿನಗಳ ಹಿಂದೆ ಅರ್ಪಣಾ ಠಾಕೂರ್ ನಟ ರವಿ ಕಿಶನ್ ವಿರುದ್ಧ ಆರೋಪ ಮಾಡಿದ್ದರು. ತಾನು ರವಿ ಕಿಶನ್ ಪತ್ನಿ, ಶಿನೋವಾ ಆತನ ಮಗಳು ಎಂದು ಹೇಳಿದ್ದರು. ಬಳಿಕ ರವಿ ಈಗ ಇದನ್ನು ನಿರಾಕರಿಸುತ್ತಿದ್ದಾನೆ ಎಂದು ಆರೋಪಿಸಿದ್ದರು. ಅರ್ಪಣಾ ಠಾಕೂರ್ ಈ ವಿಚಾರ ಬಹಿರಂಗ ಪಡಿಸಿದ್ದೇ ತಡ, ರವಿ ಕಿಶನ್ ಪತ್ನಿ ಪ್ರೀತಿ ಶುಕ್ಲಾ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಆಕೆಯ ವಿರುದ್ಧ ದೂರು ಸಲ್ಲಿಸಿದ್ದಾರೆ.
ನಟಿ ಶಿನೋವಾ ಮಾತ್ರ ಸುಮ್ಮನಿರದೆ ಈ ವಿಚಾರವಾಗಿ ಕೋರ್ಟ್ ಮೆಟ್ಟಿಲೇರಿದ್ದಾರೆ. ಬಾಂಬೆ ಹೈಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ದಾರೆ. ಡಿಎನ್ಎ ಟೆಸ್ಟ್ ಮಾಡುವಂತೆ ಕೋರಿದ್ದಾರೆ. ಜತೆಗೆ ತಾಯಿ ಅರ್ಪಣಾ ವಿರುದ್ಧ ದಾಖಲಾಗಿರುವ ಎಫ್ಐಆರ್ ರದ್ದುಗೊಳಿಸುವಂತೆ ಕೇಳಿಕೊಂಡಿದ್ದಾರೆ.
ರವಿ ಕಿಶನ್ ಮಾತ್ರ ಅರ್ಪಾಣ ಮತ್ತು ಶಿನೋವಾ ಮಾಡಿರು ಆರೋಪ ಸುಳ್ಳು, ನನ್ನಿಂದ ಹಣ ಪಡೆಯಲು ಈ ರೀತಿಯ ಸುಳ್ಳು ಆರೋಪ ಮಾಡುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.
ರಾಯಚೂರಿನ ಹನುಮನ ಗುಡಿಯಲ್ಲಿ ಸುದೀಪ್ ದಂಪತಿಯಿಂದ ಹೋಮ,ಹವನ ವಿಶೇಷ ಪೂಜೆ