ಹನಿಮೂನ್​ಗೆ ಮಗಳನ್ನೂ ಜೊತೆಗೆ ಕರೆದುಕೊಂಡು ಹೋದ ಬಾಲಿವುಡ್ ನಟಿ ದಿಯಾ ಮಿರ್ಜಾ!

ಬೆಂಗಳೂರು: ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿವಾಗಿರುವುದಲ್ಲದೇ ಸಾಮಾಜಿಕ ಹೋರಾಟಗಳಲ್ಲೂ ತಮ್ಮನ್ನು ತೊಡಗಿಸಿಕೊಂಡಿರುವ ನಟಿ ಎಂದರೆ ಅದು ಬಾಲಿವುಡ್​ನ ದಿಯಾ ಮಿರ್ಜಾ. ದಿಯಾ ಮಿರ್ಜಾ ಇತ್ತೀಚೆಗೆ ಹೆಚ್ಚು ಸುದ್ದಿಯಲ್ಲಿದ್ದಾರೆ.

ಅವರು ಕಳೆದ ತಿಂಗಳು ಉದ್ಯಮಿ ವೈಭವ್ ರೆಖಿ ಅವರೊಂದಿಗೆ ಎರಡನೇ ವಿವಾಹವಾದರು. ಈ ಹೈದರಾಬಾದ್ ಮೂಲದ ಚೆಲುವೆ ದಿಯಾ ಮಿರ್ಜಾ ಈಗ ಹನಿಮೂನ್​ ಮೂಡ್​ನಲ್ಲಿದ್ದಾರೆ. ಅವರು ಹನಿಮೂನ್​​ಗಾಗಿ ಮಾಲ್ಡಿವ್ಸ್​ಗೆ ತೆರಳಿದ್ದಾರೆ.

ಇದನ್ನೂ ಓದಿ: ಅತ್ತೆ-ಸೊಸೆಯಂತೆ ಲೋಕಅದಾಲತ್​ಗೆ ಬಂದವರು ಅಮ್ಮ-ಮಗಳಂತೆ ಹಾರ ಬದಲಾಯಿಸಿಕೊಂಡ್ರು!

ಹೌದು ದಿಯಾ ಬರೀ ಹನಿಮೂನ್​ ಗೆ ಹೋಗಿದ್ದರೆ ಸುದ್ದಿಯಾಗುತ್ತಿರಲಿಲ್ಲವೇನೋ. ಆದರೆ, ಅವರು ತಮ್ಮ ಮಲ ಮಗಳು ಸಮಿರಾಳನ್ನೂ ತಮ್ಮೊಟ್ಟಿಗೆ ಕರೆದುಕೊಂಡು ಹೋಗಿದ್ದಾರೆ. ವೈಭವ್ ರೇಖಿ ಅವರ ಮೊದಲ ಹೆಂಡತಿ ಸುನೈನಾ ಅವರಿಗೆ ಒಬ್ಬಳು ಮಗಳಿದ್ದಾಳೆ, ಅವಳೇ ಸಮಿರಾ. ಈ ಸಮಿರಾಳನ್ನು ಮಾಲ್ಡಿವ್ಸ್​ಗೆ ದಿಯಾ ಮಿರ್ಜಾ ಕರೆದೋಯ್ದಿದ್ದಾರೆ. ವಿಶೇಷವೆಂದರೆ ಸುನೈನಾ, ಕಳೆದ ತಿಂಗಳು ನಡೆದಿದ್ದ ದಿಯಾ ಹಾಗೂ ರೇಖಿ ಮದುವೆಯಲ್ಲಿ ಪಾಲ್ಗೊಂಡು ಶುಭಾಶಯ ಹೇಳಿದ್ದರು.

ಹನಿಮೂನ್​​ನಲ್ಲಿರು ದಿಯಾ ಮಿರ್ಜಾ ವಿಭಿನ್ನ ಫೋಟೊಗಳನ್ನು ಹಂಚಿಕೊಂಡು ಇಂಟರ್​ನೆಟ್​ನಲ್ಲಿ ಗಮನ ಸೆಳೆದಿದ್ದಾರೆ. ಅದರಲ್ಲೂ ಮಗಳು ಸಮಿರಾಳೊಟ್ಟಿಗೆ ಇರುವ ಫೋಟೊ ವೈರಲ್ ಆಗಿದೆ. ನನಗೆ ಬಾಂಬೆನಲ್ಲಿ ಕುಟುಂಬ ಇಲ್ಲ, ಮಗಳು ಸಮಿರಾ ನಮ್ಮನ್ನು ಸೇರಿಕೊಂಡಿದ್ದರಿಂದ ಆ ಕೊರತೆ ನನಗೆ ಕಾಡುತ್ತಿಲ್ಲ ಎಂದು ಅವರು ಇನ್ಸ್ಟಾಗ್ರಾಮ್​ನಲ್ಲಿ ಬರೆದುಕೊಂಡಿದ್ದಾರೆ.

https://www.vijayavani.net/snake-inside-washing-machine/

https://www.vijayavani.net/before-women-hips-were-like-number-8-now-they-have-become-like-barrel-after-drinking-foreign-cows-milk-dmk-leader-dindigul-leoni/