ಬಿಗ್ ಬಿ ಅಮಿತಾಭ್ ಬಚ್ಚನ್ ಮಗನೆಂಬ ಮಾತ್ರಕ್ಕೆ ಅಭಿಷೇಕ್ಗೆ ಚಿತ್ರರಂಗದಲ್ಲಿ ಎಲ್ಲವೂ ಸಲೀಸಾಗಿ ಸಿಕ್ಕಿತು ಎಂದು ಹೇಳುವುದು ಕಷ್ಟ. 20 ವರ್ಷಗಳ ಹಿಂದೆ ಅಭಿಷೇಕ್ ಚಿತ್ರರಂಗಕ್ಕೆ ಬರುವುದಕ್ಕೂ ಕಷ್ಟಪಟ್ಟರು, ಈಗಲೂ ಕಷ್ಟಪಡುತ್ತಿದ್ದಾರೆ ಎಂದರೆ, ಅದರಲ್ಲಿ ಸುಳ್ಳೇನಿಲ್ಲ. ಚಿತ್ರರಂಗಕ್ಕೆ ಬಂದು 20 ವರ್ಷಗಳಾದರೂ, ಅಭಿಷೇಕ್ ಕೈಯಲ್ಲಿ ಅಷ್ಟೇನೂ ದೊಡ್ಡ ಚಿತ್ರಗಳಿಲ್ಲ. ಹಾಗೆಯೇ ಚಿತ್ರರಂಗದಲ್ಲಿ ಅವರು ಬೇಡಿಕೆಯ ನಟರಾಗಿ ಹೊರಹೊಮ್ಮಲಿಲ್ಲ. ಅದಕ್ಕೆ ಕಾರಣ, ಚಿತ್ರಗಳ ಸೋಲು. ಅಭಿಷೇಕ್ ಒಂದಿಷ್ಟು ಒಳ್ಳೆಯ ಪಾತ್ರಗಳನ್ನು ಮಾಡಿದರೂ, ದೊಡ್ಡದೊಡ್ಡ ನಿರ್ದೇಶಕರ ಜತೆಗೆ ಕೆಲಸ ಮಾಡಿದರೂ, ಅವರ ಚಿತ್ರಗಳ್ಯಾವುವೂ ಬ್ಲಾಕ್ಬಸ್ಟರ್ಗಳಾಗಲೇ ಇಲ್ಲ. ಅದೇ ಕಾರಣಕ್ಕೆ ಅಭಿಷೇಕ್, ಈಗಲೂ ಒದ್ದಾಡುತ್ತಲೇ ಇದ್ದಾರೆ. ಆ ಸೋಲಿಗೆ ನೇರವಾಗಿ ಪುತ್ರಿ ಆರಾಧ್ಯಾ ಕಾರಣ ಎಂದೂ ಅವರು ಹೇಳುತ್ತಾರೆ.
