ರಾತ್ರಿ ಗಾಢ ನಿದ್ರೆಯಲ್ಲಿದ್ದ ಮಹಿಳೆಗೆ ಕಚ್ಚಿದ ಉರಗ! ದಿಂಬಿನಡಿ ಅವಿತಿದ್ದ ಹಾವಿಗೆ ಆಕೆ ಮಾಡಿದ್ದೇನು ಗೊತ್ತಾ..? Snake

Snake: ವಿಷಪೂರಿತ ಹಾವು ಕಚ್ಚಿ ಮಹಿಳೆಯೊಬ್ಬರು ಸಾವನ್ನಪ್ಪಿದ ದುರಂತ ಘಟನೆ ಉತ್ತರ ಪ್ರದೇಶದ ಬಹ್ರೈಚ್‌ನಲ್ಲಿ ಬುಧವಾರ (ಜು.16) ನಡೆದಿದೆ. ಆಘಾತಕಾರಿ ಅಂಶವೆಂದರೆ ಮಹಿಳೆ ಹಾವಿನೊಂದಿಗೆ ಗಂಭೀರ ಸ್ಥಿತಿಯಲ್ಲಿ ಆಸ್ಪತ್ರೆಗೆ ತಲುಪಿದ್ದಳು. ರಾತ್ರಿ ಮಲಗಿದ್ದಾಗ ಹಾವು ಕಚ್ಚಿದ ನಂತರ ದಿಂಬಿನ ಕೆಳಗೆ ಅಡಗಿದ್ದ ಉರಗವನ್ನು ಹಿಡಿದು ಪೆಟ್ಟಿಗೆಯೊಳಗೆ ಇರಿಸಿ ಆಸ್ಪತ್ರೆಗೆ ಕರೆದೊಯ್ದರು. ಆಸ್ಪತ್ರೆಯಲ್ಲಿದ್ದ ವೈದ್ಯರಿಗೆ ಹಾವನ್ನು ತೋರಿಸಿದರು. ಅವರ ಸ್ಥಿತಿ ಗಂಭೀರವಾದ ಕಾರಣ ಲಕ್ನೋಗೆ ಕರೆದೊಯ್ಯಲಾಯಿತು. ಆದರೆ, ಲಕ್ನೋಗೆ ಕರೆದೊಯ್ಯುವಾಗಲೇ ಅವರು ಸಾವನ್ನಪ್ಪಿದರು.

ಇದನ್ನೂ ಓದಿ: ತನ್ನ ಉದುರಿದ ಕೂದಲನ್ನು ಸಂಗ್ರಹಿಸಿ ಹಣ ಸಂಪಾದಿಸುತ್ತಿರುವ ಯುವತಿ! ಕೂದಲನ್ನು ಸಂಗ್ರಹಿಸಿ ಕೋಟ್ಯಾಧಿಪತಿಯಾಗಬಹುದು ಎಂದ್ರು ನೆಟ್ಟಿಗರು.. money

ಅಂಬ್ವಾ ತಿತಾರ್ಪುರ್ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ಸೋಫಿಯಾ (26) ಎಂದು ಗುರುತಿಸಲಾದ ಮಹಿಳೆ ಮಲಗಿದ್ದಾಗ ವಿಷಪೂರಿತ ಹಾವು ಕಚ್ಚಿದೆ ಎಂದು ವರದಿಯಾಗಿದೆ.

ಬುಧವಾರ ರಾತ್ರಿ 3 ಗಂಟೆ ಸುಮಾರಿಗೆ ಸೋಫಿಯಾ ಅವರ ಮನೆಯಲ್ಲಿ ಹಾವು ಕಚ್ಚಿದೆ. ಹಾವು ಕಚ್ಚಿದ ನಂತರ ಅವರು ಭಯ ಮತ್ತು ನೋವಿನಿಂದ ಕಿರುಚಲು ಪ್ರಾರಂಭಿಸಿದರು. ಅವರ ಕುಟುಂಬ ಸದಸ್ಯರು ಅವರ ಕೋಣೆಗೆ ಬಂದು ಹಾವು ಅವರ ದಿಂಬಿನ ಕೆಳಗೆ ಅಡಗಿರುವುದನ್ನು ಕಂಡು ಆಘಾತಕ್ಕೊಳಗಾದರು.

ಅವರು ಸೋಫಿಯಾ ಮತ್ತು ಹಾವನ್ನು ಆಸ್ಪತ್ರೆಗೆ ಕರೆದೊಯ್ದರು. ವೈದ್ಯರು ಸೋಫಿಯಾಗೆ ಆರಂಭಿಕ ಚಿಕಿತ್ಸೆ ನೀಡಲು ಪ್ರಾರಂಭಿಸಿದರು, ಆದರೆ ಆಕೆಯ ಸ್ಥಿತಿ ಹದಗೆಡುತ್ತಲೇ ಇತ್ತು. ಹೆಚ್ಚಿನ ಚಿಕಿತ್ಸೆಗಾಗಿ ಲಕ್ನೋಗೆ ಕಳುಹಿಸಲು ಅವರು ನಿರ್ಧರಿಸಿದರು. ದುರಂತವೆಂದರೆ, ಸೋಫಿಯಾ ಅವರನ್ನು ಲಕ್ನೋಗೆ ಕರೆದೊಯ್ಯುವ ಮಾರ್ಗಮಧ್ಯೆ ಅವರು ಸಾವನ್ನಪ್ಪಿದರು. (ಏಜೆನ್ಸೀಸ್​)

https://www.vijayavani.net/anupam-kher-on-not-having-biological-kids-as-wife-kirron-kher-couldnt-conceive