ನಾರ್ತ್ ವರ್ನಾನ್: ಅವು ವಿಯೆಟ್ನಾಂ ಯುದ್ಧದ ದಿನಗಳು. ಅಲ್ಲೊಬ್ಬ ಯೋಧ ಸೇನಾ ಅನುಭವಗಳನ್ನು ಹಂಚಿಕೊಂಡು ತನ್ನ ಸಹೋದರಿಗೆ ಪತ್ರ ಬರೆಯುತ್ತಾನೆ. ವಿಳಾಸ ತಪ್ಪಾಗಿಯೋ ಅಥವಾ ಇನ್ನಾವುದೋ ಕಾರಣದಿಂದಾಗಿ ಬರೊಬ್ಬರಿ 52 ವರ್ಷಗಳ ನಂತರ ಆ ಪತ್ರ ಆಕೆಯ ಕೈ ಸೇರುತ್ತದೆ. ಮೊದಮೊದಲು ಆಕೆ ಇದು ಯಾರು ಬರೆದ ಪತ್ರವಿರಬಹುದು ಎಂಬ ಗೊಂದಲಕ್ಕೊಳಗಾದರೂ ಕೊನೆಗೆ ತನ್ನ ಸಹೋದರನೇ 52 ವರ್ಷಗಳ ಹಿಂದೆ ಬರೆದದ್ದು ಎಂದು ಖಚಿತವಾಗಿ, ಕಣ್ಣಾಲಿಗಳು ತುಂಬುತ್ತವೆ.
ಇದು ಯಾವುದೋ ಒಂದು ಹಳೆಯ ಸಿನೆಮಾ ಕಥೆಯಲ್ಲ. ನಂಬಲಸಾಧ್ಯವಾದರೂ ನೈಜ ಘಟನೆಯೇ.
1968ರಲ್ಲಿ, ಬರೊಬ್ಬರಿ 52 ವರ್ಷಗಳ ಹಿಂದೆ ವಿಯೆಟ್ನಾಂ ಯುದ್ಧದಲ್ಲಿದ್ದ ಯೋಧನೊಬ್ಬ ತನ್ನ ಸಹೋದರಿಗೆ ಬರೆದ ಪತ್ರವೊಂದು 52 ವರ್ಷಗಳ ಬಳಿಕ ಕೈ ಸೇರಿದೆ.
