ತಾನು ಪ್ರೀತಿಸಿದವನನ್ನೇ ಮದುವೆಯಾಗುವೆ ಎಂದು ಹಠ ಹಿಡಿದ ಯುವತಿ; ಹುಡುಗ ಬೇರೆ ಜಾತಿ ಎಂದು ಆಕೆಯನ್ನೇ ಸುಟ್ಟು ಹಾಕಿದ ಕುಟುಂಬ | Lovers

Lovers: ಬೇರೆ ಜಾತಿಯ ಗೆಳೆಯನನ್ನು ಮದುವೆಯಾಗಲು ಹಠ ಹಿಡಿದಿದ್ದ ಹುಡುಗಿಯೊಬ್ಬಳನ್ನು ಆಕೆಯ ಕುಟುಂಬ ಸದಸ್ಯರು ಕತ್ತು ಹಿಸುಕಿ ಕೊಂದು, ಸುಟ್ಟು ಹಾಕಿದ ಘಟನೆ ಉತ್ತರ ಪ್ರದೇಶದ ಬಾಗ್‌ಪತ್​​​ನಲ್ಲಿ ನಡೆದಿದೆ.

ಇದನ್ನೂ ಓದಿ: ಕೋಳಿ ಸಾರಿನಲ್ಲಿ ಕೀಟನಾಶಕವನ್ನು ಬೆರೆಸಿ ಗಂಡನನ್ನು ಕೊಂದಳು! ಈ ಜೋಡಿ ಮದುವೆಯಾಗಿ ಕೇವಲ 36 ದಿನಗಳು..deadly meal

ನಡೆದ ಘಟನೆ

ಬರೋಟ್ ಕೊತ್ವಾಲಿ ಪ್ರದೇಶದ ಹಳ್ಳಿಯಲ್ಲಿ ಈ ಘಟನೆ ನಡೆದಿದ್ದು, ಶಿವಾನಿ ಎಂಬ ಹುಡುಗಿಯನ್ನು ಆಕೆಯ ಪೋಷಕರು, ಸಹೋದರ ಮತ್ತು ಸೋದರಸಂಬಂಧಿ ಕೊಂದಿದ್ದಾರೆ. ಶಿವಾನಿ ಮತ್ತು ಅಂಕಿತ್ ಪ್ರೀತಿಸುತ್ತಿದ್ದರು. ಕುಟುಂಬ ಸದಸ್ಯರಿಗೆ ಈ ವಿಷಯ ತಿಳಿದಾಗ, ಇಬ್ಬರೂ ತಮ್ಮ ಸಂಬಂಧದ ಬಗ್ಗೆ ಬಹಿರಂಗವಾಗಿ ಮಾತನಾಡಿದರು. ಕುಟುಂಬ ಸದಸ್ಯರು ಈ ಸಂಬಂಧವನ್ನು ವಿರೋಧಿಸಿದರು ಆದರೆ ಶಿವಾನಿ ಅಂಕಿತ್ ಅವರನ್ನು ಮದುವೆಯಾಗಲು ಪಟ್ಟು ಹಿಡಿದಿದ್ದಳು. ಮಧ್ಯರಾತ್ರಿ, ಎಲ್ಲರೂ ಮಲಗಿದ್ದಾಗ, ಶಿವಾನಿಯ ತಂದೆ ಮತ್ತು ಇತರ ಕುಟುಂಬ ಸದಸ್ಯರು ಆಕೆಯನ್ನು ಕತ್ತು ಹಿಸುಕಿ ಕೊಂದಿದ್ದಾರೆ. ಅದೇ ರಾತ್ರಿ ಆಕೆಯ ಚಿತೆಯನ್ನು ಸಹ ಹೊತ್ತಿಸಿ ಚಿತಾಭಸ್ಮವನ್ನು ಯಮುನಾ ನದಿಯಲ್ಲಿ ವಿಸರ್ಜಿಸಿದ್ದಾರೆ.

ತನ್ನ ರಕ್ಷಣೆಗಾಗಿ ಪೊಲೀಸರಲ್ಲಿ ಮೊರೆ ಇಟ್ಟ ಪ್ರೇಮಿ

ಪೊಲೀಸರಿಗೆ ಫೋನ್​​ ಮಾಡಿ ಆಕೆಯ ಪ್ರೇಮಿ ನಡೆದ ಎಲ್ಲಾ ವಿಷಯವನ್ನು ಹೇಳಿದ್ದಾನೆ. ಶಿವಾನಿ ಕೊಲೆಯಾಗಿದ್ದಾಳೆ ಮತ್ತು ಈಗ ನಾನು ಮತ್ತು ನನ್ನ ಕುಟುಂಬದ ಜೀವ ಅಪಾಯದಲ್ಲಿದೆ ಎಂದು ಅವನು ಹೇಳಿದ್ದಾನೆ. ಸಾಯುವ ಮೊದಲು, ಶಿವಾನಿ ಒಂದು ಪತ್ರ ಬರೆದು ತನ್ನ ಜೀವ ಅಪಾಯದಲ್ಲಿದೆ ಎಂದು ಹೇಳಿದ್ದಳು, ಅದರಲ್ಲಿ ಅವಳು ತನ್ನ ತಂದೆ ಮತ್ತು ಸಹೋದರ ಸೇರಿದಂತೆ ಅನೇಕ ಜನರ ಬಗ್ಗೆ ಹೇಳಿದ್ದಳು. ನಾವು ಮದುವೆಯಾಗಲು ಬಯಸಿದ್ದೆವು. ಆದರೆ ನಾನು ಬೇರೆ ಜಾತಿಯವನೆಂದು ಅವಳ ಕುಟುಂಬ ಸದಸ್ಯರಿಗೆ ವಿಷಯ ತಿಳಿದು ಅವಳನ್ನು ಕೊಂದು ಸುಟ್ಟು ಹಾಕಿದರು. ಈಗ ನನ್ನ ಜೀವವೂ ಅಪಾಯದಲ್ಲಿದೆ ಎಂದು ಅಂಕಿತ್ ಪೊಲೀಸರಿಗೆ ತಿಳಿಸಿದ್ದಾನೆ. (ಏಜೆನ್ಸೀಸ್​)

https://www.vijayavani.net/transgender-athlete-anaya-bangar-releases-her-test-results-puts-bcci-icc-in-a-spot-read-more