ಮುಂಬೈ: ವಿಧು ವಿನೋದ್ ಚೋಪ್ರಾ ನಿರ್ದೇಶನದ ವಿಕ್ರಾಂತ್ ಮ್ಯಾಸ್ಸೆ, ಮೇಧಾ ಶಂಕರ್ ನಟನೆಯ ನಿಜ ಜೀವನ ಆಧಾರಿತ 12ತಹ ಫೇಲ್ ಚಿತ್ರವು ಪ್ರೇಕ್ಷಕರು, ವಿಮರ್ಶಕರು ಹಾಗೂ ಸೆಲೆಬ್ರಿಟಿಗಳಿಂದ ಉತ್ತಮ ರೆಸ್ಪಾನ್ಸ್ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಚಿತ್ರದ ಯಶಸ್ಸಿನ ನಡುವೆಯೇ ನಾಯಕ ನಟ ವಿಕ್ರಾಂತ್ ಮ್ಯಾಸ್ಸೆ ನಿವೃತ್ತಿಯ ಮಾತುಗಳನ್ನು ಆಡಿದ್ದು ಸಾಮಾಜಿಕ ಜಾಲತಾಣದಲ್ಲಿ ಈ ವಿಚಾರ ವೈರಲ್ ಆಗಿದೆ.
ಬಾಲಿವುಡ್ ನಟರಾದ ಹೃತಿಕ್ ರೋಷನ್, ಜಾಹ್ನವಿ ಕಪೂರ್, ಕಂಗನಾ ರಣಾವತ್ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಚಿತ್ರವನ್ನು ಹಾಡಿ ಹೊಗಳಿದ್ದರು. ಇತ್ತೀಚಿಗೆ ಸಿನಿಮಾ ವೀಕ್ಷಿಸಿದ ನಟಿ ಕರೀನಾ ಕಪೂರ್ ಚಿತ್ರದ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು ಆಡಿದ್ದರು ಮತ್ತು ಈ ಬಗ್ಗೆ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದರು. ಇದರ ಬೆನ್ನಲ್ಲೇ ನಾಯಕ ನಟ ವಿಕ್ರಾಂತ್ ಮ್ಯಾಸ್ಸೆ ನಿವೃತ್ತಿ ಪಡೆಯುವ ಬಗ್ಗೆ ಪ್ರಸ್ತಾಪಿಸಿದ್ದಾರೆ.
12th ಫೇಲ್ ಸಿನಿಮಾದ ನಿರ್ದೇಶಕ ವಿಧು ವಿನೋದ್ ಚೋಪ್ರಾ, ನಟರಾದ ವಿಕ್ರಾಂತ್ ಮಾಸ್ಸಿ, ಮೇಧಾ ಶಂಕರ್, ಅಂಶುಮಾನ್ ಪುಷ್ಕರ್, ಅನಂತ್ ವಿ. ಜೋಶಿ ಮತ್ತು ಇಡೀ ಪಾತ್ರವರ್ಗದವರು ಲೆಜೆಂಡ್ಗಳು ಎಂದು ಕರೀನಾ ಕಪೂರ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ನಾಯಕ ನಾಟ ವಿಕ್ರಾಂತ್ ಮ್ಯಾಸ್ಸೆ ನಾನು ಈಗ ನಿವೃತ್ತಿ ಪಡೆಯಬಹುದು. ಧನ್ಯವಾದಗಳು ಮೇಡಂ ಹೇಳಿದ್ದರು.
ಒಂದಷ್ಟು ದಿನಗಳ ಹಿಂದೆ ಕರೀನಾ ಕಪೂರ್ ಖಾನ್ ಮತ್ತು ವಿಕ್ರಾಂತ್ ಮಾಸ್ಸಿ ಅವರು ಜೊತೆಯಾಗಿ ಒಂದು ಸಂದರ್ಶನದಲ್ಲಿ ಭಾಗಿ ಆಗಿದ್ದರು. ಆಗ ಕರೀನಾ ಕಪೂರ್ ಬಗ್ಗೆ ತಮಗೆ ಇರುವ ಅಭಿಮಾನ ಎಂಥದ್ದು ಎಂಬುದನ್ನು ವಿಕ್ರಾಂತ್ ಮಾಸ್ಸಿ ವಿವರಿಸಿದ್ದರು. ಈಗ ತಮ್ಮ ಇಷ್ಟದ ನಟಿಯಿಂದಲೇ ಮೆಚ್ಚುಗೆ ಸಿಕ್ಕಿರುವುದಕ್ಕೆ ವಿಕ್ರಾಂತ್ ಸಂತಸ ವ್ಯಕ್ತಪಡಿಸಿದ್ದಾರೆ.