ಖಾಸಗಿ ಬಸ್, ಕಾರ್​​​ ನಡುವೆ ಅಪಘಾತ: ಸ್ಥಳದಲ್ಲೇ ಮೂವರು ಸಾವು, ಐದು ಮಂದಿ ಗಂಭೀರ | Hyderabad

Hyderabad: ಖಾಸಗಿ ಬಸ್ ಮತ್ತು ಕಾರು ನಡುವೆ ಡಿಕ್ಕಿಯಾದ ಪರಿಣಾಮ ಮೂವರು ಮೃತಪಟ್ಟಿದ್ದು, ಐದು ಮಂದಿ ಗಾಯಗೊಂಡ ಘಟನೆ ಹೈದರಾಬಾದ್​​ನ ರಂಗಾರೆಡ್ಡಿ ಜಿಲ್ಲೆಯ ಯಾಚಾರಂನಲ್ಲಿ ಮಂಗಳವಾರ ಮಧ್ಯರಾತ್ರಿ ನಡೆದಿದೆ.

ಅಪಘಾತದಲ್ಲಿ ಬಲಿಯಾದವರನ್ನು ಸಾಯಿ ತೇಜ, ಪವನ್ ಮತ್ತು ರಾಘವೇಂದ್ರ ಎಂದು ಗುರುತಿಸಲಾಗಿದ್ದು, ಇವರೆಲ್ಲರೂ ಮಹಬೂಬ್‌ನಗರದವರಾಗಿದ್ದು, ಹೈದರಾಬಾದ್‌ನಲ್ಲಿ ವಾಸಿಸುವ ತಮ್ಮ ಸ್ನೇಹಿತರೊಂದಿಗೆ ನಾಗಾರ್ಜುನ ಸಾಗರ್‌ನಲ್ಲಿರುವ ವೈಜಾಗ್ ಕಾಲೋನಿಯಲ್ಲಿ ಪಿಕ್ನಿಕ್ ಮುಗಿಸಿ ಕಾರಿನಲ್ಲಿ ಹಿಂತಿರುಗುತ್ತಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ: 50 ದಿನ ಸ್ನಾನ ಮಾಡದೆ ಇದ್ದ ನಟ! ಕಾಗೆಗಳು, ಹದ್ದುಗಳನ್ನು ಈ ಹೀರೋ ನೋಡ್ತಿದ್ದಂತೆ ಅವನ ಮೇಲೆ ಸುಳಿದಾಡಲು ಪ್ರಾರಂಭಿಸುತ್ತಿದ್ದವು…mukesh tiwari

ಅವರು ಪ್ರಯಾಣಿಸುತ್ತಿದ್ದ ಕಾರು ನಾಗಾರ್ಜುನ ಸಾಗರ್ ರಸ್ತೆಯ ಯಾಚಾರಂನಲ್ಲಿರುವ ಮಾಲ್ ತಲುಪಿದಾಗ, ಅತಿವೇಗವಾಗಿ ಬಂದ ಖಾಸಗಿ ಬಸ್ ಅದಕ್ಕೆ ಡಿಕ್ಕಿ ಹೊಡೆದಿದೆ ಎಂದು ಆರೋಪಿಸಲಾಗಿದೆ.

ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ಬಂದು ಗಾಯಾಳುಗಳನ್ನು ರಕ್ಷಿಸಿ ಶವಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಆಸ್ಪತ್ರೆಗೆ ಸಾಗಿಸಿದ್ದಾರೆ. ಈ ಘಟನೆ ಕುರಿತು ತನಿಖೆ ನಡೆಯುತ್ತಿದೆ. (ಏಜೆನ್ಸೀಸ್​)

https://www.vijayavani.net/mukesh-tiwari-did-not-bath-for-50-days