ಬೆಂಗಳೂರು: ಮದುವೆ ನಂತರ ತಂದೆ ತಾಯಿ ಆಗುವುದು ಒಂದು ಸುಂದರ ಕ್ಷಣ. ಇದು ಜನಸಾಮಾನ್ಯರು ಹಾಗೂ ಸ್ಟಾರ್ ನಟಿ-ನಟಿಯರಿಗೂ ಅನ್ವಯವಾಗುತ್ತದೆ. ನಟಿಯೊಬ್ಬರು ಮದುವೆಯಾಗಿ 14 ವರ್ಷಗಳ ನಂತರ ಮಗುವನ್ನು ದತ್ತು ಪಡೆದುಕೊಂಡಿದ್ದಾರೆ.
ನಟಿ ಅಭಿರಾಮಿ, ರಾಹುಲ್ ಪವನ್ ಎಂಬುವರನ್ನು ಮದುವೆ ಆಗಿದ್ದಾರೆ. ಮದುವೆ ಆಗಿ 14 ವರ್ಷಗಳಾದರೂ ಈ ಜೋಡಿಗೆ ಮಕ್ಕಳು ಆಗಿಲ್ಲ. ಹೀಗಾಗಿ ನಟಿ ಮಗುವನ್ನು ದತ್ತು ಪಡೆದುಕೊಂಡಿದ್ದಾರೆ. ಮೇ 14 ವಿಶ್ವ ತಾಯಂದಿರ ದಿನದಂದು ಅಭಿರಾಮಿ ಈ ಖುಷಿಯ ವಿಚಾರವನ್ನು ತಮ್ಮ ಅಭಿಮಾನಿಗಳೊಂದಿಗೆ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
View this post on Instagram
”ಪ್ರೀತಿಯ ಸ್ನೇಹಿತರೇ, ರಾಹುಲ್ ಹಾಗೂ ನಾನು ಈ ಸುದ್ದಿಯನ್ನು ನಿಮ್ಮೊಂದಿಗೆ ಹಂಚಿಕೊಳ್ಳಲು ಥ್ರಿಲ್ ಆಗಿದ್ದೇವೆ. ನಾವು ಈಗ ಕಲ್ಕಿ ಎಂಬ ಹೆಣ್ಣು ಮಗುವಿನ ಪೋಷಕರಾಗಿದ್ದೇವೆ. ನಾವು ಈ ಮಗುವನ್ನು ಕಳೆದ ವರ್ಷ ದತ್ತು ಪಡೆದಿದ್ದೇವೆ. ಈ ಮಗು ನಮ್ಮ ಜೀವನದಲ್ಲಿ ಬಂದ ನಂತರ ಎಲ್ಲವೂ ಬದಲಾವಣೆ ಆಗಿದೆ. ತಾಯಂದಿರ ದಿನವನ್ನು ಸೆಲೆಬ್ರೇಟ್ ಮಾಡಲು ಬಹಳ ಖುಷಿ ಆಗುತ್ತಿದೆ. ನಮ್ಮ ಕುಟುಂಬದ ಮೇಲೆ ನಿಮ್ಮ ಆಶೀರ್ವಾದ ಇರಲಿ” ಎಂದು ಅಭಿರಾಮಿ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಹಿಂದುಗಳ ಜಾತ್ರೆಯಲ್ಲಿ ಆರೇಂಜ್ ಜ್ಯೂಸ್ ವಿತರಿಸಿದ ಮುಸ್ಲಿಮರು; ಭಾವೈಕ್ಯತೆಗೆ ಸಾಕ್ಷಿಯಾದ ಜನರು
ನಟಿಯ ಇನ್ಸ್ಟಾಗ್ರಾಮ್ನ ಈ ಫೋಸ್ಟ್ ನೋಡಿದ ಸೆಲೆಬ್ರಿಟಿಗಳು ಹಾಗೂ ಅಭಿಮಾನಿಗಳು ಶುಭ ಕೋರಿದ್ದಾರೆ. ಈ ಜೋಡಿ ಹೆಣ್ಣು ಮಗುವನ್ನು ದತ್ತು ಪಡೆದಿರುವುದು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.
ಅಭಿರಾಮಿ 2009ರಲ್ಲಿ ಮಲಯಾಳಂ ಖ್ಯಾತ ಸಾಹಿತಿ ಪುತನ್ ವೆಟೆಲ್ ನಾರಾಯಣನ್ ನಾಯರ್ ಅವರ ಮೊಮ್ಮಗ ರಾಹುಲ್ ಪವನ್ ಎಂಬುವರನ್ನು ಮದುವೆ ಆಗಿದ್ದಾರೆ. ಆದರೆ ಮದುವೆ ಆಗಿ 14 ವರ್ಷಗಳಾದರೂ ಈ ಜೋಡಿಗೆ ಮಕ್ಕಳು ಆಗಿಲ್ಲ.