ಬೆಂಗಳೂರು: ಫಿಟ್ನೆಸ್ ವಿಚಾರವಾಗಿ ಸೈಕಲ್ ರೈಡಿಂಗ್, ಕ್ಲೈಂಬಿಂಗ್, ನನ್ಚೆಕ್ ಸೇರಿ ಹಲವು ಜೀವ ರಕ್ಷಕ ಕಲೆಗಳಲ್ಲಿಯೂ ಸಕ್ರಿಯರಾಗಿದ್ದಾರೆ ನಟ ದೂದ್ ಪೇಡಾ ದಿಗಂತ್ ಮತ್ತು ಐಂದ್ರಿತಾ. ಇತ್ತೀಚೆಗಷ್ಟೇ ತಮ್ಮ ಕುಟುಂಬದವರ ಜತೆಗೆ ಕೊಡಗಿನ ರಿಸಾರ್ಟ್ಗೆ ಹೋಗಿ ಒಳ್ಳೆಯ ಸಮಯ ಕಳೆದಿದ್ದ ದಿಗಂತ್ ಮತ್ತು ಐಂದ್ರಿತಾ ರೇ, ಅದಾದ ಬಳಿಕ ಸೈಕಲ್ ರೈಡ್ಗೂ ಹೋಗಿದ್ದರು. ಸ್ನೇಹಿತರ ಜತೆಗೂಡಿ ಬೆಟ್ಟವನ್ನು ಏರಿದ್ದರು. ಇದೀಗ ಮಂಗನಂತೆ ಕಂಬ ಏರಿ, ಸಿಂಗಲ್ ಬಾರ್ನಲ್ಲಿ ವ್ಯಾಯಾಮ ಮಾಡಿದ್ದಾರೆ.
ಲಾಕ್ಡೌನ್ ವೇಳೆಯಲ್ಲಿ ಬಹುತೇಕರು ಅಡುಗೆ, ಓದು, ವ್ಯಾಯಾಮದ ಕಡೆ ಹೆಚ್ಚು ವಾಲಿದ್ದಾರೆ. ಫ್ಯಾಮಿಲಿ ಜತೆ ಖುಷಿಯ ಕ್ಷಣಗಳನ್ನು ಅನುಭವಿಸುತ್ತಿದ್ದಾರೆ. ಅದೇ ರೀತಿ ಸ್ಯಾಂಡಲ್ವುಡ್ ನಟ ದಿಗಂತ್ ಮಂಚಾಲೆ ಫಿಟ್ನೆಸ್ ಸಲುವಾಗಿ ಒಂದಿಲ್ಲೊಂದು ವ್ಯಾಯಾಮದ ಮೊರೆ ಹೋಗುತ್ತಾರೆ. ಇದೀಗ ಮಂಗನಂತೆ ಕಂಬ ಏರಿ ಅದರ ಮೇಲೆಯೇ ವ್ಯಾಯಾಮವನ್ನೂ ಮಾಡಿದ್ದಾರೆ. ಆ ವಿಡಿಯೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿರುವ ಅವರು, ಮಲ್ನಾಡ್ ಮಂಕಿ ಎಂಬ ಹೆಸರನ್ನೂ ತಮಗೆ ತಾವೇ ನೀಡಿಕೊಂಡಿದ್ದಾರೆ.
ಇದನ್ನೂ ಓದಿ: ಕ್ಯಾನ್ಸರ್ ನೋವನ್ನು ನಾನೂ ಅನುಭವಿಸಿದ್ದೇನೆ; ಸಂಜಯ್ ದತ್ ಚೇತರಿಕೆಗೆ ಯುವರಾಜ್ ಸಿಂಗ್ ಹಾರೈಕೆ
ಸಿನಿಮಾ ವಿಚಾರಕ್ಕೆ ಬರುವುದಾದರೆ, ‘ಹುಟ್ಟುಹಬ್ಬದ ಶುಭಾಶಯಗಳು’, ‘ಮಾರಿಗೋಲ್ಡ್’, ‘ಗಾಳಿಪಟ 2’ ಸೇರಿ ಹಲವು ಸಿನಿಮಾಗಳಲ್ಲಿ ದಿಗಂತ್ ಬಿಜಿಯಾಗಿದ್ದಾರೆ. ಲಾಕ್ಡೌನ್ ತೆರವಾಗುತ್ತಿದ್ದಂತೆ ಸಿನಿಮಾ ಕೆಲಸಗಳತ್ತ ಗಮನಹರಿಸಲಿದ್ದಾರೆ.