ಬೆಂಗಳೂರು: ಕನ್ನಡದ ಪ್ರಖ್ಯಾತ ರಿಯಾಲಿಟಿ ಶೋ ಬಿಗ್ಬಾಸ್ ಸೀಸನ್ 10 ಅಂತಿಮ ಹಂತಕ್ಕೆ ಬಂದಿದೆ. ವಿನ್ನರ್ ಯಾರು ಎಂಬುದು ನಾಳೆ ಖಚಿತವಾಗಲಿದೆ. ಈ ಫಿನಾಲೆ ವಾರದಲ್ಲಿ ಬಿಗ್ಬಾಸ್ ಮನೆಯೊಳಗೆ ಸಂಗೀತಾ, ವಿನಯ್, ಕಾರ್ತಿಕ್, ಪ್ರತಾಪ್, ತುಕಾಲಿ ಸಂತೋಷ್, ವರ್ತೂರು ಸಂತೋಷ್ ಒಟ್ಟು ಆರು ಸದಸ್ಯರಿದ್ದಾರೆ.
ಈ ಬಾರಿ ಯಾರು ಬಿಗ್ಬಾಸ್ ವಿನ್ನರ್ ಆಗಲಿದ್ದಾರೆ ಎಂಬ ಚರ್ಚೆ ಈಗಾಗಲೇ ಸಾರ್ವಜನಿಕ ವಲಯದಲ್ಲಿ ಶುರುವಾಗಿದೆ. ಸಂಗೀತಾ ಶೃಂಗೇರಿ, ವಿನಯ್ ಗೌಡ, ಕಾರ್ಮಿಕ್ ಮಹೇಶ್, ಡ್ರೋನ್ ಪ್ರತಾಪ್ ಮತ್ತು ವರ್ತೂರ್ ಸಂತೋಷ್ ಹೆಸರು ಕೇಳಿಬರುತ್ತಿದೆ. ಆದರೆ, ಎಲ್ಲರ ಊಹೆಗೆ ನಾಳೆ ಅಂತಿಮ ತೆರೆ ಬೀಳಲಿದೆ. ಇದರ ನಡುವೆ ಓರ್ವ ಸ್ಪರ್ಧಿಯ ಹೆಸರು ಹೆಚ್ಚು ಚಾಲ್ತಿಯಲ್ಲಿದೆ. ಆ ಸ್ಪರ್ಧಿ ಯಾರೆಂದರೆ, ಸಂಗೀತಾ ಶೃಂಗೇರಿ.
ಹೌದು, ಬಿಗ್ಬಾಸ್ ಸೀಸನ್ 10ರ ಟ್ರೋಫಿ ಸಂಗೀತಾ ಶೃಂಗೇರಿ ಮುಡಿಗೇರಲಿದೆಯಂತೆ. ಈ ಮಾತನ್ನು ಸಾರ್ವಜನಿಕರಾಗಲಿ ಅಥವಾ ಎಲಿಮಿನೇಟ್ ಆಗಿ ಮನೆಯಿಂದ ಹೊರಬಂದಿರುವ ಸ್ಪರ್ಧಿಗಳಾಗಲಿ ಹೇಳುತ್ತಿಲ್ಲ. ಸ್ವತಃ ಗೂಗಲ್ನಲ್ಲಿ ಸಂಗೀತಾ ಹೆಸರು ಕೇಳಿಬರುತ್ತಿದೆ. ಅದು ಹೇಗೆ ಅನ್ನೋ ನಿಮ್ಮ ಪ್ರಶ್ನೆಗೆ ಉತ್ತರ ಇಲ್ಲಿದೆ. ನೀವು ಗೂಗಲ್ಗೆ ಹೋಗಿ bigg boss kannada season 10 winner ಎಂದು ಸರ್ಚ್ ಮಾಡಿದರೆ ಮೊದಲು ಬರುವುದು ಸಂಗೀತಾ ಶೃಂಗೇರಿ ಹೆಸರು.
2024 ಜನವರಿ 27ರಂತೆ ಬಿಗ್ ಬಾಸ್ ಕನ್ನಡ ಸೀಸನ್ 10 ರ ಗ್ರ್ಯಾಂಡ್ ಫಿನಾಲೆಯಲ್ಲಿ ಸಂಗೀತಾ ಶೃಂಗೇರಿ ಗೆಲ್ಲುವ ನಿರೀಕ್ಷೆಯಿದೆ ಎಂದು ಗೂಗಲ್ ಸರ್ಚ್ನಲ್ಲಿ ತೋರುತ್ತಿದೆ. ವಿಜೇತ ಸ್ಪರ್ಧಿ 50 ಲಕ್ಷ ರೂ. ನಗದು ಮತ್ತು ಒಂದು ಕಾರು ಹಾಗೂ ಟ್ರೋಫಿಯನ್ನು ಬಹುಮಾನವಾಗಿ ಪಡೆಯಲಿದ್ದಾರೆ ಎಂದು ಗೂಗಲ್ ಸರ್ಚ್ನಲ್ಲಿ ಉಲ್ಲೇಖಿಸಲಾಗಿದೆ. ಆದರೆ, ಇದು ಎಷ್ಟರ ಮಟ್ಟಿಗೆ ನಿಜ ಎಂಬುದು ನಾಳೆ ಸಂಜೆ ಗೊತ್ತಾಗಲಿದೆ.
ಸಾನಿಯಾ ಶಾಪ ಇಷ್ಟು ಬೇಗ ತಟ್ಟಿತಾ? ದುಬೈಗೆ ಮರಳಿದ ಮರುಕ್ಷಣವೇ ಮಲಿಕ್ಗೆ ಬಿಗ್ ಶಾಕ್!
ಲೋಕಸಭೆ ಚುನಾವಣೆ: ರಾಹುಲ್ ಗಾಂಧಿ ಸ್ಪರ್ಧಿಸುವ ಕ್ಷೇತ್ರವನ್ನು ಬಹಿರಂಗಪಡಿಸಿದ ಸಂಸದ!