ಮುಂಬೈ: ಬಾಲಿವುಡ್ನಲ್ಲಿ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಎಂದೇ ಖ್ಯಾತಿ ಪಡೆದಿರುವ ಅಮೀರ್ ಖಾನ್(Aamir Khan) ತಮ್ಮ 60ನೇ ವಯಸ್ಸಿನಲ್ಲಿ ಮೂರನೇ ಬಾರಿಗೆ ಪ್ರೀತಿಯಲ್ಲಿ ಬಿದ್ದಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಅವರು ಗೌರಿ ಸ್ಪ್ರಾಟ್ ಎಂಬ ಮಹಿಳೆಯೊಂದಿಗೆ ಸಂಬಂಧ ಹೊಂದಿದ್ದಾರೆ. ಸದ್ಯ ಇದು ಸಿನಿರಂಗದಲ್ಲಿ ಚರ್ಚೆಯ ಹಾಟ್ ಟಾಪಿಕ್ ಆಗಿದೆ.
ಅಂದ್ಹಾಗೆ ಗೌರಿಯನ್ನು ಮಾಧ್ಯಮಗಳಿಗೆ ಪರಿಚಯಿಸುವಾಗ ಅಮೀರ್ ಖಾನ್ ತನ್ನ ಮಕ್ಕಳು ಈ ಸಂಬಂಧದಿಂದ ಸಂತೋಷವಾಗಿದ್ದಾರೆ ಮತ್ತು ಕುಟುಂಬವು ಅವರನ್ನು ಆತ್ಮೀಯವಾಗಿ ಸ್ವಾಗತಿಸಿತು ಎಂದು ಹೇಳಿದ್ದರು. ಆದರೆ ಏತನ್ಮಧ್ಯೆ ಅಮೀರ್ ಅವರ ಪುತ್ರಿ ಇರಾ ಖಾನ್ ಅವರ ವಿಡಿಯೋವೊಂದು ವೈರಲ್ ಆಗಿದೆ. ಅದರಲ್ಲಿ ಅವರು ಅಳುತ್ತಿರುವುದನ್ನು ನೋಡಬಹುದು.
ಇರಾ ಅವರ ತಂದೆ ಅಮೀರ್ ಖಾನ್ ಅವರನ್ನು ಭೇಟಿಯಾಗಲು ಬಂದಿದ್ದರು. ಆದರೆ ಅವರ ಕಣ್ಣುಗಳಲ್ಲಿ ನೀರು ಇರುವುದು ಹಾಗೂ ಮುಖದಲ್ಲಿ ದುಃಖದಿಂದ ಇರುವುದು ಸ್ಪಷ್ಟವಾಗಿ ಗೋಚರಿಸುತ್ತಿತ್ತು. ಇರಾಳನ್ನು ನೋಡಿದ ನಂತರ ಅಮೀರ್ ಸ್ವತಃ ಆಶ್ಚರ್ಯ ಮತ್ತು ಅಸಮಾಧಾನಗೊಂಡಂತೆ ಕಾಣುತ್ತಿದ್ದರು.
View this post on Instagram
View this post on Instagram
ಈ ವಿಡಿಯೋ ವೈರಲ್ ಆದ ನಂತರ ನೆಟ್ಟಿಗರು ಪ್ರತಿಕ್ರಿಯಿಸುತ್ತಿದ್ದಾರೆ. ಆಕೆಗೆ ಹೊಸ ತಾಯಿ ಇಷ್ಟವಾಗಲಿಲ್ಲ ಎಂದು ತೋರುತ್ತಿದೇ?, ಆಕೆಗೆ ಮೂರನೇ ತಾಯಿ ಸಿಕ್ಕಿದ್ದಾಳೆ, ಹೊಸ ತಾಯಿ ಬರುತ್ತಿದ್ದಾಳೆ ಎಂಬ ಸಂತೋಷದ ಕಣ್ಣೀರು, ಇರಾಗೆ ಗೌಪ್ಯತೆ ನೀಡಿ, ದುಃಖದಲ್ಲಿರುವವರನ್ನು ಸೆರೆಹಿಡಿಯುವುದು ಸೂಕ್ತವೇ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.(ಏಜೆನ್ಸೀಸ್)
