ಪ್ರೇಮಿಗಳ ದಿನಕ್ಕೆ ಸೂರ್ಯ ಅಭಿನಯದ ಬ್ಲಾಕ್​ಬಸ್ಟರ್​ ಚಿತ್ರ ಮತ್ತೆ ತೆರೆಗೆ! ರೀ-ರಿಲೀಸ್​ಗೆ ಫ್ಯಾನ್ಸ್ ಸಂತಸ | Actor Suriya

Actor Suriya: ಕಾಲಿವುಡ್ ಸ್ಟಾರ್ ನಟ ಸೂರ್ಯ ಅಭಿನಯಿಸಿದ ಸೂಪರ್ ಡೂಪರ್ ಹಿಟ್ ಚಿತ್ರವೊಂದು ಇದೀಗ ಮತ್ತೆ ಚಿತ್ರಮಂದಿಗಳತ್ತ ಮುಖ ಮಾಡಿರುವುದು ಅವರ ಅಭಿಮಾನಿಗಳಲ್ಲಿ ಭಾರೀ ಸಂತಸ ತಂದಿದೆ.

ಇದನ್ನೂ ಓದಿ: ನೀವಿಬ್ಬರು ಮೊದಲು ಈ ಇಬ್ಬರು ದಿಗ್ಗಜರೊಂದಿಗೆ ಮಾತನಾಡಿ! ವಿರಾಟ್​, ರೋಹಿತ್​ಗೆ ಕಪಿಲ್​ ಕಿವಿಮಾತು | Kapil Dev

ಸಿಮ್ರಾನ್, ಸಮೀರಾ ರೆಡ್ಡಿ ಮತ್ತು ರಮ್ಯಾ ಜತೆ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡ ಸೂರ್ಯ ನಟಿಸಿದ 'ಸೂರ್ಯ ಸನ್ ಆಫ್ ಕೃಷ್ಣನ್' ಚಿತ್ರವು ಫೆ.14 ಪ್ರೇಮಿಗಳ ದಿನದಂದೇ ರೀ-ರಿಲೀಸ್ ಆಗುತ್ತಿರುವುದು ಫ್ಯಾನ್ಸ್​ಗಳಲ್ಲಿ ಖುಷಿ ತಂದಿದೆ. ಗೌತಮ್ ವಾಸುದೇವ್ ಮೆನನ್ ನಿರ್ದೇಶನದ ಈ ಚಿತ್ರವನ್ನು ತಮಿಳಿನಲ್ಲಿ 'ವಾರಣಮ್ ಐಯಾರಂ' ಎಂದು ಬಿಡುಗಡೆ ಮಾಡಲಾಯಿತು. ಈ ಚಿತ್ರವನ್ನು 'ಸೂರ್ಯ ಸನ್ ಆಫ್ ಕೃಷ್ಣನ್' ಎಂದು ಡಬ್ ಮಾಡಿ ತೆಲುಗಿನಲ್ಲಿ ಬಿಡುಗಡೆಗೊಳಿಸಲಾಯಿತು.

ನವೆಂಬರ್ 14, 2008ರಂದು ಬಿಡುಗಡೆಯಾದ ಈ ಚಿತ್ರವು ತಮಿಳಿಗಿಂತ ತೆಲುಗಿನಲ್ಲಿ ಹೆಚ್ಚಿನ ಯಶಸ್ಸನ್ನು ಕಂಡಿತು. ಅದಾದ ಬಳಿಕ ಒಂದು ಬಾರಿ ಮರುಬಿಡುಗಡೆ ಆಗಿತ್ತು. ಇದೀಗ ಪ್ರೇಮಿಗಳ ದಿನದಂದು ಮತ್ತೊಮ್ಮೆ ತೆಲುಗಿನಲ್ಲಿ ರೀ-ರಿಲೀಸ್ ಮಾಡುತ್ತಿರುವುದು ಫ್ಯಾನ್ಸ್​ಗಳಿಗೆ ಖುಷಿ ನೀಡಿದೆ. ಈ ಸಂದರ್ಭದಲ್ಲಿ ಮಾತನಾಡಿದ ಸಿಎಲ್‌ಎನ್ ಮೀಡಿಯಾ ಪ್ರೊಡಕ್ಷನ್ ಹೌಸ್ ಮುಖ್ಯಸ್ಥ, "ಸೂರ್ಯ ಅವರ 'ಸೂರ್ಯ ಸನ್ ಆಫ್ ಕೃಷ್ಣನ್' ಚಿತ್ರವನ್ನು ಪ್ರೇಮಿಗಳ ದಿನದಂದು ಮರು ಬಿಡುಗಡೆ ಮಾಡಲು ನಾವು ನಿರ್ಧರಿಸಿದ್ದೇವೆ. ಈ ಚಿತ್ರದಲ್ಲಿ ಸೂರ್ಯ ತಮ್ಮ ಅತ್ಯುತ್ತಮ ಅಭಿನಯದಿಂದ ಎಲ್ಲರ ಗಮನಸೆಳೆದಿದ್ದರು" ಎಂದರು.

ಇದನ್ನೂ ಓದಿ: Haveri | ಹಾವೇರಿ ಬಸ್ ನಿಲ್ದಾಣ, ಬ್ಯಾಡಗಿ APMCಯಲ್ಲಿ ತೂಕದಲ್ಲಿ ಮೋಸ, ಹೆಚ್ಚುವರಿ ಶುಲ್ಕ ವಸೂಲಿ ಮೂಲಕ ಹಗಲು ದರೋಡೆ

"ಫೆ.14ರಂದು ಎರಡು ತೆಲುಗು ರಾಜ್ಯಗಳ ಚಿತ್ರಮಂದಿರಗಳಲ್ಲಿಯೂ ಸಿನಿಮಾ ಬಿಡುಗಡೆಯಾಗಲಿದೆ. ಈ ಎರಡು ರಾಜ್ಯಗಳ ಜತೆಗೆ, ನಾವು ತೆಲುಗು ಆವೃತ್ತಿಯನ್ನು ಕರ್ನಾಟಕ ಮತ್ತು ವಿದೇಶಗಳಲ್ಲಿಯೂ ರೀ-ರಿಲೀಸ್ ಮಾಡಲು ನಿರ್ಧರಿಸಿದ್ದೇವೆ. ಇಂತಹ ಸೂಪರ್ ಡೂಪರ್ ಹಿಟ್​ ಚಿತ್ರವನ್ನು ಬಿಡುಗಡೆ ಮಾಡುವುದು ನಮ್ಮ ಸಂಸ್ಥೆಗೆ ಹೆಮ್ಮೆಯ ವಿಷಯ" ಎಂದು ಹೇಳಿದರು,(ಏಜೆನ್ಸೀಸ್).

https://www.vijayavani.net/1934-old-bicycle-bill-gets-viral